Аймгийн Засаг даргын Тамгын газраас зохион байгуулж буй “Төрийн алба хаагчийн сарын аян-2022” аяны хүрээнд шилдэг илтгэл, илтгэгчийг шалгаруулах, алба хаагчдын илтгэх, ярих ур чадварыг сайжруулах зорилгоор алба хаагчдын дунд “Ёс зүйтэй, мэдлэг чадвартай, хариуцлагатай төрийн алба” сэдэвт илтгэлийн уралдааныг зохион байгууллаа.
Уралдаанд алба хаагчид идэвхтэй сайн оролцсоноос Хутаг-Өндөр сум дахь Эрэн хайх аврах салбарын аврагч, дэд ахлагч Э.Болорчимэг нэгдүгээр байр, Гал түймэр унтраах аврах 50-р ангийн дуудлага хүлээн авагч, ахлах ахлагч Л.Энхнаран хоёрдугаар байр, Гал түймэр унтраах аврах 20-р ангийн дуудлага хүлээн авагч, ахлагч М.Пунсалдулам гуравдугаар байр тус тус эзэллээ гэж Булган аймгийн Онцгой байдлын газраас мэдээллээ.