1. Цаг агаар:
Өнгөрсөн хоногт: Нийт нутгаар цаг агаар тогтуун байсан.
Өнөөдөр: Төв болон зүүн аймгуудын нутгийн хойд хэсгээр солигдмол үүлтэй, бусад нутгаар багавтар үүлтэй. Хэнтэйн уулархаг нутаг, Халх голын хөндийгөөр ялимгүй цас орно. Бусад нутгаар цас орохгүй. Салхи ихэнх нутгаар баруун хойноос 5-10 м/с, тал, хээрийн нутгаар 12-14 м/с хүрч ширүүснэ.Хөвсгөлийн уулархаг нутаг, Завхан голын эх, Идэр, Тэс голын хөндий, Хүрэнбэлчир орчмоор -25…-30 градус, Хангайн уулархаг нутгаар -21…-26 градус, цас багатай энгэр ээвэр газар болон говийн бүс нутгийн өмнөд хэсгээр -11…-16 градус, бусад нутгаар -16…-21 градус хүйтэн байна.
Улаанбаатар хотод: Үүлшинэ. Цас орохгүй. Салхи баруун хойноос 5-10 м/с. -18…-20 градус хүйтэн байна.
Төлөв байдал: 12 дугаар сарын 01-нд Хөвсгөл, Хэнтэйн уулархаг нутгаар, 02-нд Төв болон зүүн аймгуудын нутгийн хойд хэсгээр, 03-нд Алтай, Хангай, Хөвсгөл, Хэнтэйн уулархаг нутгаар ялимгүй цас орно. Салхи 12 дугаар сарын 01-нд Алтайн салбар уулс болон Арц Богдын өвөр хоолойгоор, 2-нд говь, тал, хээрийн нутгаар 12-14 м/с хүрч ширүүснэ. Дархадын хотгор, Хүрэнбэлчир орчим, Завхан голын эх, Идэр, Тэс голын хөндийгөөр шөнөдөө -39…-44 градус, өдөртөө -26…-31 градус, Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Туул, Тэрэлж голын хөндийгөөр шөнөдөө -32…-37 градус, өдөртөө -20…-25 градус, говийн бүс нутгийн өмнөд хэсгээр шөнөдөө -18…-23 градус, өдөртөө -8…-13 градус, бусад нутгаар шөнөдөө -26…-31 градус, өдөртөө -15…-20 градус хүйтэн байна. Хугацааны сүүлчээр ихэнх нутгаар хүйтний эрч бага зэрэг суларна.
2.Гал түймэр:
– ААН, байгууллагын өмчид гарсан: Нийслэлийн Хан-Уул дүүргийн 4 дүгээр хороо, Блю монте хотхон гал гарч байна гэсэн дуудлагыг 11.29-ний өдрийн 06:49 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчдыг очиход “Блю монте” ХХК-ийн 6х3 метрийн хэмжээтэй агуулах шатаж байсныг 10 минут ажиллан унтраасан.
– Хувийн өмчид гарсан: Орхон аймгийн Баян-Өндөр сумын Яргуйт баг, Овоотын 3/А дугаар гудамжинд байшин шатаж байна гэсэн дуудлагыг 11.29-ний өдрийн 07:05 цагт хүлээн авсан. Тус аймгийн Онцгой байдлын газрын Гал түймэр унтраах, аврах 68 дугаар анги, Гал түймэр унтраах, аврах 81 дүгээр ангийн алба хаагчдыг очиход иргэн М-ын 10×5 метрийн хэмжээтэй байшин шатаж байсныг 10 алба хаагч, 2 автомашинтай 02:03 цаг ажиллан унтраасан.
Баянхонгор аймгийн Баянхонгор сумын Есөнбулаг баг, 2 дугаар гудамжинд автомашин шатаж байна гэсэн дуудлагыг 11.29-ний өдрийн 09:19 цагт хүлээн авсан. Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчдыг очиход иргэн А-ийн “Эдван” загварын суудлын автомашины хөдөлгүүр шатаж байсныг 7 минут ажиллан унтраасан.
Нийслэлийн Сонгинохайрхан дүүргийн 24 дүгээр хороо, Бумбат байшин шатаж байна гэсэн дуудлагыг 11.29-ний өдрийн 09:52 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчдыг очиход иргэн О-ын 11×4 метрийн хэмжээтэй байшингийн дээвэр шатаж байсныг 50 минут ажиллан унтраасан.
Нийслэлийн Чингэлтэй дүүргийн 12 дугаар хороо, Булаг автомашин шатаж байна гэсэн дуудлагыг 11.29-ний өдрийн 09:57 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн А-ын “CRV” загварын суудлын автомашин шатаж байсныг 10 минут ажиллан унтраасан.
Орхон аймгийн Баян-Өндөр сумын Наран баг, 36 дугаар гудамжинд байшингийн дээврээс утаа гарч байна гэсэн дуудлагыг 11.29-ний өдрийн 10:37 цагт хүлээн авсан. Тус аймгийн Онцгой байдлын газрын Гал түймэр унтраах, аврах 81 дүгээр ангийн алба хаагчдыг очиход иргэн Н-ийн 8х12 метрийн хэмжээтэй 2 давхар байшингийн дээвэр шатаж байсныг 02:05 цаг ажиллан унтраасан.
Нийслэлийн Баянгол дүүргийн 20 дугаар хороо, 29 дүгээр байр хог шатаж байна гэсэн дуудлагыг 11.29-ний өдрийн 11:56 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагчдыг очиход хогийн цэгт хог шатаж байсныг 30 минут ажиллан унтраасан.
Нийслэлийн Сүхбаатар дүүргийн 16 дугаар хороо, Бэлх байшин шатаж байна гэсэн дуудлагыг 11.30-ны өдрийн 01:48 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн Э-ын 10×8 метрийн хэмжээтэй байшин шатаж байсныг 20 минут ажиллан унтраасан.
Төв аймгийн Зуунмод сумын Нацагдорж багийн 11 дүгээр гудамжинд амбаар шатаж байна гэсэн дуудлагыг 11.30-ны өдрийн 02:19 цагт хүлээн авсан. Тус аймгийн Онцгой байдлын газрын Гал түймэр унтраах, аврах 24 дүгээр ангийн алба хаагчдыг очиход иргэн С-ын 5х3 метрийн хэмжээтэй амбаарын дээвэр шатаж байсныг 13 минут ажиллаж унтраасан.
3.Хүний үйл ажиллагаатай холбоотой осол:
Төөрсөн, сураггүй болсон: Хэнтий аймгийн Жаргалтхаан сумын Баян-Эрдэнэ баг, “Шивэр” гэдэг газар /аймгийн төвөөс баруун хойд зүгт 140 км, сумын төвөөс баруун хойд зүгт 40 км/-т Малчин Ж /74 настай, эрэгтэй/ 11.29-ний өдрийн 09:00 цагт хониндоо яваад сураггүй болсон тухай дуудлагыг 11.29-ний өдрийн 18:20 цагт хүлээн авсан. Тус аймгийн Онцгой байдлын газрын Жаргалтхаан сум дахь Эрэн хайх, аврах бүлгийн алба хаагчдыг 40 км замыг туулан 21:11 цагт гэрт нь очиход иргэн Ж гэртээ эсэн мэнд ирсэн байсан.
Цас шаварт суусан: Нийслэлийн Налайх дүүргийн 5 дугаар хороо, Бүс нуур гэдэг газар /төв замаас 0.5 км/-т автомашин цасанд суусан гэсэн дуудлагыг 11.29-ний өдрийн 04:10 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очиход иргэн Х /21 настай, эрэгтэй/-ын жолоодож явсан “Камри” загварын суудлын автомашин цасанд суусан байсныг 10 минут ажиллан татан гаргасан.
Хэнтий аймгийн Цэнхэрмандал сумын 3 дугаар баг, Замчдын-Овоо гэдэг газар /аймгийн төвөөс баруун хойд зүгт 150 км, сумын төвөөс баруун хойд зүгт 30 км, Багануур дүүргээс хойд зүгт 45 км/-т автомашин цасанд суусан гэсэн дуудлагыг 11.29-ний өдрийн 04:20 цагт хүлээн авсан. Багануур дүүргийн Онцгой байдлын хэлсийн Гал түймэр унтраах, аврах 64 дүгээр ангийн алба хаагчдыг очиход иргэн Э/47 настай, эрэгтэй/-ын жолоодож явсан “Форд-Экспедишн” загварын суудлын автомашин /2 зорчигчтой/ замын хажуу руу гулгаж цасанд суусан байсныг татан гаргасан.
Нийслэлийн Багахангай дүүргийн 2 дугаар хороо, Төмөр замын өртөө /ангиас хойд зүгт 4 км/-т суудлын автомашин /4 зорчигчтой/ цасанд суусан гэсэн дуудлагыг 11.29-ний өдрийн 21:21 цагт хүлээн авсан. Тус дүүргийн Онцгой байдлын хэлтсийн алба хаагчдыг очиход иргэн А /28 настай, эрэгтэй/-ын жолоодож явсан “Приус-20” загварын /4 зорчигчтой/ суудлын автомашин цасанд суусан байсныг 15 минут ажиллан татан гаргасан.
Хэнтий аймгийн Дэлгэрхаан сумын Нугаар баг, Цагаан хөтөл гэдэг газар /аймгийн төвөөс баруун хойд зүгт 210 км, сумын төвөөс баруун хойд зүгт 60 км, Багануур дүүргээс зүүн зүгт 28 км /-т 2 автомашин цасанд суусан гэсэн дуудлагыг 11.30-ны өдрийн 00:50 цагт хүлээн авсан. Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг очиход иргэн Б /38 настай, эрэгтэй/-ын жолоодож явсан “Уаз-220695” загварын /2 зорчигчтой/ автомашин, иргэн Т /38 настай, эрэгтэй/-ын жолоодож явсан “Портер” загварын автомашинууд цасанд суусан байсныг 01:00 цаг ажиллан татан гаргасан.
Увс аймгийн Зүүнхангай сумын Хайрхан баг, “Цавдан нуур” гэдэг газар /аймгийн төвөөс зүүн хойд зүгт 360 км, сумын төвөөс зүүн урд зүгт 30 км, Тэс сумын төвөөс баруун урд зүгт 60 км/-т суудлын автомашин /3 зорчигчтой/ шаварт суусан тухай дуудлагыг 11.30-ны өдрийн 00:55 цагт хүлээн авсан. Завхан аймгийн Тэс сум дахь Гал түймэр унтраах, аврах 57 дугаар ангийн алба хаагдыг очиход Завхан аймгийн Тосонцэнгэл сумаас Тэс сум руу зорчиж явсан иргэн Н /22 настай, эрэгтэй/-ийн жолоодож явсан “Приус-20” загварын /3 зорчигчтой/ суудлын автомашин “Цавдан нуур”-ын шаварт суусан байсныг 25 минут ажиллаж татан гаргасан.
ОНЦГОЙ БАЙДЛЫН ЕРӨНХИЙ ГАЗАР