1. Цаг агаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн зүүн хэсгээр солигдмол үүлтэй, Хэнтийн уулархаг нутгаар ялимгүй цас орно. Бусад нутгаар багавтар үүлтэй, цас орохгүй. Салхи ихэнх нутгаар баруун хойноос секундэд 4-9 метр. Увс нуур болон Дархадын хотгор, Завхан голын эхээр -25…-30 градус, Алтай, Хөвсгөл, Хэнтийн уулархаг нутаг, Идэр, Тэс, Халх голын хөндий болон Дарьгангын тал нутгаар -18…-23 градус, цас багатай энгэр ээвэр газар болон говийн бүс нутгийн өмнөд хэсгээр -6…-11 градус, бусад нутгаар -13…-18 градус хүйтэн байна.
Улаанбаатар хотод: Багавтар үүлтэй, цас орохгүй, салхи баруун хойноос 3-8 м/с, -16…-18 градус хүйтэн байна.
Төлөв байдал: 5-нд баруун аймгуудын нутгийн хойд хэсгээр, 6-нд Алтай, Хангай, Хэнтийн уулархаг нутгаар, 7-нд баруун аймгуудын нутгийн баруун, төв, зүүн аймгуудын нутгийн хойд хэсгээр, 8-нд баруун, төвийн аймгуудын нутгийн зарим газраар ялимгүй цас орно. Салхи 6-нд говь, талын нутгаар, 7, 8-нд говийн бүс нутгаар секундэд 12-14 метр хүрч ширүүснэ. Ихэнх нутгаар хүйтний эрч бага зэрэг суларч, Дархадын хотгор, Хүрэнбэлчир орчим, Завхан голын эх, Идэр, Тэс голын хөндийгөөр шөнөдөө -37…-42 градус, өдөртөө -25…-30 градус, Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Туул, Тэрэлж голын хөндийгөөр шөнөдөө -29…-34 градус, өдөртөө -17…-22 градус, говийн бүс нутгийн өмнөд хэсгээр шөнөдөө -17…-22 градус, өдөртөө -6…-11 градус, бусад нутгаар шөнөдөө -23…-28 градус, өдөртөө -12…-17 градус хүйтэн байна.
2.Гал түймэр:
– ААН, байгууллагын өмчид гарсан: Дархан-Уул аймгийн Дархан сумын 3 дугаар багийн нутаг “Тэс петролиум” ХХК Шатахуун агуулах нөөцийн сав /резервуар/ дэлбэрсэний улмаас гал гарч байна гэсэн дуудлагыг 12.01-ний өдрийн 09:21 цагт хүлээн авсан. Онцгой байдлын ерөнхий газрын Гал түймэртэй тэмцэх хэлтсийн даргаар ахлуулсан алба хаагчид ажиллаж, “Тэс петролиум” ХХК-ийн шатахуун агуулах нөөцийн сав /резервуар/-ын үлдэгдэл АИ-92 бензинийг соруулах ажиллагааг 12.01-ний өдрийн 23:25 цагаас эхлэн 12.02-ны өдрийн 20:00 цаг хүртэл 372 тн-ыг 40 тн-ын 9 автоцистернээр соруулж, тухайн компанийн хашаанаас гарган парклуулж, цагдаагийн хамгаалалтанд авсан бөгөөд тухайн саванд гал түймрийн улмаас үүссэн лагийг соруулах үйл ажиллагаа явагдсан. Тухайн сав руу унасан байх магадлалтай 2 иргэнийг эрэн хайх ажиллагаанд Онцгой байдлын байгууллага, Цагдаагийн байгууллага, Эмнэлгийн байгууллага, “Тэс петролиум” ХХК-ийн ажилтнууд ажиллаж 13:01 цагт иргэн Д /49 настай, эрэгтэй/-ийн цогцсыг, 13:17 цагт иргэн О /43 настай, эмэгтэй/-ы цогцсыг тус тус гаргаж тус аймгийн Цагдаагийн газрын жижүүрийн бүрэлдэхүүнд шилжүүлэн өгсөн.
Нийслэлийн Сонгинохайрхан дүүргийн 18 дугаар хорооны “Задгай” Зайрмагын үйлдвэрт гал гарч байна гэсэн дуудлагыг 12.03-ны өдрийн 09:42 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход үйлдвэрт амбаар, цахилгаан тогоо, агааржуулалтын хуванцар хоолой шатаж байсныг 30 минут ажиллаж унтраасан.
Төв аймгийн Баян сумын Завчир багийн “Ар худаг” гэдэг газар /Төв аймгийн төвөөс зүүн урд зүгт 79 км-т, Багхангай дүүргээс зүүн урд зүгт 18 км-т/ байшин шатаж байна гэсэн дуудлагыг 12.03-ны өдрийн 09:55 цагт хүлээн авсан. Багахангай дүүргийн Онцгой байдлын хэлтсийн Гал түймэр унтраах, аврах 80 дугаар ангийн алба хаагчдыг очиход ажилчдын 3х7 метрийн хэмжээтэй байшингийн дээвэр шатаж байсныг 30 минут ажиллаж унтраасан.
Өмнөговь аймгийн Хүрмэн сумын Хүрмэн багийн “Задгай” /сумын төвд/ 12.03-ны өдрийн 11:22 цагт шинээр баригдаж байгаа барилгын дээвэр шатсан тухай мэдээллийг хүлээн авсан. Ерөнхий боловсролын сургуулийн барилын дээвэр шатсаныг тус сумын Засаг даргын Тамгын газрын даргаар ахлулусан ажилтнууд ажиллаж унтраасан тухай мэдээллийг Хүрмэн сумын Засаг даргын Тамгын газрын дарга аймгийн Онцгой байдлын газарт ирүүлсэн.
Нийслэлийн Сонгинохайрхан дүүүргийн 2 дугаар хорооны “Задгай” /гүүрний буудлын хажууд/ Нийтийн тээврийн автобус шатаж байна гэсэн дуудлагыг 12.03-ны өдрийн 11:53 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход Зорчигч тээврийн нэгтгэлийн чиглэлийн “Даево BS106” загварын автобусны хөдөлгүүр шатаж байнсыг 10 минут ажиллаж унтраасан.
Өмнөговь аймгийн Цогтцэций сумын Сийрст багийн “Цэций-Уул хорооллын 1 дүгээр гудамжинд хог шатаж байна гэсэн дуудлагыг 12.03-ны өдрийн 15:31 цагт хүлээн авсан. Тус аймгийн Онцгой байдлын газрын Цогтцэций сум дахь Онцгой байдлын хэлтсийн Гал түймэр унтраах, аврах 44 дүгээр ангийн алба хаагчдыг очиход Шим хүнсний дэлгүүрийн хашаанд хог шатаж байсныг 25 минут ажиллаж унтраасан.
– Хувийн өмчид гарсан: Сүхбаатар аймгийн Эрдэнэцагаан сумын Алтан-Овоо багийн “Чоно гол” хорооллын 2 дугаар гудамжинд амбаар шатаж байна гэсэн дуудлагыг 12.03-ны өдрийн 07:50 цагт хүлээн авсан. Тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчдыг очиход иргэн О-ийн 7х8 метрийн хэмжээтэй амбаарын дээврийн хэсэг шатаж байсныг 25 минут ажиллаж унтраасан.
Нийслэлийн Чингэлтэй дүүргийн 8 дугаар хорооны “Зүүн тасган”-ы 2 дугаар гудамжинд нийтийн байрны галлагааны өрөө шатаж байна гэсэн дуудлагыг 12.03-ны өдрийн 08:28 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн Ш-ын 6х35 метрийн хэмжээтэй 8 айлын нийтийн байрны галлагааны өрөөний дээвэр шатаж байсныг 15 минут ажиллаж унтраасан.
3.Геологийн гаралтай аюулт үзэгдэл:
Газар хөдлөлт: Хөвсгөл аймгийн Ханх сумын Хороо багийн “Хачим” гэдэг газар /сумын төвөөс баруун зүгт 28 км-т, Ө-51°25’12.0”, У-100°16’48.0”/ 12.03-ны өдрийн 15:49 цагт 4.4 магнитудын хүчтэй газар хөдлөлт болсон тухай мэдээллийг ШУА-ийн ООГХ-ээс 15:57 цагт цахим шуудангаар ирүүсэн. Тус аймгийн Онцгой байдлын газраар дамжуулан Ханх сумын Засаг даргын орлогчоос тодруулахад иргэдэд газар хөдлөлтийн чичирхийлэл мэдрэгдээгүй бөгөөд хохирол учраагүй тухай мэдээлсэн.
ОНЦГОЙ БАЙДЛЫН ЕРӨНХИЙ ГАЗАР