1. Цаг агаар:
Өнгөрсөн хоногт: Архангай, Говь-Алтай, Завхан, Увс, Ховд, Хөвсгөл аймгийн нутгаар цас орсон. Бусад нутгаар цаг агаар тогтуун байсан.
Өнөөдөр: Нутгийн баруун хагаст үүлэрхэг, бусад нутгаар үүлшинэ. Баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн баруун болон хойд хэсэг, зүүн аймгуудын нутгийн баруун хэсгээр цас орж, цасан шуурга шуурна. Салхи баруун аймгуудын нутгаар баруун хойноос, бусад нутгаар баруун өмнөөс хойш эргэж 7-12 м/с, нутгийн өмнөд хэсгээр түр зуур 18-20 м/с хүрч ширүүсэж, шороон шуурга шуурна. Ихэнх нутгаар хүйтний эрч чангарч Увс нуур болон Дархадын хотгор, Тэс голын хөндийгөөр -25…-30 градус, Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Эг-Үүр, Хараа, Ерөө, Туул, Тэрэлж, Хэрлэн голын хөндийгөөр -18…-23 градус, говийн бүс нутгийн өмнөд хэсэг, Дарьгангын тал нутаг, Халх голын сав газраар -1…-6 градус, говийн бүс нутгийн хойд хэсгээр -7…-12 градус, бусад нутгаар -12…-17 градус хүйтэн байна.
Улаанбаатар хотод: Үүлэрхэг. Цас орж, явган шуурга шуурна. Салхи баруун өмнөөс хойш эргэж 5-10 м/с. Хүйтэрч -13…-15 градус хүйтэн байна.
Төлөв байдал: 13-нд төв болон зүүн аймгуудын нутгийн өмнөд хэсэг, говийн аймгуудын ихэнх нутгаар цас орж, цасан шуурга шуурна. 15-нд Хангай, Хөвсгөлийн уулархаг нутгаар, 16-нд Хангай, Хөвсгөл, Хэнтэйн уулархаг нутгаар цас орно. Салхи 13-нд говь, тал, хээрийн нутгаар 15-17 м/с, түр зуур 24 м/с хүрч ширүүсэж, шороон шуурга шуурна. 15-нд зарим газраар, 16-нд говь, талын нутгаар 12-14 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө -40…-45 градус, өдөртөө -31…-36 градус, Хангай, Хөвсгөл, Хэнтэйн уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө -34…-39 градус, өдөртөө -22…-27 градус, говийн бүс нутгийн өмнөд хэсэг болон цас багатай газраар шөнөдөө -20…-25 градус, өдөртөө -10…-15 градус, бусад нутгаар шөнөдөө -26…-31 градус, өдөртөө -18…-23 градус хүйтэн байна.
2.Гал түймэр:
– Хувийн өмчид гарсан: Төв аймгийн Заамар сумын Хайлааст баг, Бумбат гэдэг газар /аймгийн төвөөс баруун хойд зүгт 276 км, сумын төвөөс баруун зүгт 50 км/-т Иргэн Ш-ын байшин 01.09-ний өдрийн 22:00 цагийн орчим шатсан гэсэн мэдээллийг 01.11-ний өдрийн 13:18 цагт хүлээн авсан. Тус сумын иргэн Ш-ын 5х6 метрийн хэмжээтэй байшин бүрэн шатсан тухай мэдээллийг сумын Засаг даргын Тамгын газрын дарга аймгийн Онцгой байдлын газарт мэдээлсэн.
Нийслэлийн Чингэлтэй дүүргийн 11 дүгээр хороо, Нуурын 29 дүгээр гудамжинд нийтийн байр шатаж байна гэсэн дуудлагыг 01.11-ний өдрийн 05:58 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход иргэн Б-ийн 16х8 метрийн хэмжээтэй байшингийн дээвэр, 3х4 метрийн хэмжээтэй амбаар, тус тус шатаж байсныг 50 минут ажиллан унтраасан.
Өвөрхангай аймгийн Арвайхээр сумын Эмт баг, 22 дугаар гудамжинд байшин шатаж байна гэсэн дуудлагыг 01.11-ний өдрийн 08:05 цагт хүлээн авсан. Тус аймгийн Онцгой байдлын газрын Гал түймэр унтраах, аврах 12 дугаар ангийн алба хаагчдыг очиход иргэн Б-ын 10х7 метрийн хэмжээтэй байшингийн 2х2 метрийн хэмжээтэй үүдний өрөө шатаж байсныг 25 минут ажиллан унтраасан.
Нийслэлийн Баянгол дүүргийн 34 дүгээр хороо, 21 дүгээр байр хогийн сувагт хог шатаж байна гэсэн дуудлагыг 01.11-ний өдрийн 08:19 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход тус орцны хогийн сувагт хог шатаж байсныг 20 минут ажиллан унтраасан.
Нийслэлийн Багануур дүүргийн 5 дугаар хороо, Нарийн нуурын 1 дүгээр гудамжинд гэр шатаж байна гэсэн дуудлагыг 01.11-ний өдрийн 09:24 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг очиход иргэн М-ын 5 ханатай гэр шатаж байсныг 9 минут ажиллан унтраасан.
Дорноговь аймгийн Замын-Үүд сумын 3 дугаар баг, 16 дугаар гудамжинд гэр шатаж байна гэсэн дуудлагыг 01.11-ний өдрийн 10:57 цагт хүлээн авсан. Тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчдыг очиход иргэн Б-ийн 4 ханатай гэр шатаж байсныг 8 минут ажиллан унтраасан. Тус гал түймэрт Б /37 настай, эмэгтэй/ угаартаж, түлэгдсэн байсныг эмнэлгийн байгууллагад хүлээлгэн өгсөн.
Архангай аймгийн Цэнхэр сумын Алтан-Овоо баг, “Ягаан хад” гэдэг газар /аймгийн төвөөс зүүн хойд зүгт 37 км, сумын төвөөс хойд зүгт 15 км/-т өвөлжөө шатаж байна гэсэн дуудлагыг 01.11-ний өдрийн 13:19 цагт хүлээн авсан. Тус аймгийн Онцгой байдлын газрын Гал түймэр унтраах, аврах 51 дүгээр ангийн алба хаагчдыг очиход иргэн Б-ийн 35х10 метрийн хэмжээтэй өвөлжөө шатаж байсныг 50 минут ажиллан унтраасан.
Нийслэлийн Сонгинохайрхан дүүргийн 21 дүгээр хороо, Ар гүнтийн зуслангийн задгай байшин шатаж байна гэсэн дуудлагыг 01.11-ний өдрийн 16:09 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн алба хаагчдыг очиход иргэн Г-ийн 8х10 метрийн хэмжээтэй байшингийн дээвэр шатаж байсныг 20 минут ажиллан унтраасан.
Нийслэлийн Налайх дүүргийн 2 дугаар хороо, Уурхайчдын 37 дугаар байр хогийн цэгт хог шатаж байна гэсэн дуудлагыг 01.11-ний өдрийн 16:33 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчдыг очиход 4х6 метрийн хэмжээтэй хогийн цэгт хог шатаж байсныг 5 минут ажиллан унтраасан.
Булган аймгийн Хутаг-Өндөр сумын 1 дүгээр баг, Магсаржавын гудамжинд байшингийн дээвэр шатаж байна гэсэн дуудлагыг 01.11-ний өдрийн 17:10 цагт хүлээн авсан. Тус аймгийн Онцгой байдлын газрын Хутаг-Өндөр сум дахь Эрэн хайх, аврах салбарын алба хаагчдыг очиход, иргэн Э-ын зоогийн газрын зориулалтай 12×14 метрийн хэмжээтэй байшингийн үүдний өрөөний дээвэр шатаж байсныг 13 минут ажиллан унтраасан.
Нийслэлийн Сонгинохайрхан дүүргийн 40 дүгээр хороо, Баянхошууны 29 дүгээр гудамжинд гэр шатаж байна гэсэн дуудлагыг 01.11-ний өдрийн 17:32 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчдыг очиход иргэн Ш-ын 6 ханатай гэр шатаж байсныг 20 минут ажиллан унтраасан.
3.Хүний үйл ажиллагаатай холбоотой осол:
Төөрсөн, сураггүй болсон: Төв аймгийн Сэргэлэн сумын Авдар баг, “Ээж хад” гэдэг газар /аймгийн төвөөс зүүн урд зүгт 70 км, сумын төвөөс зүүн урд зүгт 58 км/-т компасс загварын суудлын автомашинтай 3 иргэн 01.11-ний өдрийн 11:00 цагийн орчим Улаанбаатар хотоос Төв аймгийн Сэргэлэн сумын “Ээж хад” гэдэг газрын чиглэлд яваад сураггүй болсон тухай дуудлагыг 01.12-ны өдрийн 02:50 цагт хүлээн авсан. Тус аймгийн Онцгой байдлын газрын Эрэн хайх аврах салбарын алба хаагчид, ар гэрийнхэн Улаанбаатар хотоос Төв аймгийн Сэргэлэн сумын Ээж хад гэдэг газрын чиглэлд иргэн Б/40 настай, эмэгтэй/-гийн жолоодож явсан “Компасс” загварын /3 зорчигчтой/ суудлын автомашинтай төөрч автомашин нь бензингүй болсон байсныг эсэн мэнд олж ар гэрт нь хүлээлгэн өгсөн.
Бусад төрлийн осол /ажиллагаа/ – Бусад: Баян-Өлгий аймгийн Цэнгэл сумын 7 дугаар баг, “Долоон гатлага” гэдэг газар /аймгийн төвөөс баруун хойд зүгт 92 км, сумын төвөөс зүүн хойд зүгт 7 км/-т Нуурын мөсөн дээгүүр зорчиж явсан суудлын автомашин мөс цөмөрч суусан тухай дуудлагыг 01.11-ний өдрийн 18:50 цагт хүлээж авсан. Тус аймгийн Онцгой байдлын газрын Цэнгэл сум дахь Гал түймэр унтраах, аврах 71 дүгээр ангийн алба хаагчдыг очиход Долоон гатлага гэдэг газраас Цэнгэл сумын чиглэлд 7 зорчигчтой зорчиж явсан иргэн Б /52 настай, эрэгтэй/-ын “УАЗ-469” загварын суудлын автомашин “Шар нуур”-ын мөс цөмөрч суусан байсан тул 22:40 цагт татан гаргасан.
ОНЦГОЙ БАЙДЛЫН ЕРӨНХИЙ ГАЗАР