Онцгой байдлын байгууллагын 2022 оны үйл ажиллагааны үр дүн, 2023 оны үйл ажиллагааны зорилго, дэвшүүлж буй зорилтыг танилцуулах, удирдах бүрэлдэхүүний штабын бэлтгэлийг хангуулах зорилгоор “Онцгой байдлын байгууллагын удирдах ажилтны цугларалт”-ыг энэ сарын 19-20-ны өдрүүдэд зохион байгуулах гэж байна.
Цугларалтад Онцгой байдлын ерөнхий газрын бүтцийн нэгжийн газар, хэлтэс, тасгийн дарга нар, төв, орон нутгийн Онцгой байдлын байгууллагын дарга, захирагч нарын 100 гаруй удирдах бүрэлдэхүүн оролцох юм.
Энэ үеэр удирдах ажилтны манлайлал, хөгжлийн чиг хандлагын талаар шинэ мэдээлэл өгөх сургалтуудыг зохион байгуулж, Онцгой байдлын ерөнхий газрын харьяа нэгжүүд болон төв, орон нутгийн Онцгой байдлын байгууллагын гүйцэтгэлийн төлөвлөгөөг батлах юм гэж Онцгой байдлын ерөнхий газраас мэдээллээ.