Уур амьсгалын өөрчлөлтөөс үүдэлтэй байгалийн гамшгийн улмаас нас барсан арван хүн тутмын долоо нь буурай хөгжилтэй орнуудад тохиолддог. Энэ тухай НҮБ-ын Ерөнхий нарийн бичгийн дарга Антониу Гутерриш мэдэгдэв.
“Буурай хөгжилтэй орнуудад уур амьсгалын үйл ажиллагааны хувьсгал хэрэгтэй. Тэд дэлхийн хүлэмжийн хийн ялгаруулалтын 4-өөс багагүй хувийг үйлдвэрлэдэг. Ялангуяа цаг уурын гамшгийн улмаас нас барсан арван хүн тутмын долоо нь эдгээр улсад тохиолдож байгаа нь эмгэнэлтэй” гэж тэр Доха хотноо болж буй НҮБ-ын буурай хөгжилтэй орнуудын тавдугаар бага хурлын үеэр хэллээ.
Үүнтэй холбогдуулан Гутерриш хөгжингүй орнуудыг уур амьсгалын өөрчлөлтөд дасан зохицож, сэргээгдэх эрчим хүчний эх үүсвэрт шилжихэд нь туслахын тулд хөгжиж буй орнуудад үзүүлэх дэмжлэгийг нэмэгдүүлэхийг уриалав. “Тэд хөгжиж буй орнуудад 100 тэрбум доллар төвлөрүүлж, уур амьсгалын санхүүжилтийн хүртээмжийг сайжруулах амлалтаа биелүүлэх ёстой” гэж А.Гутерриш хэлэв.