Хөвсгөл аймагт зохион байгуулж байгаа Гамшгаас хамгаалах команд штабын сургууль удирдах бүрэлдэхүүний “Ослын удирдлагын тогтолцоо” сэдэвт академик сургалтаар эхэллээ.
ОБЕГ-аас томилогдсон Ажлын хэсгийн бүрэлдэхүүн гамшгаас хамгаалах менежментийн тогтолцоо, ослын үеийн удирдлагын тогтолцоо, ажиллагааны удирдлагын чиг үүрэг, нөхцөл байдлын үнэлгээ, ослын үеийн удирдлагын төлөвлөлт, зохион байгуулалт, гамшиг, онцгой байдлын үеийн олон нийттэй харилцах арга, тактик, гамшгийн голомт дахь холбоо зохион байгуулалт сэдвийн хүрээнд мэдээлэл өгөх юм.
Аймгийн Онцгой комисс, сумдын Засаг дарга, гамшгаас хамгаалах албад, мэргэжлийн анги, төрийн болон төрийн бус байгууллага, аж ахуйн нэгж байгууллагуудын удирдлагууд сургалтад хамрагдаж байна гэж Онцгой байдлын ерөнхий газраас мэдээллээ.
