Төв, орон нутгийн Онцгой байдлын байгууллагын Эрэн хайх, аврах нэгжийн бүлгийн дарга-аврах ажиллагааны зааварлагч нарыг мэргэшүүлэх “Эрэн хайх, аврах ажиллагааны удирдагч” сэдэвт сургалтыг энэ сарын 24-26-ны өдрүүдэд зохион байгуулж, гэрчилгээ гардууллаа.
ОБЕГ-ын харьяа Үндэсний аврах бригадад зохион байгуулсан тус сургалтаар алба хаагчдад эрэн хайх, аврах ажиллагааны онолын үндэс, хот суурин газар эрэн хайх, аврах ажиллагаа, нурангиас эрэн хайх ажиллагаа, хөдөлмөрийн аюулгүй байдлыг хангахад анхаарах асуудал, эрэн хайх, аврах ажиллагаанд эрэлч нохой ашиглах сэдвийн хүрээнд онолын мэдлэг олгосон юм.
Мөн вебер багаж ашиглан нурангиас аврах ажиллагааны болоод усан сэлэлтийн дадлага хийлээ гэж Онцгой байдлын ерөнхий газраас мэдээллээ.
