Монгол Улсын Ерөнхийлөгч, Зэвсэгт хүчний ерөнхий командлагчийн ивээл дор ирэх есдүгээр сард “Төрийн цэргийн болон хууль сахиулах байгууллагуудын залуу офицеруудын чуулган”-ыг зохион байгуулна.
Тус чуулганыг угтан Шүүх шинжилгээний ерөнхий газар, Цагдаагийн ерөнхий газар хамтран зохион байгуулсан “Залуу офицер-Байгаль орчноо хамгаалъя” арга хэмжээнд Онцгой байдлын байгууллагын алба хаагчид оролцлоо.
Нэгдсэн арга хэмжээний хүрээнд төрийн цэргийн болон хууль сахиулах байгууллагын алба хаагчид Туул гол, Богдхан уулын хог хаягдлыг цэвэрлэлээ гэж Онцгой байдлын ерөнхий газраас мэдээллээ.
