1.Цаг агаар:
Өнгөрсөн хоногт: Нийт нутгаар цаг агаар тогтуун байсан.
Өнөөдөр: Ихэнх нутгаар үүлшинэ. Баруун аймгуудын нутгийн хойд, төвийн аймгуудын нутгийн баруун хэсгээр дуу цахилгаантай аадар бороо орно. Бусад нутгаар бороо орохгүй. Салхи нутгийн зүүн хэсгээр баруун хойноос, бусад нутгаар баруун өмнөөс 5-10 м/с, борооны өмнө түр зуур ширүүснэ. Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс голын хөндийгөөр +17…+22 градус, Хангайн нурууны өвөр бэл болон Алтайн өвөр говиор +28…+33 градус, говийн аймгуудын нутгаар +34…+39 градус, бусад нутгаар +25…+30 градус дулаан байна.
Улаанбаатар хотод: Үүлшинэ. Бороо орохгүй. Салхи баруун өмнөөс 6-11 м/с. +28…+30 градус дулаан байна.
Төлөв байдал: 1-нд баруун болон зүүн аймгуудын нутгийн баруун хойд хэсэг, төвийн аймгуудын ихэнх нутгаар дуу цахилгаантай усархаг аадар бороо, 2-нд баруун аймгуудын ихэнх нутаг, төв болон зүүн аймгуудын нутгийн зарим газраар, 3-нд төвийн аймгуудын ихэнх нутаг, баруун болон говийн аймгуудын нутгийн зүүн, зүүн аймгуудын нутгийн баруун хэсгээр, 4-нд төв болон зүүн аймгуудын ихэнх нутгаар, баруун аймгуудын нутгийн хойд хэсгээр бороо, дуу цахилгаантай аадар бороо орно. Салхи ихэнх хугацаанд 6-11 м/с, борооны өмнө түр зуур ширүүснэ. 1-нд нутгийн хойд хэсгээр, 2-ноос ихэнх нутгаар сэрүүсч Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Тэрэлж голын хөндийгөөр шөнөдөө +2…+7 градус, өдөртөө +11…+16 градус, говийн бүс нутгийн хойд хэсгээр шөнөдөө +12…+17 градус, өдөртөө +23…+28 градус, говийн бүс нутгийн өмнөд хэсгээр шөнөдөө +16…+21 градус, өдөртөө +29…+34 градус, бусад нутгаар шөнөдөө +7…+12 градус, өдөртөө +17…+22 градус дулаан байна.
2.Гал түймэр:
Хувийн өмчид гарсан: Ховд аймгийн Жаргалант сумын Бичигт баг, 8 дугаар гудамжинд амбаар шатаж байна гэсэн дуудлагыг 06.29-ний өдрийн 07:20 цагт хүлээн авсан. Тус аймгийн Онцгой байдлын газрын Гал түймэр унтраах, аврах 48 дугаар ангийн алба хаагчдыг очиход иргэн Я-ийн 4х3 метрийн хэмжээтэй амбаар шатаж байсныг 35 минут ажиллан унтраасан.
Дархан-Уул аймгийн Дархан сумын 4 дүгээр баг тагт дээр гал гарч байна гэсэн дуудлагыг 06.30-ны өдрийн 03:29 цагт хүлээн авсан. Тус аймгийн Онцгой байдлын газрын Гал түймэр унтраах, аврах 54 дүгээр ангийн алба хаагчдыг очиход 3 дугаар давхрын эзэнгүй айлын тагт дээр эд хогшил шатаж байсныг 1 минут ажиллан унтраасан.
3. Хүний үйл ажиллагаатай холбоотой осол:
– Автозамын тээврийн осол: Ховд аймгийн Алтай сумын Алтангадас баг, “Тогоон гарам” гэдэг газар /аймгийн төвөөс баруун зүгт 300 км, сумын төвөөс зүүн хойд зүгт 17 км/-т ачааны автомашин замын хажуу руу онхолдож, 1 хүн хавчуулагдсан тухай дуудлагыг 06.29-ний өдрийн 07:30 цагт хүлээн авсан. Тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн алба хаагчдыг очиход Цэцэг сумын Хөшөөтийн уурхайгаас Булган сумын Ярантын боомтын чиглэлд иргэн О /34 настай, эрэгтэй/-ийн жолоодон нүүрс тээвэрлэж явсан “Бенз” загварын ачааны автомашин онхолдож автомашины бүхээгт жолооч О хавчуулагдсан байсныг 10:34 цагт эсэн мэнд гаргаж, тус сум дахь Эрүүл мэндийн төвийн эмчид хүлээлгэн өгсөн.
– Голын усанд осолдсон: Төв аймгийн Заамар сумын Тосон баг, “Гадны хүний-Овоо” гэдэг газар /аймгийн төвөөс баруун хойд зүгт 266 км, сумын төвөөс баруун хойд зүгт 40 км/-т Туул голын усанд 1 хүн сэлэх гэж байгаад живсэн тухай дуудлагыг 06.29-ний өдрийн 12:55 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид, тус сум дахь Цагдаагийн хэлтсийн алба хаагчид очиж,М /24 настай, эрэгтэй/-ыг эрэн хайх ажиллагааг 20:10 цагт эхлүүлж анх осолдсон газар 8 удаагийн шумбалт хийж, 7 метрийн гүнээс 21:05 цагт цогцсыг олж гарган тус сум дахь Цагдаагийн хэлтэст шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР