Нийслэлийн хэмжээнд үүссэн үерийн нөхцөл байдалтай холбогдуулан “Оюу Толгой” ХХК-аас нийгмийн хариуцлагын хүрээнд шаардлагатай байгаа тоног төхөөрөмжийн дэмжлэг үзүүллээ.
“Оюу Толгой” ХХК-ийн Эрүүл мэнд, аюулгүй ажиллагаа, байгаль орчин, аюулгүй байдал харицсан ерөнхий менежер Фил Абрахам, Аюулгүй байдал болон онцгой байдлын удирдлагын хэлтсийн менежер Б.Цэрэндорж нар ОБЕГ-ын дэд дарга, бригалын генерал Б.Ууганбаярт хүлээлгэн өгсөн юм.
Энэ хүрээнд цагт 3600 тн ус сорох помп хоёр ширхэг, цагт 72 тн усыг 100 метрийн зайд зайлуулах хүчин чадал бүхий зургаан ширхэг помп, гэрэлтүүлэг зэрэг 300 гаруй сая төгрөгийн үнэ бүхий тоног төхөөрөмжийг гардууллаа гэж Онцгой байдлын ерөнхий газраас мэдээллээ.
