НҮБ-ын Монгол Улс дахь суурин зохицуулагч Тапан Мишра УОК-ын Шуурхай штабын үйл ажиллагаа болон өвөлжилтийн нөхцөл байдалтай танилцаж, хамтын ажиллагааны талаар санал солилцлоо.
![](https://nema.gov.mn/wp-content/uploads/2023/12/viber_image_2023-12-15_09-44-52-061-1024x683.jpg)
Мөн тэрбээр улсын хэмжээнд тохиолдсон гамшиг, ослын дуудлага мэдээллийг бүртгэн, аймаг, орон нутгийг нэгдсэн удирдлага зохион байгуулалтаар хангадаг ОБЕГ-ын харьяа Шуурхай удирдлага, зарлан мэдээллийн төв-119 дүгээр ангийн өдөр тутмын үйл ажиллагаатай танилцсан юм.
![](https://nema.gov.mn/wp-content/uploads/2023/12/viber_image_2023-12-15_09-44-55-227-1024x683.jpg)
Энэ үеэр Тапан Мишра “Монгол Улсад түгээмэл тохиолддог гамшиг, осол, байгалийн аюулт үзэгдлийн үед ард иргэдэд мөнгөн болон бараа, материалын хүмүүнлэгийн тусламжийг тогтмол үзүүлж ирсэн. Цаашид ч өвөлжилтийг эрсдэл багатай даван туулахад хамтран ажиллахад бэлэн байгаа” гэдгээ илэрхийллээ гэж Онцгой байдлын ерөнхий газраас мэдээллээ.
![](https://nema.gov.mn/wp-content/uploads/2023/12/viber_image_2023-12-15_09-44-31-215-1024x683.jpg)