Онцгой байдлын ерөнхий газраас дугуйн спорт сонирхогч, хичээллэгч албан хаагчдын дунд дугуйн аялалыг өнөөдөр зохион явууллаа.
Албан хаагчдын спортын дур сонирхлын үндсэн дээр баг хамт олныг бүрдүүлэх, чөлөөт цагийг зөв боловсон өнгөрүүлэх, бэлтгэл бэлэн байдлыг хангуулах зорилгоор зохион байгуулсан дугуйн аялалд нийслэлийн хүрээний Онцгой байдлын харьяа нэгж, анги байгууллагын 60 гаруй албан хаагч оролцов.
Дугуйн аялалын нээлтийн арга хэмжээг ОБЕГ-ын тэргүүн дэд дарга, онцгой байдлын хурандаа П.Баттогтох нээж, аялалын ахлагч ХШҮДАХ-ийн дарга, онцгой байдлын хурандаа Д.Жаргалмөнхөд Онцгой байдлын албаны тугийг гардуулж өгснөөр дугуйчид аялалдаа гарсан.
Дугуй сонирхогч албан хаагчид өглөөний 07:00 цагаас 18:00 цагийн хооронд ОБЕГ – Жргалант давтан сургалт сэргээн заслын төв – Өлзийт – Шуваан фабрик – Биокомбинат – Нисэх – ОБЕГ гэсэн маршрутаар 94 км-ийн аялал хийлээ.
