1.Цаг агаарын талаар:
Өнгөрсөн хоногт: Улаанбаатар хот болон Архангай, Булган, Дундговь, Дархан-Уул, Орхон, Сэлэнгэ, Завхан,Төв, Хөвсгөл, Хэнтий, Өвөрхангай, Өмнөговь, Увс аймагт цас орсон.
Өнөөдөр: Нутгийн зүүн хагаст үүлэрхэг. Төв болон говийн аймгуудын зүүн хэсгээр, зүүн аймгуудын ихэнх нутгаар цас орно. Бусад нутгаар багавтар үүлтэй. Цас орохгүй. Салхи баруун хойноос 6-11 м/с, говь талын нутгаар 14-16 м/с хүрч шороон болон цасан шуурга шуурна. Хангай, Хөвсгөл, Хэнтэйн уулархаг нутаг, Сэлэнгэ, Хараа, Ерөө, Халх голын саваар 6-11 градус хүйтэн, Алтайн өвөр говь болон говийн аймгуудын нутгаар 1 градус хүйтнээс 4 градус дулаан, бусад нутгаар 3-8 градус хүйтэн байна.
Улаанбаатар хотод: Үүлэрхэг, цас орно. Салхи баруун хойноос 5-10 м/с, зарим үед 14-16 м/с хүрч цасан шуурга шуурна. 5-7 градус хүйтэн байна.
Төлөв байдал: 7-нд зүүн аймгуудын нутгийн зүүн хэсгээр, 9-нд баруун болон төвийн аймгуудын ихэнх нутгаар, 10-нд нутгийн хойд хэсгээр цас орно. Салхи 8-нд Алтайн уулсаар, 9-нд ихэнх нутгаар 14-16 м/с, 10-нд Алтайн салбар уулс болон говийн нутгаар 18-20 м/с хүрч шороон болон цасан шуурга шуурна. Ихэнх хугацаанд Увс нуур болон Дархадын хотгор, Хангай, Хөвсгөл, Хэнтэйн уулархаг нутаг, Хараа, Ерөө голын саваар шөнөдөө 22-27 градус, өдөртөө 6-11 градус, говийн бүс нутгийн өмнөд хэсгээр шөнөдөө 4-9 градус хүйтэн, өдөртөө 3-8 градус дулаан, бусад нутгаар шөнөдөө 13-18 градус хүйтэн, өдөртөө 3 градус хүйтнээс 2 градус дулаан байна. 10-нд нутгийн хойд хэсгээр хүйтэрнэ.
2.Эрэн хайх, аврах ажиллагаа:
Сураггүй болсон: Сэлэнгэ аймгийн Сайхан сумын Номгон багийн “Хийдийн өвөр” гэдэг газар /Сумын төвөөс зүүн зүгт 25 км-т/ “PRADO” загварын автомашинтай иргэн Д /37 настай, эрэгтэй/, О /38 настай, эмэгтэй/, Б /68 настай, эрэгтэй/, Б /65 настай, эмэгтэй/, Т /19 настай, эмэгтэй/ нарын 5 хүн Дархан-Уул аймаг руу 2016.11.05-ны 19:00 цагт гараад сураггүй байна гэсэн дуудлагыг 2016.11.06-ны өдрийн 00:48 цагт хүлээн авч тус аймгийн Онцгой байдлын газрын 5 албан хаагч, 1 техник хэрэгсэлтэйгээр ажиллаж татан гаргасан.
Уснаас эрэн хайх: Сэлэнгэ аймгийн Сайхан сумын Номгон багийн “Хар-Усан тохой” гэдэг газар загасчилж явсан иргэн М /38 настай, эрэгтэй/ Орхон голын усанд осолдсон тухай дуудлагыг 2016.10.23-ны өдрийн 02:30 цагт хүлээн авч тус аймгийн Онцгой байдлын газрын 5 албан хаагч, 1 автомашин, 1 завьтай, Дархан-Уул аймгийн Онцгой байдлын газрын 8 албан хаагч, 1 автомашин, 1 завьтай ар гэрийн 4 хүн, 1 автомашин, нийт 17 хүн, 5 техник хэрэгсэлтэйгээр, нэмэлтээр ЗХ-ний 330-дугаар ангийн 23 албан хаагч 1 техник хэрэгсэлтэйгээр ажиллаж 2016.11.05-ны өдрийн байдлаар Сэлэнгэ аймгийн Онцгой байдлын газрын албан хаагчид Орхон–Ерөөгийн бэлчирээс Орхон голын зүүн эргээр Сэлэнгэ аймгийн Шаамар сумын төмөр замын 34 дүгээр точик хүртэл 32 км газар эрлийн ажиллагааг явганаар явуулж харагдах орчин хязгаарлагдсан тул 18:49 цагт, Дархан-Уул аймгийн Онцгой байдлын газрын албан хаагчид Орхон голыг уруудан Ерөөгийн бэлчир хүртэл голын усаар 3 км, явганаар 10 км газарт эрэн хайх ажиллагааг зохион байгуулж 19:00 цагт түр зогсоосон.
Цас, шаварт саатсан: Завхан аймгийн Тэс сумын Баян уул багийн “Шонтой мөргүү” гэдэг газар иргэн М “Экс-трайл” загварын улсын дугаартай автомашин цасан суусан гэсэн дуудлагыг 2016.11.05-ны өдрийн 20:01 цагт хүлээн авч тус аймгийн Онцгой байдлын газрын 4 албан хаагч, 1 техник хэрэгсэлтэйгээр ажиллаж 6 иргэнийг хөлдөж осгох эрсдлээс авран хамгаалсан.
Дархан-Уул аймгийн Орхон сумын 3-р баг Хамар даваан дээр дотроо 2 хүнтэй “Экс-трайл” загварын автомашины кроп нь эвдэрсэн, тусламж үзүүлнэ үү гэсэн дуудлагыг 2016.11.06-ны өдрийн 02:46 цагт хүлээн авч тус аймгийн Онцгой байдлын газрын 3 албан хаагч, 1 техник хэрэгсэлтэйгээр ажиллаж иргэн А /56 настай эмэгтэй/, Г /52 настай эрэгтэй/ нарыг аварч, эвдэрсэн автомашиныг зөөвөрлөж Дархан хотын төвд авч ирсэн.
3. Объектын гал түймэр:
Нийслэлийн Сонгинохайрхан дүүргийн 24 дүгээр хороо, Зээлийн 3 дугаар гудамжийн задгайд хашаа, гэр шатаж байна гэсэн дуудлагыг 2016.11.05-ны өдрийн 17:40 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 6 албан хаагч, 1 автомашинтай.
Чингэлтэй дүүргийн 13 дугаар хороо, Сургуулийн 25 дугаар гудамжийн 137 тоотод байшин шатаж байна гэсэн дуудлагыг 2016.11.05-ны өдрийн 20:51 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай.
Өмнөговь аймгийн Даланзадгад сумын Баруунсайхан багийн Төгөлийн Б6-13 тоотод гэр шатаж байна гэсэн дуудлагыг 2016.11.05-ны өдрийн 18.01 цагт хүлээн авч тус аймгийн Онцгой байдлын газрын Гал түймэр унтраах, аврах 21 дүгээр ангийн 7 албан хаагч, 2 галын автомашинтайгаар тус тус ажиллаж унтраасан.
4. Техникийн холбогдолтой ослын талаар:
Завхан аймгийн Тосонцэнгэл сумын Идэр багийн “Мэргэний даваа” гэдэг газар /сумын төвөөс 19 км-т/ “Маяти” загварын автомашин осолдсон тухай дуудлагыг 2016.11.05-ны өдрийн 11:23 цагт хүлээн авч тус аймгийн Онцгой байдлын газрын 4 албан хаагч, 1 техник хэрэгсэлтэйгээр ажиллаж жолооч Д /38 настай, эрэгтэй/ автомашины төмөр хийцэд хавчуулагдсан байсныг гарган, автомашиныг татан босгож аюулгүй болгосон.
Сэлэнгэ аймгийн Баянгол сумын Хараа багийн нутаг дэвсгэрт Баянгол сумаас Дархан-Уул аймгийн чиглэлд зорчиж байсан “Приус” загварын автомашин, “Клугер” загварын автомашинтай мөргөлдсөний улмаас автомашины төмөр хийцэд хүн хавчуулагдсан байна гэсэн дуудлагыг 2016.11.15-ны өдрийн 15:10 цагт хүлээн авч тус аймгийн Онцгой байдлын газрын 6 албан хаагч, 1 техник хэрэгсэлтэйгээр ажиллаж иргэн А /38 настай, эмэгтэй/, А /9 настай эрэгтэй/ нар нас барж, иргэн Б, А нарын биеийн байдал хүнд сумын эмнэлэгт хүргэж өгсөн.
Увс аймаг Тариалан сум Тарвагатай багийн нутаг “Шовх” гэдэг газар /сумын төвөөс 80 км-т/ “Бенз” загварын автомашин замын хажуугийн жалга руу унасан тухай дуудлагыг 2016.11.05-ны өдрийн 11:10 цагт хүлээн авч тус аймгийн Онцгой байдлын газрын 5 албан хаагч, 1 автошашинтай ажиллаж татан гаргасан.
ГАМШИГ ШУУРХАЙ УДИРДЛАГЫН ГАЗАР
ГАМШГИЙН ШУУРХАЙ УДИРДЛАГЫН ГАЗАР