1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Ихэнх нутгаар үүлэрхэг. Баруун болон төвийн аймгуудын хойд хэсгээр цас орж, цасан шуурга шуурна. Бусад нутгаар цас орохгүй. Салхи зүүн аймгуудын нутгаар зүүн өмнөөс бусад нутгаар баруунаас 7-12 м/с, Алтайн салбар уулс болон Арц Богдын өвөр хоолойгоор түр зуур 18-20 м/с хүрч ширүүснэ. Дархадын хотгороор 16-21 градус, Хангай, Хөвсгөл, Хэнтэйн уулархаг нутаг, Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 6-11 градус хүйтэн, говийн бүсийн нутгаар 3-8 градус дулаан, бусад нутгаар 1-6 градус хүйтэн байна.
Улаанбаатар хотод: үүлшинэ. Цас орохгүй. Салхи баруунаас 7-12 м/с. 6-8 градус хүйтэн байна.
Төлөв байдал: 16-нд баруун зүгийн нутаг, төвийн нутгийн хойд хэсгээр, 17-18-нд ихэнх нутгаар, 19-нд зарим газраар цас орно. Салхи 16-нд баруун аймгуудын нутгаар түр зуур 18-20 м/с, 17-19-нд нутгийн өмнөд хэсгээр 15-17 м/с хүрч цасан болон шороон шуурга шуурна. 17-ны өдрөөс ихэнх нутгаар хүйтний эрч чангарч Дархадын хотгор, Идэр, Тэс голын хөндийгөөр шөнөдөө 34-39 градус, өдөртөө 20-25 градус, Увс нуур болон Алтай, Хангай, Хэнтэйн уулархаг нутаг, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 26-31 градус, өдөртөө 15-20 градус, говийн бүс нутгийн өмнөд хэсгээр шөнөдөө 10-15 градус, өдөртөө 3-8 градус, бусад нутгаар шөнөдөө 23-28 градус, өдөртөө 10-15 градус хүйтэн байна.
2. Эрэн хайх, аврах ажиллагаа
Цас, шаварт саатсан: Сүхбаатар аймгийн Эрдэнэцагаан сумын Хангай багийн “100-ын овоо” гэдэг газарт /Дорнод аймгийн төвөөс зүүн урд зүгт 100 км-т/ улсын дугаартай “Гранд марк-2” загварын автомашинтай, 5 зорчигчтой цасанд суусан тухай дуудлагыг 2016.11.13-ны 23:52 цагт хүлээн авч Дорнод аймгийн Онцгой байдлын газрын 6 албан хаагч,1 автомашинтайгаар ажиллаж автомашиныг цаснаас татан гаргаж, иргэн О /29 настай, эрэгтэй/, М /55 настай, эрэгтэй/, Л /30 настай, эрэгтэй/, Х /46 настай, эрэгтэй/, Ч /10 настай, эрэгтэй/ нийт 5 иргэнийг;
Завхан аймгийн Тэс сумын Нисэг багийн “Арын гүүр” гэдэг газар /сумын төвөөс хойд зүгт 4 км-т/ улсын дугаартай “Tеранно” загварын 3 зорчигчтой автомашин цасанд суусан тухай дуудлагыг 2016.11.14-ний өдрийн 21:15 цагт хүлээн авч тус аймгийн Онцгой байдлын газрын Тэс суман дахь Гал түймэр унтраах, аврах 57 дугаар ангийн 6 албан хаагч, 1 автошашинтай ажиллаж автомашиныг татан гаргаж, иргэн П /34 настай, эрэгтэй/, О /35 настай, эрэгтэй/, А /35 настай, эрэгтэй/ нарыг аюулгүй газарт тус тус хүргэсэн.
3. Мал, амьтны гоц халдварт болон халдварт өвчин:
Завхан аймгийн Ургамал сумын Нуур зөөхий багийн харьяат Увс аймгийн Цагаанхайрхан сумын “Цагаан магнайн худаг” гэдэг газар малчин М суурьт 2016.08.31-ний өдөр 3 хурга халдварт өвчний шинж тэмдэгтэй өвчилснийг УМЭАЦТЛ-д шинжлэхэд 2016.09.26-ны өдрийн 763 дугаар хариугаар “Бог малын мялзан” өвчин болох нь тус тус тогтоогдсон. Тус сумын Засаг даргын 2016.09.15-ны өдрийн А/42 дугаар захирамжаар хорио цээрийн дэглэм тогтоосон хугацаанд дахин өвчлөл гараагүй тул 2016.11.07-ны А/60 дугаар захирамжаар цуцалсан.
4. Объектын гал түймэр:
Баянзүрх дүүргийн 8 дугаар хороо, Холбоо толгойн 5 дугаар гудамжийн 52 тоотод иргэн О байшин шатаж байна гэсэн дуудлагыг 2016.11.14-ний өдрийн 09:37 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 албан хаагч, 2 автомашинтай;
Чингэлтэй дүүргийн 16 дугаар хороо, Согоотын 5 дугаар гудамжийн 13 тоотод иргэн С байшин шатаж байна гэсэн дуудлагыг 2016.11.14-ний өдрийн 09:37 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай, нэмэлт дуудлагаар Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 албан хаагч, 1 автомашинтай;
Баянзүрх дүүргийн 22 дугаар хороо, Алтан өлгийн задгайд иргэн Э гэр шатаж байна гэсэн дуудлагыг 2016.11.14-ний өдрийн 18:34 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 албан хаагч, 2 автомашинтай;
Дорноговь аймгийн Сайншанд сумын 4 дүгээр багийн 23 дугаар байрны зүүн талд иргэн Б амбаар шатаж байна гэсэн дуудлагыг 2016.11.15 ны өдрийн 04:25 цагт хүлээн авч тус аймгийн Онцгой байдлын газрын Гал унтраах, аврах 33 дугаар ангийн 6 албан хаагч, 1 автомашинтай тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР