1.Цаг агаарын талаар:
Өнгөрсөн хоногт: Говь-Алтай аймагт цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар үүлэрхэг. Баруун болон төвийн аймгуудын хойд хэсгээр цас орж, цасан шуурга шуурна. Бусад нутгаар цас орохгүй. Салхи зүүн аймгуудын нутгаар зүүн өмнөөс бусад нутгаар баруунаас 7-12 м/с, Алтайн салбар уулс болон Арц Богдын өвөр хоолойгоор түр зуур 18-20 м/с хүрч ширүүснэ. Дархадын хотгороор 16-21 градус, Хангай, Хөвсгөл, Хэнтэйн уулархаг нутаг, Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 6-11 градус хүйтэн, говийн бүсийн нутгаар 3-8 градус дулаан, бусад нутгаар 1-6 градус хүйтэн байна.
Улаанбаатар хотод: Үүлшинэ. Цас орохгүй. Салхи баруунаас 7-12 м/с. 6-8 градус хүйтэн байна.
Төлөв байдал: 17-нд нутгийн хойд хэсгээр, 18-нд ихэнх нутгаар, 19,20-нд зарим газраар цас орж, цасан шуурга шуурна. Салхи 17-нд ихэнх нутгаар, бусад хугацаанд нутгийн өмнөд хэсгээр түр зуур 18-20 м/с хүрч шороон шуурга шуурна. 18-наас нутгийн хойд хэсгээр, цаашдаа ихэнх нутгаар хүйтний эрч эрс чангарч, Дархадын хотгор, Идэр, Тэс голын хөндийгөөр шөнөдөө 37-42 градус, өдөртөө 26-31 градус, Увс нуурын хотгор болон Алтай, Хангай, Хэнтэйн уулархаг нутаг, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 30-35 градус, өдөртөө 20-25 градус, говийн бүс нутгийн өмнөд хэсгээр шөнөдөө 12-17 градус, өдөртөө 5-10 градус, бусад нутгаар шөнөдөө 25-30 градус, өдөртөө 15-20 градус хүйтэн байна.
2. Эрэн хайх, аврах ажиллагаа
Аврах ажиллагаа: Дархан-Уул аймгийн Дархан сумын 10 дугаар багийн “57” дугаар орон сууцны урд байрлах дулааны шугамын худагт хүн унасан байна гэсэн дуудлагыг 2016.11.15-ны өдрийн 13:31 цагт хүлээн авч аймгийн Онцгой байдлын газрын Гал түймэр унтраах, аврах 22 дугаар ангийн 5 албан хаагч, 1 техник хэрэгсэлтэйгээр ажиллаж, М /14 настай, эрэгтэй/ дулааны шугамын худагт унасан байсныг татан гаргаж, эмнэлгийн анхан шатны тусламж үзүүлж, ар гэрийнхэнд нь хүлээлгэн өгсөн.
Ус, цас, шаварт саатсан: Хөвсгөл аймгийн Төмөрбулаг сумын Тээл багийн “Цагаан бургасын даваа” гэдэг газар /сумын төвөөс урд зүгт 30 км-т/ Портер загварын автомашин замын хажуу жалгаруу гулсаж орсон тухай дуудлагыг 2016.11.15-ны өдрийн 12:10 цагт хүлээн авч тус аймгийн Онцгой байдлын газрын Эрэн хайх, аврах бүлгийн 4 албан хаагч, 1 техник хэрэгсэлтэйгээр татан гаргаж аюулгүй болгосон.
Хөвсгөл аймгийн Түнэл сумын Зуны гол багийн “Цэнгэл” нууранд /сумын төвөөс зүүн урд зүгт 45 км-т/ зил-130 загварын автомашин живсэн тухай дуудлагыг 2016.11.15-ны өдрийн 09:00 цагт хүлээн авч тус аймгийн Онцгой байдлын газрын Эрэн хайх, аврах бүлгийн 7 албан хаагч, 1 техник хэрэгсэлтэйгээр ажиллаж, 2016.11.15-ны өдрийн 18:08 цагт татан гаргаж аюулгүй болгосон.
Завхан аймгийн Тосонцэнгэл сумын Оргих багийн Ужигийн гол гэдэг газар /сумын төвөөс хойд зүгт 60 км-т/ Ланд-80 загварын автомашин голын мөсөнд цөмөрч суусан тухай дуудлагыг 2016.11.15-ны өдрийн 19:30 цагт хүлээн авч тус аймгийн Онцгой байдлын газрын Гал түймэр унтраах, аврах 39 дүгээр ангийн 3 албан хаагч, 1 техник хэрэгсэлтэйгээр ажиллаж, иргэн Б-г /38 настай, эрэгтэй/ аварч, автомашиныг голоос татан гаргаж гаргаж аюулгүй болгосон.
Дархан-Уул аймгийн Шарын гол сумын Санжинт багийн “Монгол Чехийн алтны гарам” гэдэг газар ”Тоёота Примо” загварын автомашин гарманд цөмөрч орсон тухай дуудлагыг 2016.11.06-ны өдрийн 23:16 цагт хүлээн авч тус аймгийн Онцгой байдлын газрын Гал түймэр унтраах, аврах 55 дугаар ангийн 4 албан хаагч, 1 техник хэрэгсэлтэйгээр ажиллаж иргэн Д /38 настай эрэгтэй/, Ч /28 настай, эрэгтэй/, Б /30 настай, эрэгтэй /, Б /26 настай, эрэгтэй/, Н /30 настай, эмэгтэй/,С /31 настай, эмэгтэй/, А /28 настай, эмэгтэй/ нарын 7 иргэдийг аварч, автомашиныг татан гаргаж аюулгүй болгосон.
3. Мал, амьтны гоц халдварт болон халдварт өвчин:
Увс аймгийн Өлгий сумын “Өлгий нуур” багийн малчин Х, О, Х нарын суурьт 2016.08.27-ны өдөр халдварт өвчний шинж тэмдэг илэрсэн тул 1 ямаа, 1 хониноос дээж авч УМЭАЦТЛ-т шинжлэхэд 2016.08.29-ний өдрийн 565 дугаар хариугаар “Бог малын мялзан” өвчин болох нь тогтоогдсныг тус сумын Засаг даргын 2016.11.14-ны өдрийн А/110 дугаар захирамжаар;
Увс аймгийн Өмнөговь сумын Баянгол багийн малчин Б-н хотонд 2016.08.27-ны өдөр халдварт өвчний шинж тэмдэг илэрсэн тул 1 ямаа, 1 хониноос дээж авч УМЭАЦТЛ-д шинжлэхэд 2016.08.29-ний өдрийн 565 дугаар хариугаар “Бог малын мялзан” өвчин болох нь тогтоогдсныг тус аймгийн Засаг даргын 2016.11.15-ны өдрийн А/652 дугаар захирамжаар хорио цээрийн дэглэмийг тус тус цуцалсан.
4. Объектын гал түймэр:
Нийслэлийн Сонгино хайрхан дүүргийн 22 дугаар хороо, Тахилтын автобусны эцсийн буудалд дугуй засварын байшин шатаж байна гэсэн дуудлагыг 2016.11.15-ны өдрийн 11:19 цагт хүлээн авч дүүргийн Онцгой байдлын хэлтсийн Гал түймэр унтраах, аврах 26 дугаар ангийн 9 албан хаагч;
Нийслэлийн Баянгол дүүргийн 2 дугаар хороо, 71-А байрны хогийн сувагт хог шатаж байна гэсэн дуудлагыг 2016.11.15-ны өдрийн 17:56 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 албан хаагч, 1 техник хэрэгсэлтэйгээр ажиллаж, 24 том хүн, 8 хүүхэд нийт 32 иргэнийг утаажилтын бүсээс гаргаж аюулгүй болгосон.
Хэнтий аймгийн Баян-Овоо сумын Дэлгэрхаан багийн “Бэрхийн Уул” гэдэг газар /сумын төвөөс урд зүгт 50 км-т/ хураалттай өвс шатаж байна гэсэн дуудлагыг 2016.11.16-ны өдрийн 01:00 цагт хүлээн авч тус аймгийн Онцгой байдлын газрын 4 албан хаагч, 1 автомашин, орон нутгийн 8 иргэн, 1 автомашин, нийт 12 хүн, 2 техник хэрэгсэлтэйгээр ажиллаж 2016.11.16-ны өдрийн 04:40 цагт тус тус унтраасан.
ГАМШГИЙН ШУУРХАЙ УДИРДЛАГЫН ГАЗАР