1.Цаг агаарын талаар:
Өнгөрсөн хоногт: Улаанбаатар хот болон Архангай, Булган, Завхан, Дорнод, Төв, Сэлэнгэ, Увс аймагт цас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар үүлэрхэг. Төвийн аймгуудын ихэнх, баруун аймгуудын зүүн, зүүн аймгуудын өмнөд, говийн аймгуудын хойд хэсгээр цас орж, цасан шуурга шуурна. Салхи говийн аймгуудын нутгаар баруун өмнөөс, төв болон баруун аймгуудын нутгаар баруун хойноос, зүүн аймгуудын нутгаар зүүн өмнөөс 7-12 м/с, нутгийн өмнөд хэсгээр 15-17 м/с хүрч ширүүснэ. Хүйтэрч Дархадын хотгороор 23-28 градус, Хангай, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын хөндийгөөр 16-21 градус, говийн бүс нутгийн өмнөд хэсгээр 2 градус дулаанаас 3 градус хүйтэн, бусад нутгаар 10-15 градус хүйтэн байна.
Улаанбаатар хотод: үүлэрхэг. Цас орж, цасан шуурга шуурна. Салхи баруун хойноос 7-12 м/с. Хүйтэрч 13-15 градус хүйтэн байна.
Төлөв байдал: 19, 20-нд зарим газраар цас орж, цасан шуурга шуурна. Салхи 19, 20-нд нутгийн өмнөд хэсгээр 14-16 м/с хүрч ширүүснэ. Хүйтний эрч эрс чангарч Дархадын хотгор, Идэр, Тэс голын хөндийгөөр шөнөдөө 40-45 градус, өдөртөө 27-32 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 32-37 градус, өдөртөө 20-25 градус, говийн бүс нутгийн өмнөд хэсгээр шөнөдөө 15-20 градус, өдөртөө 8-13 градус, бусад нутгаар шөнөдөө 26-31 градус, өдөртөө 16-21 градус хүйтэн байна.
3. Мал, амьтны гоц халдварт болон халдварт өвчин:
Архангай аймгийн Хашаат сумын Жаргалант багийн “Бэрхийн өвөр” гэдэг газар малчин Н 8 хонинд халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлүүлэхэд 2016.11.16-ны өдрийн хариугаар “Хониний цэцэг” өвчин болох нь тус сумын Засаг даргын 2016.11.15-ны өдрийн А/75 дугаар захирамжаар хорио цээрийн дэглэм тогтоосон. Голомтод 160 адуу, 31 үхэр, 925 хонь, 360 ямаа нийт 1476 мал байна
Төв аймгийн Баян сумын Цавчир багийн “Шувуут” гэдэг газар малчин Г 30 хонинд халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлүүлэхэд 2016.11.13-ны өдрийн хариугаар “Хониний цэцэг” өвчин болох нь тус сумын Засаг даргын 2016.11.16-ны өдрийн А/328 дугаар захирамжаар хорио цээрийн дэглэм тогтоосон.
Хэнтий аймгийн Өмнөдэлгэр сумын Хэнтий багийн “Цагаан даваа” гэдэг газар малчин Б 32 хонь 2016.11.16-ны өдөр халдварт өвчний шинж тэмдэгтэй өвчилсөн тул дээж авч УМЭАЦЛ-д шинжлүүлэхэд 2016.11.16-ны өдрийн хариугаар “Хонины цэцэг” өвчин болох нь; сумын Засаг даргын 2016.11.17-ны өдрийн А/133 дүгээр захирамжаар хорио цээрийн дэглэм тогтоосон. Голомтод 7 өрхийн 2200 хонь байна.
Төв аймгийн Баян сумын Цавчир багийн “Сондуулын гуанз” гэдэг газар 2016.08.23-ны өдөр малчин Б тус сумын Өгөөмөр багийн “Агуйт” гэдэг газар малчин Т нарын 22 үхэрт малын гоц халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлүүлэхэд “Шүлхий” өвчин болох нь тус сумын Засаг даргын 2016.08.24-ний өдрийн А/261 дүгээр захирамжаар хорио цээрийн дэглэм тогтоосон хугацаанд өвчлөл гараагүй тул аймгийн Засаг даргын 2016.11.16-ны өдрийн А/640 дүгээр захирамжаар;
Төв аймгийн Баянжаргалан сумын Эрдэнэ багийн “Бор хужир” гэдэг газар малчин Б хотонд малын гоц халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлүүлэхэд 2016.08.26-ны өдрийн 541 дүгээр хариугаар “Шүлхий” өвчин болох нь;
Төв аймгийн Баянцагаан сумын Гурван түрүү багийн “Хонгорын-Ам” гэдэг газар малчин Ө хотонд 2016.08.29-ний өдөр 4 хонь халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлэхэд 2016.08.31-ний өдрийн 564 дүгээр хариугаар “Хонины цэцэг” өвчин болох нь тус тус тогтоогдсон.
4. Объектын гал түймэр:
Сүхбаатар дүүргийн 16 дугаар хороо, Бэлхийн 27 дугаар гудамжийн 574 тоотод иргэн Г улсын дугаартай “Аксент” загварын автомашин шатаж байна гэсэн дуудлагыг 2016.11.17-ны өдрийн 13:09 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай
Сэлэнгэ аймгийн Баянгол сумын Хараа багийн 3 дугаар гудамжийн 2 тоотод иргэн Б байшин шатаж байна гэсэн дуудлагыг 2016.11.17-ны өдрийн 14:40 цагт хүлээн авч тус аймгийн Онцгой байдлын газрын Гал түймэр унтраах, аврах 40 дүгээр ангийн 7 албан хаагч, 2 автомашинтайгаар тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР