1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хэсгээр солигдмол үүлтэй. Бусад нутгаар үүлшинэ. Цас орохгүй. Салхи баруун хойноос 6-11 м/с. Хүйтэрч Дархадын хотгороор 25-30 градус, Увс нуурын хотгор, Хангай, Хөвсгөл, Хэнтийн уулархаг нутаг, Идэр, Тэс, Хараа, Ерөө, Туул, Тэрэлж, Хэрлэн, Онон, Улз голын хөндийгөөр хөндийгөөр 21-26 градус, Эхийн голын Баянбүрд орчмоор 5-10 градус, говийн нутгаар 11-16 градус, бусад нутгаар 15-20 градус хүйтэн байна.
Улаанбаатар хотод: Үүлшинэ. Цас орохгүй. Салхи баруун хойноос 5-10 м/с. Хүйтэрч 21-23 градус хүйтэн байна.
Төлөв байдал: 24-нд баруун аймгуудын нутгийн баруун хэсгээр, 25-нд баруун болон төвийн нутгаар цас орно. Салхи 24-нд Алтайн салбар уулсаар, 25-нд зарим газраар 12-14 м/с хүрч явган шуурга шуурна. Хүйтний эрч суларч Дархадын хотгор, Идэр, Тэс голын хөндийгөөр шөнөдөө 33-38 градус, өдөртөө 21-26 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 30-35 градус, өдөртөө 20-25 градус, говийн бүс нутгийн өмнөд хэсгээр шөнөдөө 15-20 градус, өдөртөө 8-13 градус, бусад нутгаар шөнөдөө 23-28 градус, өдөртөө 15-20 градус хүйтэн байна.
2. Эрэн хайх, аврах ажиллагаа:
Сураггүй болсон: Сэлэнгэ аймаг Сүхбаатар сумын Бор гүвээ багийн 1 дүгээр хэсгийн 173 тоотод оршин суугч иргэн Б /18 настай, эрэгтэй/ үхэртээ яваад сураггүй болсон тухай дуудлагыг 2016.11.20 -ны өдрийн 18.55 цагт хүлээн авч тус аймгийн Онцгой байдлын газрын 6 албан хаагч, 1 автомашинтай ажиллаж, 2016.11.20-ны өдрийн 19:30 цагт “Охинды” гэдэг газраас /аймгийн төвөөс баруун урд зүгт 25 км-т/ эсэн мэнд олж, ар гэрийхэнд нь хүлээлгэн өгсөн.
Цасанд саатсан: Нийслэлийн Баянзүрх дүүргийн 11 дүгээр хороо, Хонхор нуурын хажууд автомашин цасанд суусан гэсэн дуудлагыг 2016.11.20-ны өдрийн 16:00 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 4 албан хаагч, 1 техник хэрэгсэлтэйгээр ажиллаж, иргэн Т улсын дугаартай “Примо” загварын автомашин;
Баянзүрх дүүргийн 11 дүгээр хороо, “Шавартын ам” гэдэг газар автомашин цасанд суусан гэсэн дуудлагыг 2016.11.20-ны өдрийн 20:27 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 4 албан хаагч, 1 автомашинтай ажиллаж, иргэн Г улсын дугаартай “Митцубиши” загварын автомашин тус тус цасанд суусан байсныг татан гаргаж аюулгүй болгосон
3. Объектын гал түймэр:
Нийслэлийн Налайх дүүргийн 1 дүгээр хороо, Уурхайчдын 1 дүгээр гудамжийн 28 тоотод иргэн Э байшин шатаж байна гэсэн дуудлагыг 2016.11.20-ны өдрийн 12:18 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 8 албан хаагч, 2 автомашинтай,
Орхон аймгийн Баян-Өндөр сумын Уртын гол багийн Баянтал 9 дүгээр гудамжийн 26 тоотод иргэн Д граш шатаж байна гэсэн дуудлагыг 2016.11.20-ний өдрийн 16:43 цагт хүлээн авч. Орхон аймгийн Онцгой байдлын газрын Гал унтраах, аврах 81 дүгээр ангийн 6 албан хаагч, 1 автомашинтай тус тус ажиллаж унтраасан.
4. Техникийн холбогдолтой ослын талаар:
Говь-Алтай аймгийн Дэлгэр сумын Баянбуурал багийн нутагт /сумын төвөөс зүүн урд зүгт 4 км-т/ Улаанбаатар хотоос Говь-Алтай аймгийн чиглэлд зорчиж байсан улсын дугаартай 30 зорчигчтой автобус, улсын дугаартай “Исузу” загварын 3 зорчигчтой ачааны автомашинтай мөргөлдөж 2 хүний биеийн байдал хүнд байна гэсэн дуудлагыг 2016.11.21-ний өдрийн 12:58 цагт хүлээн авч тус аймгийн Онцгой байдлын газрын 5 албан хаагч, 1 автомашинтай ажиллаж, иргэн Н /61 настай, эрэгтэй/, Д /17 настай, эрэгтэй/ нарыг аварч, Дэлгэр сумын эмнэлэгт хүлээлгэн өгсөн.
ГАМШГИЙН ШУУРХАЙ УДИРДЛАГЫН ГАЗАР
