1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хагаст үүлшинэ. Баруун аймгуудын өмнөд хэсгээр цас орно. Бусад нутгаар багавтар үүлтэй. Цас орохгүй. Салхи нутгийн баруун хэсгээр баруун хойноос, бусад нутгаар баруун өмнөөс 5-10 м/с. Дархадын хотгор, Байтаг богд орчмоор 15-20 градус, Увс нуурын хотгор, Хангай, Хэнтэйн уулархаг нутаг, Хүрэн бэлчир болон Идэр, Тэс, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 9-14 градус хүйтэн, говийн бүс нутгийн өмнөд хэсгээр 2 градус хүйтнээс 3 градус дулаан, бусад нутгаар 3-8 градус хүйтэн байна.
Улаанбаатар хотод багавтар үүлтэй, цас орохгүй, салхи баруун өмнөөс 5-10 м/с, 9-11 градус хүйтэн байна
Төлөв байдал: 29-нд нутгийн зүүн өмнөд хэсгээр, 30-нд зүүн аймгуудын нутгийн зүүн, төвийн нутгийн хойд хэсгээр цас орж, явган шуурга шуурна. Бусад хугацаанд цас орохгүй. Салхи 29, 12 дугаар сарын 1-нд зарим газраар, 30-нд зүүн зүгийн нутгаар 14-16 м/с хүрч ширүүснэ. Дархадын хотгор, Тэсийн голын хөндийгөөр шөнөдөө 22-27 градус, өдөртөө 14-19 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 19-24 градус, өдөртөө 8-13 градус, говийн бүс нутгийн өмнөд хэсгээр шөнөдөө 6-11 градус хүйтэн, өдөртөө 4 градус дулаанаас 1 градус хүйтэн, бусад нутгаар шөнөдөө 12-17 градус, өдөртөө 3-8 градус хүйтэн байна. 30-нд нутгийн зүүн хэсгээр бага зэрэг хүйтэрнэ.
2. Эрэн хайх, аврах ажиллагаа:
Сураггүй болсон: Завхан аймгийн Тэс сумын Баян-Уул багийн “Хосын-Улаан чулуу” гэдэг газар иргэн Н /45 настай, эмэгтэй/ 2016.11.27-ны өдрийн 17:00 цагийн орчим гэрээсээ гараад сураггүй болсон тухай дуудлагыг 2016.11.27-ны өдрийн 20:57 цагт хүлээн авч тус аймгийн Онцгой байдлын газрын 6 албан хаагч,1 автомашинтай, Цагдаагийн газрын 2 албан хаагч, орон нутгийн 2 иргэн, нийт 10 хүн, 2 автомашинтай эрэн хайх ажиллагааг зохион байгуулж байна.
Аврах ажиллагаа: Ховд аймгийн Чандмань сумын Жаргалан багийн Хар нуурын “Хомын хоолой” гэдэг газарт /сумын төвөөс зүүн хойд зүгт 60 км-т/ “Ниссан Гаме” загварын суудлын автомашин мөсөнд цөмөрч, живсэн тул гаргаж өгнө үү гэсэн дуудлагыг 2016.11.24-ний өдрийн 19:05 цагт хүлээн авч тус аймгийн Онцгой байдлын газрын Эрэн хайх, аврах ангийн 10 албан хаагч, 1 автомашин ажиллаж 2016.11.27-ны өдрийн 16:10 цагт автомашиныг татан гаргасан.
3. Объектын гал түймэр:
Чингэлтэй дүүргийн 19 дүгээр хорооны “Жигжид” зусланд байшин шатаж байна гэсэн дуудлагыг 2016.11.27-ны өдрийн 17:12 цагт хүлээн авч Сүхбаатар дүүргийн Онцгой байдлын хэлтсийн Гал унтраах, аврах 34 дүгээр ангийн 9 албан хаагч, 2 автомашинтай;
Баянзүрх дүүргийн 28 дугаар хорооны “Хужирбулан”-гийн 5 дугаар хэсгийн 83 дугаар гудамжийн 2465 тоотод байшин шатаж байна гэсэн дуудлагыг 2016.11.27-ны өдрийн 21:22 цагт хүлээн авч тус дүүргийн Онцгой байдлын хэлтсийн Гал унтраах, аврах 35 дугаар ангийн 9 албан хаагч, 2 автомашинтай;
Сүхбаатар аймгийн Баруун-Урт сумын 9 дүгээр багийн “Хайлааст” 16 дугаар гудамжийн 1623 тоотод байшин шатаж байна гэсэн дуудлагыг 2016.11.27-ний өдрийн 20:18 цагт хүлээн авч тус аймгийн Онцгой байдлын газрын Гал унтраах, аврах 15 дугаар ангийн 6 албан хаагч, 1 автомашинтай тус тус ажиллаж унтраасан.
4. Техникийн холбогдолтой ослын талаар:
Тээврийн хэрэгслийн осол: Завхан аймгийн Их-Уул сумын Үржил багийн “Жаргалантын-Ам” гэдэг газар /сумын төвөөс баруун зүгт 6 км/ иргэн Б-н автомашин замын хажуу руу унасан тухай дуудлагын 2016.11.27 өдрийн 09:10 цагт хүлээн авч тус аймгийн Онцгой байдлын газрын 2 албан хаагч, 1 автомашинтай ажиллаж автомашиныг замын хажуугаас татаж гарган Тосонцэнгэл сумын төвд хүргэж ирсэн.
Ахуйн осол: Дорнод аймгийн Хэрлэн сумын 6 дугаар багийн нутаг дэвсгэрт үйл ажиллагаа явуулдаг “Шүр” үйлчилгээний төвийн урд талд дулааны шугамын худагт 1 хүний цогцос байна гаргаж өгнө үү гэсэн дуудлагыг 2016.11.27-ны өдрийн 13:33 цагт хүлээн авч тус аймгийн Онцгой байдлын газрын 6 албан хаагч, 1 автомаэшинтай ажиллаж иргэн С /34 настай, эрэгтэй/ дулааны шугамын худагт унаж нас барсан байсан тул цогцсыг гаргаж аймгийн Цагдаагийн газрын жижүүрийн бүрэлдэхүүнд шилжүүлж өгсөн.
ГАМШГИЙН ШУУРХАЙ УДИРДЛАГЫН ГАЗАР
Уншсан:
47
