Өнөөдөр: Ихэнх нутгаар багавтар үүлтэй. Цас орохгүй. Салхи нутгийн зүүн хэсгээр баруун хойноос, бусад нутгаар баруунаас 5-10 м/с, зүүн аймгуудын зарим газраар 12-14 м/с хүрч явган шуурга шуурна. Увс нуур болон Дархадын хотгор, Идэр, Тэс голын хөндий, Байтаг богд орчмоор 11-16 градус, Хэнтийн уулархаг нутаг, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 5-10 градус хүйтэн, говийн бүс нутгийн өмнөд хэсгээр 2-7 градус дулаан, бусад нутгаар 1-6 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруунаас 5-10 м/с. 5-7 градус хүйтэн байна.
Төлөв байдал: 3,5-нд баруун болон төвийн аймгуудын нутгийн хойд хэсгээр, 4-нд баруун аймгуудын нутгийн зүүн хэсэг, төв болон говийн аймгуудын ихэнх нутгаар цас орж, цасан шуурга шуурна. Салхи 3-нд зарим газраар, 4-нд говь талын нутгаар 14-16 м/с, 5-нд ихэнх нутгаар 18-20 м/с хүрч ширүүснэ. Дархадын хотгор, Идэр, Тэсийн голын хөндий, Байтаг богд орчмоор шөнөдөө 21-26 градус, өдөртөө 11-16 градус, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 16-21 градус, өдөртөө 7-12 градус, говийн бүс нутгийн өмнөд хэсгээр шөнөдөө 5-10 градус хүйтэн, өдөртөө 1-6 градус дулаан, бусад нутгаар шөнөдөө 12-17 градус, өдөртөө 0-5 градус хүйтэн байна. 4-нд ихэнх нутгаар хүйтэн байна.
2. Эрэн хайх, аврах ажиллагаа
Ус, цас, шаварт саатсан: Булган аймгийн Хутаг-Өндөр сумын Хонгор багийн “Айрхан” нууранд /сумын төвөөс хойд зүгт 45 км-т/ “Маяти” загварын автомашин мөс цөмөрч суусан тухай дуудлагыг 2016.11.30-ний өдрийн 13:10 цагт хүлээн авч Хөвсгөл аймгийн Онцгой байдлын газрын Эрэн хайх, аврах салбарын 8 албан хаагч, 1 автомашинтайгаар ажиллаж байна.
Сүхбаатар аймгийн Эрдэнэцагаан сумын Цагаан-Овоо багийн нутагт иргэн Б-н 78-07 СҮА улсын дугаартай “Пикаб” загварын автомашин цасанд суусан тухай дуудлагыг 2016.12.01.-ний өдрийн 05:00 цагт хүлээн авч тус аймгийн Онцгой байдлын газрын Гал түймэр унтраах, аврах 47 дугаар ангийн 5 албан хаагч, 1 автошашинтай ажиллаж, иргэн Б-г /28 настай, эрэгтэй/ аварч, автомашиныг цаснаас татан гаргаж аюулгүй болгосон.
Аврах ажиллагаа: Багануур дүүргийн 3 дугаар хороо, 64 дүгээр сургуулийн хашаанд шилүүсний зулзага байна гэсэн дуудлагыг 2016.11.30-ний өдрийн 16:25 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн 6 албан хаагч, 1 автомашин, Цагдаагийн хэлтсээс 8, Мэргэжлийн хяналтын хэлтсээс 1 хүн, Зооноз өвчин судлалын төвөөс 2, Мал эмнэлгээс 1 эмч тус тус ажиллаж, төмөр торонд хийн аюулгүй болгож, байгаль орчны байцаагчид хүлээлгэн өгөхөөр ажиллаж байна.
3. Мал, амьтны гоц халдварт болон халдварт өвчин:
Хэнтий аймгийн Дэлгэрхаан сумын Хэрлэн Баян-Улаан тосгоны “Даргиатын цагаан хөтөл” гэдэг газар малчин Б-ны 35 хонь 2016.10.23-ны өдөр халдварт өвчний шинж тэмдэгтэй өвчилсөн тул дээж авч УМЭАЦЛ-д шинжлүүлэхэд 2016.10.27-ны өдрийн хариугаар “Хонины цэцэг” өвчин болох нь тогтоогдсон. Тус тосгоны Захирагчийн 2016.11.29-ний өдрийн А/52 дугаар захирамжаар хорио цээрийн дэглэмийг цуцалсан.
Нийслэлийн Баянгол дүүргийн 21 дүгээр хороо Горькийн 17 дугаар гудамжийн 446 тоотод иргэн Г-н байшин шатаж байна гэсэн дуудлагыг 2016.11.30-ны өдрийн 11:00 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 9 албан хаагч;
Нийслэлийн Чингэлтэй дүүргийн 9 дүгээр хороо, Дэнжийн 4 дүгээр гудамжийн 59/Б тоотод иргэн М-н байшин шатаж байна гэсэн дуудлагыг 2016.11.30-ны өдрийн 18:08 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн 9 албан хаагч;
Нийслэлийн Сонгинохайрхан дүүргийн 5 дугаар хороо, Баянголын 61 дүгээр гудамжийн 20 тоотод иргэн Д-н гэр шатаж байна гэсэн дуудлагыг 2016.12.01-ны өдрийн 04:40 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 албан хаагч ажиллаж унтраасан. Уг гал түймэрт Ө /41 настай, эрэгтэй/ өртөж нас барсан.
Говьсүмбэр аймгийн Сүмбэр сумын 2 дугаар багийн Сансар гудамжийн 19 тоотод айлын хашаа шатаж байна гэсэн дуудлагыг 2016.11.30-ны өдрийн 13:23 цагт хүлээн авч тус аймгийн Онцгой байдлын газрын Гал түймэр, унтраах, аврах 37 дугаар ангийн 7 албан хаагч тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР