Өнөөдөр: Ихэнх нутгаар үүлшинэ. Баруун аймгуудын зүүн хэсэг, төвийн аймгуудын ихэнх нутаг, говийн аймгуудын хойд хэсгээр цас орж, цасан шуурга шуурна. Бусад нутгаар цас орохгүй. Салхи нутгийн зүүн хэсгээр зүүн өмнөөс, бусад нутгаар баруун хойноос 6-11 м/с, зарим газраар 14-16 м/с хүрч ширүүснэ. Увс нуур болон Дархадын хотгор, Идэр, Тэс голын хөндий, Хүрэн бэлчир орчмоор 14-19 градус, Хөвсгөл, Хэнтийн уулархаг нутаг, Сэлэнгэ, Хараа, Ерөө, Тэрэлж голын хөндийгөөр 11-16 градус, Туул, Хэрлэн, Онон, Улз, Халх голын хөндийгөөр 8-13 градус хүйтэн, говийн бүс нутгийн өмнөд хэсгээр 4 градус дулаанаас 1 градус хүйтэн, бусад нутгаар 5-10 градус хүйтэн байна.
Улаанбаатар хотод: Үүлшинэ. Цас орж, цасан шуурга шуурна. Салхи баруун өмнөөс хойш эргэж 7-12 м/с. 9-11 градус хүйтэн байна.
Төлөв байдал: 8-нд нутгийн зүүн хагаст, 10-нд баруун аймгуудын нутгийн хойд хэсгээр, 11-нд төв, зүүн аймгуудын нутгийн хойд хэсгээр цас орж, цасан шуурга шуурна. Салхи 8-нд говь тал, хээрийн нутгаар, 10-нд Алтайн салбар уулс, Арц-Богдын өвөр хоолойгоор 14-16 м/с, 11-нд ихэнх нутгаар түр зуур 18-20 м/с хүрч ширүүснэ. Дархадын хотгор, Идэр, Тэс, Ерөө голын хөндийгөөр шөнөдөө 31-36 градус, өдөртөө 19-24 градус, Увс нуурын хотгор болон Орхон-Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 26-31 градус, өдөртөө 13-18 градус, говийн бүс нутгийн өмнөд хэсгээр шөнөдөө 11-16 градус, өдөртөө 3-8 градус, бусад нутгаар шөнөдөө 19-24 градус, өдөртөө 8-13 градус хүйтэн байна. 9-нд нутгийн баруун хагаст, 10-нд ихэнх нутгаар хүйтний эрч сулавтар байна.
2. Эрэн хайх, аврах ажиллагаа
Сураггүй болсон: Сэлэнгэ аймгийн Хүдэр сумын Баянцагаан багийн “Баруун моностой” гэдэг газар самарт явж байсан иргэн Г /38 настай, эрэгтэй/ 2016.11.28-ны өдрөөс хойш сураггүй болсон тухай дуудлагыг 2016.12.02-ны өдрийн 11:00 цагт хүлээн авч тус аймгийн Онцгой байдлын газрын 6 албан хаагч, 1 автомашинтай, орон нутгаас 9 хүн, нийт 15 хүн, 1 автомашинтайгаар ажиллаж иргэн Г /38 орчим настай, эрэгтэй/-г эрэн хайх ажиллагааг 2016.12.07-ны өдрөөс үргэлжлүүлэхээр болсон.
Цас, мөсөнд саатсан:Увс аймгийн Түргэн сумын Рашаант багийн “Улаан зуухын адаг” гэдэг газар /аймгийн төвөөс хойд зүгт 80 км-т/ Ланд-80 загварын 5 зорчигчтой автомашин цасанд суусан тухай дуудлагыг 2016.12.06-ны өдрийн 22:30 цагт хүлээн авч тус аймгийн Онцгой байдлын газрын Эрэн хайх, аврах салбарын 3 албан хаагч, 1 автошашинтай ажиллаж жолооч О /38 настай, эрэгтэй/, эхнэр Ү /38 настай, эмэгтэй/, Ч /2 настай, эрэгтэй/, Б /38 настай, эрэгтэй/, Б /43 настай, эрэгтэй/ нарын 4 зорчигчтой автомашин цасанд суусан байсныг татан гаргаж аюулгүй болгосон.
Хөвсгөл аймгийн Их-Уул сумын Сэлэнгэ багийн “Бага-Ацын Бирвааз” гэдэг газар /сумын төвөөс зүүн урд зүгт 13 км-т/ иргэн Х-н “Маяти” загварын автомашин Сэлэнгэ голд мөс цөмөрч суусан тухай дуудлагыг 2016.12.07-ны өдрийн 05:30 цагт хүлээн авч тус аймгийн Онцгой байдлын газрын Эрэн хайх, аврах салбарын 8 албан хаагч, 1 автошашинтай ажиллахаар 2016.12.07-ны өдрийн 06:30 цагт гарсан.
3. Мал, амьтны гоц халдварт болон халдварт өвчин:
Дундговь аймгийн Говь-Угтаал сумын Морьт багийн “Бүсийн гэзэг” “Хөх-Овоо”, “Хадатын-Ар” гэдэг газруудад малчин Н.Чинбат, Н.Лхагвасүрэн, И-н нийт 402 хонь 2016.11.02-ны өдөр халдварт өвчний шинж тэмдэгтэй өвчилсөн тул дээж авч УМЭАЦЛ-д шинжлүүлэхэд 2016.11.04-ний өдрийн 1065 дугаар хариугаар “Хонины цэцэг ” өвчин болох нь тогтоогдсон тус аймгийн Засаг даргын 2016.11.05-ны өдрийн А/82 дугаар захирамжаар хорио цээрийн дэглэм тогтоосон хугацаанд дахин өвчлөл гараагүй тул тус сумын Засаг даргын 2016.11.25-ны өдрийн А/89 дүгээр захирамжаар;
Төв аймгийн Цээл сумын Хүүлэй хан багийн “Бэлх” гэдэг газар малчин Р хотонд 2016.11.11-ний өдөр 13 хонь халдварт өвчний шинж тэмдэгтэй өвчилснийг дээж авч, УМЭАЦТЛ-д шинжлэхэд 2016.11.14-ний өдрийн хариугаар “Хонины цэцэг” өвчин болох нь тус сумын Засаг даргын 2016.11.11-ний өдрийн А/165 дугаар захирамжаар хорио цээрийн дэглэм тогтоосон хугацаанд дахин өвчлөл гараагүй тул тус сумын Засаг даргын 2016.12.02-ны өдрийн А/174 дүгээр захирамжаар тус тус цуцалсан.
3. Объектын гал түймэр
Нийслэлийн Сонгинохайрхан дүүргийн 26 дугаар хороо, Алтан-Овоогийн 16 дугаар гудамжийн 11 тоот байшин шатаж байна гэсэн дуудлагыг 2016.12.06-ны өдрийн 08:21 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 албан хаагч;
Нийслэлийн Сонгинохайрхан дүүргийн 7 дугаар хороо, Монлаагийн 2 дугаар гудамжийн 12 тоотод байшин шатаж байна гэсэн дуудлагыг 2016.12.06-ны өдрийн 22:12 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 7 албан хаагч;
Нийслэлийн Баянзүрх дүүргийн 27 дугаар хороо, дунд Дарь-Эхийн 36 дугаар гудамжийн 1074 тоотод байшин шатаж байна гэсэн дуудлагыг 2016.12.06-ны өдрийн 22:13 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 албан хаагч тус тус ажиллаж унтраасан.