Өнөөдөр: Баруун аймгуудын нутгаар үүлшинэ. Баруун аймгуудын нутгийн зарим газар, Хөвсгөлийн уулсаар бага зэргийн цас орно. Бусад нутгаар багавтар үүлтэй. Цас орохгүй. Салхи зүүн аймгуудын нутгаар баруун хойноос, бусад нутгаар баруун өмнөөс 5-10 м/с, Алтайн уулс болон Арц-Богдын өвөр хоолойгоор 12-14 м/с хүрч ширүүснэ. Дархадын хотгороор 18-23 градус, Увс нуур болон Идэр, Тэс голын хөндий, Хүрэн бэлчир орчмоор 12-17 градус, Хангай, Хөвсгөл, Хэнтэйн уулархаг нутаг, Орхон, Сэлэнгэ, Эгь, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 9-14 градус, говийн бүс нутгийн өмнөд хэсгээр 3 градус дулаанаас 2 градус хүйтэн, бусад нутгаар 3-8 градус хүйтэн байна.
Улаанбаатар хотод: Үүлшинэ, цас орохгүй, салхи баруун өмнөөс 6-11 м/с, 10-12 градус хүйтэн байна.
Төлөв байдал: 11-нд төвийн аймгуудын ихэнх нутаг, говийн аймгуудын зарим газраар, зүүн аймгуудын өмнөд хэсгээр, 12-нд баруун аймгуудын нутгийн өмнөд хэсгээр, зүүн аймгуудын зарим газраар, 13-нд говийн аймгуудын өмнөд хэсгээр цас орж, зөөлөн цасан шуурга шуурна. Салхи 11,12-нд говь талын нутгаар 14-16 м/с хүрч ширүүснэ. Хүйтэрч Дархадын хотгороор шөнөдөө 33-38 градус, өдөртөө 21-26 градус, Увс нуурын хотгор болон Идэр, Тэс, Орхон-Сэлэнгэ, Эгь, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 30-35 градус, өдөртөө 15-20 градус, говийн бүс нутгийн өмнөд хэсгээр шөнөдөө 11-16 градус, өдөртөө 3-8 градус, бусад нутгаар шөнөдөө 21-26 градус, өдөртөө 9-14 градус хүйтэн байна.
2. Эрэн хайх, аврах ажиллагаа
Сураггүй болсон: Сэлэнгэ аймгийн Хүдэр сумын Баянцагаан багийн “Баруун моностой” гэдэг газар самар түүж байсан иргэн Г /38 настай, эрэгтэй/ 2016.11.28-ны өдрөөс хойш сураггүй болсон тухай дуудлагыг 2016.12.02-ны өдрийн 11:00 цагт хүлээн авч тус аймгийн Онцгой байдлын газрын 6 албан хаагч, 1 автомашин, орон нутгийн 5 иргэн, ар гэрийн 2 иргэн, нийт 13 хүн, 1 техник хэрэгсэлтэйгээр эрэн хайх ажиллагааг Сэлэнгэ аймгийн Хүдэр сумын Баянцагаан багийн “Тогоот” уулын орчимд зохион байгуулж 2016.12.09-ний өдөр явганаар 11 км эрэн хайх ажиллагааг зохион байгуулсан. Эрэн хайх ажиллагаа үргэлжилж байна.
3. Объектын гал түймэр
Сонгинохайрхан дүүргийн 7 дугаар хорооны “Монлаа”-гийн 14 дүгээр гудамжийн 5 тоотод иргэн Б-н гэр шатаж байна гэсэн дуудлагыг 2016.12.09-ний өдрийн 20:50 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 7 албан хаагч;
Сүхбаатар дүүргийн 20 дугаар хорооны “Сэлх”-ийн зусланд иргэн Б-н байшин шатаж байна гэсэн дуудлагыг 2016.12.10-ны өдрийн 01:48 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 9 албан хаагч;
Налайх дүүргийн 3 дугаар хорооны “Наран”-гийн 3 дугаар гудамжийн 449 тоотод эзэнгүй байшин шатаж байна гэсэн дуудлагыг 2016.12.10-ны өдрийн 01:49 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 7 албан хаагч;
Булган аймгийн Сэлэнгэ сумын Ингэт багийн “Цагаан хустын давааны” цаана иргэн А-н өвөлжөө, хураасан өвсний хамт шатаж байна гэсэн дуудлагыг 2016.12.09-ний өдрийн 16:11 цагт хүлээн авч тус аймгийн Онцгой байдлын газрын 7 албан хаагч, 1 автомашинтай, орон нутгийн 16 иргэн тус тус ажиллаж унтраасан.