Өнөөдөр: Нутгийн баруун хагаст үүлшинэ. Бусад нутгаар багавтар үүлтэй. Нийт нутгаар цас орохгүй. Салхи нутгийн баруун хэсгээр баруунаас, бусад нутгаар баруун хойноос 6-11 м/с. Дархадын хотгороор 23-28 градус, Увс нуурын хотгор болон Идэр, Тэс голын хөндийгөөр 18-23 градус, Хангай, Хөвсгөл, Хэнтийн уулархаг нутаг, Орхон-Сэлэнгэ, Эгь, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр 15-20 градус, говийн бүс нутгийн өмнөд хэсгээр 0-5 градус, бусад нутгаар 9-14 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруун хойноос 5-10 м/с. 12-14 градус хүйтэн байна.
Төлөв байдал: 17-нд баруун аймгуудын нутгийн баруун хэсгээр бага зэргийн цас орно. Салхи ихэнх хугацаанд 5-10 м/с. 15-нд зүүн аймгуудын нутгаар, 17-нд Алтайн салбар уулсаар 12-14 м/с хүрч ширүүснэ. 14-нд нутгийн зүүн хагаст хүйтэн байх боловч 15-наас хүйтний эрч суларч Дархадын хотгороор шөнөдөө 30-35 градус, өдөртөө 20-25 градус, Увс нуурын хотгор болон Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 24-29 градус, өдөртөө 12-17 градус, говийн бүс нутгийн өмнөд хэсгээр шөнөдөө 7-12 градус хүйтэн, өдөртөө 1 градус хүйтнээс 4 градус дулаан, бусад нутгаар шөнөдөө 15-20 градус, өдөртөө 3-8 градус хүйтэн байна.
2. Эрэн хайх, аврах ажиллагаа
Сураггүй болсон: Сэлэнгэ аймгийн Хүдэр сумын Баянцагаан багийн “Баруун моностой” гэдэг газар /сумаас зүүн хойд зүгт 50 км-т/ самар түүж байсан Сэлэнгэ аймгийн Сүхбаатар сумын Салхит багийн 3 дугаар гудамжийн 119 тоотод оршин суугч иргэн Г /32 настай, эрэгтэй/ 2016.11.28-ны өдрөөс хойш сураггүй болсон тухай дуудлагыг 2016.12.02-ны өдрийн 11:00 цагт хүлээн авч тус аймгийн Онцгой байдлын газрын 6 албан хаагч, 1 автомашин, орон нутгийн 1 иргэн, ар гэрийн 2 иргэн, нийт 9 хүн, 1 техник хэрэгсэлтэйгээр эрэн хайх ажиллагааг Сэлэнгэ аймгийн Хүдэр сумын Баянцагаан багийн “Тогоот” уулын орчимд зохион байгуулж, 2016.12.12-ны өдрийн 12:30 цагт ар гэрийн хүсэлтээр зогсоосон.
Булган аймгийн Бүрэгхангай сумын Дэрст багийн “Овоот” гэдэг газар /сумын төвөөс зүүн зүгт 50 км-т/ иргэн Б /45 настай, эрэгтэй/ 2016.12.09-ний өдрөөс хойш сураггүй болсон тухай дуудлагыг 2016.12.13-ны өдрийн 01:04 цагт хүлээн авч тус аймгийн Онцгой байдлын газрын Эрэн хайх, аврах салбарын 5 албан хаагч, 1 автомашин, орон нутгийн 6 иргэн, 1 автомашин, ар гэрийн 5 иргэн, 1 автомашин нийт 16 хүн, 3 техник хэрэгсэлтэйгээр эрэн хайх ажиллагааг Булган аймгийн Бүрэгхангай сумын Дэрст багийн “Сов” гэдэг газар зохион байгуулж байна.
Газрын хэвлийд эрэн хайх: Нийслэлийн Налайх дүүргийн 3 дугаар хороо, “Баялагийн хонхор” гэдэг газар иргэн А-н бичил уурхайд /налуу амны 60 метрын гүнд/ нуралт үүсч 1 хүн нурангид дарагдсан тухай дуудлагыг 2016.12.13-ны өдрийн 01:48 цагт хүлээн авч Уул уурхайн аврах ангийн 7 албан хаагч, 2 техник хэрэгсэлтэйгээр ажиллаж, 2016.12.13-ны өдрийн 02:45 цагт иргэн А /39 настай, эрэгтэй/ аварч, эмнэлгийн байгууллагад хүлээлгэн өгсөн.
Ус, цас, шаварт саатсан: Увс аймгийн Түргэн сумын Баянхайрхан багийн “Баруун салааны адаг” гэдэг газар /сумын төвөөс баруун хойд зүгт 100 км-т/ иргэн З-н “УАЗ Патриот” загварын 3 зорчигчтой автомашин цасанд суусан тухай дуудлагыг 2016.12.12-ны өдрийн 20:30 цагт хүлээн авч тус аймгийн Онцгой байдлын газрын Эрэн хайх, аврах салбарын 5 албан хаагч, 1 автомашинтайгаар ажиллаж 2016.12.12-ны өдрийн 15:30 цагт иргэн З /28 настай, эрэгтэй/, Б /27 настай, эрэгтэй/, Б /60 настай, эрэгтэй/ нарыг аварч, автомашиныг цаснаас татан гаргаж аюулгүй болгосон.
Аврах ажиллагаа: Баянгол дүүргийн 18 дугаар хороо, 86 дугаар байрны баруун талд дулааны шугамын худагт цогцос байна гаргаж өгнө үү гэсэн дуудлагыг тус дүүргийн цагдаагийн хэлтсийн ахлах жижүүр дэд хурандаа Э өгснийг 2016.12.12-ны өдрийн 11:42 цагт хүлээн авч Нийслэлийн аврах ангийн 6 албан хаагч, 1 автомашинтайгаар ажиллаж, овог нэр, гэрийн хаяг тодорхойгүй, 40 орчим настай эрэгтэй нас барсан байсныг гаргаж, цагдаагийн байгууллагад хүлээлгэн өгсөн.
3.Мал, амьтны гоц халдварт болон халдварт өвчин
Хөвсгөл аймгийн Их-Уул сумын Шивээ багийн “Баруун-Эх” гэдэг газар /сумын төвөөс баруун урд зүгт 25км-т/ иргэн Г.Түмэрбаярын нохой 2016.12.09-ний өдөр халдварт өвчний шинж тэмдэгтэй өвчилсөн тул дээж авч аймгийн МЭАЦЛ-д шинжлүүлэхэд 2016.12.12-ны өдрийн 150/01 тоот хариугаар “Галзуу” өвчин болох нь;
Дундговь аймгийн Баянжаргалан сумын Энгэр-Ус багийн “Хормой” гэдэг газар малчин Б.Баасангийн 51 хонинд 2016.12.08-ны өдөр малын гоц халдварт “Цэцэг” өвчний шинж тэмдэг илэрч, тус сумын малын эмч Ц.Даариймаагийн клиник үзлэгээр “Хонины цэцэг” өвчин нь болох нь тус тус тогтоогдсон.
4. Объектын гал түймэр
Нийслэлийн Хан-Уул дүүргийн 15 дугаар хороо, “Гэгээнтэн” хотхоны 1 дүгээр давхарт цайны газар шатаж байна гэсэн дуудлагыг 2016.12.12-ны өдрийн 11:48 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 8 албан хаагч;
Нийслэлийн Баянзүрх дүүргийн 5 дугаар хороо, Өлгийн 23 дугаар гудамжийн 285/А тоотод иргэн Э-н байшин шатаж байна гэсэн дуудлагыг 2016.12.12-ны өдрийн 14:49 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 албан хаагч;