Өнөөдөр: Зүүн болон говийн аймгуудын нутгаар солигдмол үүлтэй, бусад нутгаар багавтар үүлтэй. Цас орохгүй. Салхи баруун аймгуудын нутгаар баруун өмнөөс, бусад нутгаар баруун хойноос 5-10 м/с. Дархадын хотгороор 20-25 градус, Увс нуурын хотгор болон Идэр, Тэс голын хөндий, Хүрэн бэлчир орчмоор 14-19 градус, Хангай, Хөвсгөл, Хэнтийн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын хөндийгөөр 8-13 градус, Хэрлэн, Онон, Улз, Халх голын хөндийгөөр 11-16 градус хүйтэн, говийн бүс нутгийн өмнөд хэсгээр 0-5 градус дулаан, бусад нутгаар 0-5 градус хүйтэн байна.
Улаанбаатар хотод: Багавтар үүлтэй. Цас орохгүй. Салхи баруун хойноос 5-10 м/с. 8-10 градус хүйтэн байна.
Төлөв байдал: 19-нд баруун аймгуудын нутгийн зарим газар, төв, зүүн аймгуудын нутгийн хойд хэсгээр, 20-нд баруун болон төвийн аймгуудын зарим газраар цас орж, цасан шуурга шуурна. Бусад хугацаанд цас орохгүй. Салхи 18-нд Алтайн салбар уулсаар, 19, 20-нд зарим газраар 12-14 м/с хүрч ширүүснэ. Дархадын хотгороор шөнөдөө 26-31 градус, өдөртөө 18-23 градус, Увс нуурын хотгор, Хүрэн бэлчир орчим болон Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 21-26 градус, өдөртөө 8-13 градус, говийн бүс нутгийн өмнөд хэсгээр шөнөдөө 6-11 градус хүйтэн, өдөртөө 1-6 градус дулаан, бусад нутгаар шөнөдөө 13-18 градус, өдөртөө 0-5 градус хүйтэн байна. 20-нд нутгийн хойд хэсгээр хүйтэрнэ.
2. Эрэн хайх, аврах ажиллагаа
Сураггүй болсон: Булган аймгийн Бүрэгхангай сумын Дэрст багийн “Овоот” гэдэг газар /сумын төвөөс зүүн зүгт 50 км-т/ иргэн Б /45 настай, эрэгтэй/ 2016.12.09-ний өдрөөс хойш сураггүй болсон тухай дуудлагыг 2016.12.13-ны өдрийн 01:04 цагт хүлээн авч тус аймгийн Онцгой байдлын газрын Эрэн хайх, аврах салбарын 5 албан хаагч, 1 автомашин, орон нутгийн 5 иргэн, 1 автомашин, ар гэрийн 5 иргэн, 1 автомашин нийт 15 хүн, 3 техник хэрэгсэлтэйгээр 2016.12.15-ны өдрийн байдлаар Овоот багийн хойд, урд уул, уурхайн кариаруудаар нийт 22 км газар явганаар эрэн хайх ажиллагааг зохион байгуулсан.
3. Мал, амьтны гоц халдварт болон халдварт өвчин:
Хөвсгөл аймгийн Их-уул сумын Шивээ багийн “Хөх хошуу” гэдэг газар малчин Э-н 1 үхэр 2016.11.29-ний өдөр халдварт өвчний шинж тэмдэг илэрч, өвчилсөн тул дээж авч аймгийн МЭАЦЛ-д шинжлэхэд 2016.12.01-ний өдрийн 149 дүгээр хариугаар “Галзуу” өвчин болох нь тогтоогдсон. Тус сумын Засаг даргын 2016.12.01-ний өдрийн А/137 дугаар захирамжаар хязгаарлалтын дэглэм тогтоосон хугацаанд дахин өвчлөл гараагүй тул сумын Засаг даргын 2016.12.15-ны өдрийн А/144 дүгээр захирамжаар цуцалсан.
4. Объектын гал түймэр
Нийслэлийн Баянзүрх дүүргийн 17 дугаар хороо, Эмнэлгийн 18 дугаар гудамжийн 599 тоотод иргэн Э-н байшин шатаж байна гэсэн дуудлагыг 2016.12.15-ны өдрийн 13:17 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 албан хаагч;
Дархан-Уул аймгийн Шарын гол сумын Дархан багийн Уурхайчдын 7 дугаар гудамжийн 1 тоотод иргэн М-н граж шатаж байна гэсэн дуудлагыг 2016.12.15-ны өдрийн 13:30 цагт хүлээн авч тус аймгийн Онцгой байдлын газрын Гал түймэр унтраах, аврах 55 дугаар ангийн 8 албан хаагч,
Дархан-Уул аймгийн Хонгор сумын 3 дугаар баг Салхит өртөөний Шивээтийн 18 дугаар гудамжийн 102 тоотод иргэн Д-н 2 давхар байшин шатаж байна гэсэн дуудлагыг 2016.12.15-ны өдрийн 18:49 цагт хүлээн авч тус аймгийн Онцгой байдлын газрын Гал түймэр унтраах, аврах 22 дугаар ангийн 8 албан хаагч, Салхит өртөөний Улаанбаатар төмөр замын гал унтраах хэсгийн 9 албан хаагч нийт 17 албан хаагч тус тус ажиллаж унтраасан.