Улаанбаатар хотод: Багавтар үүлтэй. Цас орохгүй. Салхи баруунаас 5-10 м/с. Шөнөдөө Яармаг-Сонгино орчмоор 31-33 градус, бусад хэсгээр 26-28 градус, өдөртөө 13-15 градус хүйтэн байна.
Төлөв байдал: 24-нд баруун аймгуудын нутгийн баруун хэсгээр, 25-нд баруун болон төвийн аймгуудын нутгаар, 26-нд төвийн аймгуудын зүүн хэсэг, говь болон зүүн аймгуудын нутгийн зарим газраар цас орж, цасан шуурга шуурна. Салхи 24-нд баруун зүгийн нутгаар, 25-нд ихэнх нутгаар, 26-нд говь талын нутгаар 14-16 м/с, 28-нд зарим газраар 12-14 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс, Ерөө голын хөндийгөөр шөнөдөө 30-35 градус, өдөртөө 19-24 градус, Хангай, Хөвсгөлийн уулархаг нутаг, Хүрэн бэлчир, Орхон-Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 25-30 градус, өдөртөө 13-18 градус, Их нууруудын хотгор, Монгол Алтайн нурууны өвөр хэсэг, Хэнтэйн уулархаг нутгаар шөнөдөө 20-25 градус, өдөртөө 10-15 градус, говийн бүс нутгийн өмнөд хэсгээр шөнөдөө 10-15 градус, өдөртөө 0-5 градус, бусад нутгаар шөнөдөө 13-18 градус, өдөртөө 3-8 градус хүйтэн байна. 25-нд нутгийн хойд хэсгээр, 26-нд ихэнх нутгаар хүйтэрнэ.
2. Эрэн хайх, аврах ажиллагаа
Сураггүй болсон: Булган аймгийн Хишиг-Өндөр сумын 4 дүгээр багийн “Нарангийн гол” гэдэг газраас /сумын төвөөс хойд зүгт 30 км-т/ иргэн А /46 настай, эмэгтэй/ 2017.01.21-ний өдрийн 16:20 цагт жолооч Б, нөхөр Б-н хамт Пажеро загварын автомашинтай айлд очих гэж яваад машин нь эвдэрсэн тул гэр лүүгээ хэл өгөх, машин олж ирэхээр яваад сураггүй болсон тухай дуудлагыг 2017.01.22-ны өдрийн 01:50 цагт аймгийн Онцгой байдлын газрын 4 албан хаагч, Цагдаагийн газраас 2 албан хаагч, ар гэрийн 3 хүн, орон нутгаас 5 хүн нийт 14 хүн, 3 автомашинтайгаар эрэн хайх ажиллагааг зохион байгуулж, 2017.01.22-ны өдрийн 10:05 цагт тус сумын Жаргалант багийн “Нарангийн цагаан чулуут” гэдэг газраас иргэн А-г /46 настай, эмэгтэй/ эсэн мэнд олж, ар гэрийнхэнд нь хүлээлгэн өгсөн.
Нийслэлийн Налайх дүүргийн 1 дүгээр хороо, “Баянзүрхийн их ам” гэдэг газар Туул голд автомашин мөсөнд цөмөрсөн тухай дуудлагыг 2017.01.22-ны өдрийн 17:10 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 6 албан хаагч ажиллаж, иргэн Г-н “Приус-11” загварын автомашин голын мөс цөмөрч суусан байсныг татан гаргаж аюулгүй болгосон.
Сэлэнгэ аймгийн Шаамар сумын Бор гүвээ багийн “Ээж мод” гэдэг газар /сумын төвөөс зүүн урд зүгт 14 км-т/ иргэн О-н “Ниссан Террано” загварын автомашин цасанд суусан тухай дуудлагыг 2017.01.22-ны өдрийн 19:35 цагт хүлээн авч тус аймгийн Онцгой байдлын газрын Эрэн хайх, аврах ангийн 5 албан хаагч ажиллаж, иргэн О /38 настай, эрэгтэй/, Б /31 настай, эмэгтэй/, Б /10 настай, эрэгтэй/ нарыг аварч, автомашиныг цаснаас татан гаргаж аюулгүй болгосон.
Аврах ажиллагаа: Архангай аймгийн Цэнхэр сумын Орхон багийн нутаг “Будант тээл” гэдэг газар нутгийн иргэд гар аргаар олборолт хийж нүх ухаж байгаад ухсан нүхний ханаар хиймэл нуурны ус задарч нүхийг усаар дүүргэсэн дотор нь байсан 2 иргэн гарч ирээгүй тухай дуудлагыг 2017.01.13-ны өдрийн 14:58 цагт хүлээн авч тус аймгийн Онцгой байдлын газрын 23 албан хаагч, 3 автомашин, Аврах тусгай ангийн 2 албан хаагч, Цагдаа, Шүүхийн шинжилгээний албаны 3 албан хаагч, ар гэр болон орон нутгаас 40 иргэн, нийт 68 хүн, 10 техник хэрэгсэлтэйгээр Архангай аймгийн Цэнхэр сумын Орхон багийн харъяат иргэн Э /26 настай, эрэгтэй/, Т /28 настай, эрэгтэй/ нарын цогцсыг гаргахаар ажиллаж цооног дахь усыг соруулж дууссан, цооногт цогцос байхгүй дүгнэлтэнд хүрч 2017.01.22-ны өдрийн байдлаар хиймэл нуурын мөсийг цоолж эрэн хайх, аврах ажиллагааг зохион байгуулсан боловч цогцосыг олоогүй тул, хохирогч тус бүрийн ар гэрийнхэний хүсэлтээр эрэн, хайх аврах ажиллагааг 2017.01.22-ны 16:30 цагт түр зогсоосон.
3. Объектын гал түймэр:
Нийслэлийн Хан-Уул дүүргийн 9 дүгээр хороо, “Буянт ухаа-2” хорооллын автобусны буудалд иргэн Б-н ТҮЦ шатаж байна гэсэн дуудлагыг 2017.01.22-ны өдрийн 09:33 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн 6 албан хаагч;
Сонгинохайрхан дүүргийн 6 дугаар хороо, Тоосгоны 8 дугаар гудамжийн 7 тоотод иргэн Д-н байшин шатаж байна гэсэн дуудлагыг 2017.01.23-ны өдрийн 00:27 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 6 албан хаагч;
Увс аймгийн Улаангом сумын 10 дугаар багийн “Тээврийн хороо”-ны 9 дүгээр гудамжийн 18 тоотод иргэн А-н “Портер” загварын автомашин шатаж байна гэсэн дуудлагыг 2017.01.22-ны өдрийн 11:37 цагт хүлээн авч тус аймгийн Онцгой байдлын газрын Гал түймэр унтраах, аврах 41 дүгээр ангийн 5 албан хаагч тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР