Улаанбаатар хотод үүлшинэ. Цас орохгүй. Салхи зүүн өмнөөс 5-10 м/с. 8-10 градус хүйтэн байна.
Төлөв байдал: 6-нд ихэнх нутгаар, 7-нд нутгийн зүүн хагаст, 8-нд зүүн аймгуудын нутгийн зүүн хэсгээр цас орж, цасан шуурга шуурна. Салхи 6-7-нд нутгийн өмнөд хэсгээр 14-16 м/с хүрч ширүүснэ. 6-нд нутгийн хойд хэсгээр, цаашдаа ихэнх нутгаар хүйтэрч Увс нуур болон Дархадын хотгор, Завхан голын эх, Идэр, Тэс, Ерөө голын хөндийгөөр шөнөдөө 37-42 градус, өдөртөө 25-30 градус, Хөвсгөлийн уулархаг нутаг, Орхон-Сэлэнгэ, Хараа, Туул, Тэрэлж, Хэрлэн, Онон, Улз, Халх голын хөндий, Хүрэн бэлчир орчмоор шөнөдөө 30-35 градус, өдөртөө 15-20 градус, Их нууруудын хотгор, Монгол Алтайн нурууны өвөр хэсэг, Хангай, Хэнтийн уулархаг нутгаар шөнөдөө 23-28 градус, өдөртөө 12-17 градус, говийн бүс нутгийн баруун хэсгээр шөнөдөө 15-20 градус, өдөртөө 6-11 градус, бусад нутгаар шөнөдөө 19-24 градус, өдөртөө 9-14 градус хүйтэн байна.
2.Эрэн хайх, аврах ажмллагаа
Цас, шаварт саатсан: Сэлэнгэ аймгийн Алтанбулаг сумын Цөх багийн “Номт” гэдэг газар /аймгийн төвөөс 10 км-т/ иргэн Л улсын дугаартай ”Соната” загварын автомашин 6 зорчигчтой цасанд суусан тухай дуудлагыг 2017.02.04-ний өдрийн 15:35 цагт хүлээн авч. Тус аймгийн Онцгой байдлын газрын 6 албан хаагч, 1 автомашинтай ажиллаж, иргэн Л /45 настай, эрэгтэй/, О /40 настай, эмэгтэй/, У /20 настай, эрэгтэй/, Г /14 настай, эмэгтэй/, С /20 настай, эмэгтэй/, Х /2 настай,эрэгтэй/ нарыг аварч автомашиныг цаснаас татан гаргасан.
3. Мал, амьтны гоц халдварт болон халдварт өвчин:
Сүхбаатар аймгийн Асгат сумын Өлзийт багийн “Өтгөтийн хөндий” гэдэг газар нутаглаж буй малчин Б, Э, С, Б нарын малд өвчний шинж тэмдэг илэрч, өвчилсөн малаас дээж авч УМЭАЦТЛ-д шинжлүүлэхэд 2017.02.03-ны өдрийн 17-348 дугаар хариугаар “Шүлхий” өвчин болох нь батлагдаж. Тус сумын Засаг даргын 2017.02.03-ны өдрийн А/14 дүгээр захирамжаар хорио цээрийн дэглэм тогтоосон. Мөн аймгийн Засаг даргын 2017.02.03-ны өдрийн захирамжаар өндөржүүлсэн бэлэн байдлын зэрэгт шилжүүлсэн.
4.Объектын гал түймэр
Нийслэлийн Сүхбаатар дүүргийн 20 дугаар хороо, Сэлхийн 4 дүгээр гудамжийн 46 тоотод иргэн М байшин шатаж байна гэсэн дуудлагыг 2017.02.04-ний өдрийн 18:17 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 албан хаагч, 2 автомашинтай;
Баянзүрх дүүргийн 22 дугаар хороо, “Асайт” худалдааны төвийн дэргэд иргэн Ц улсын дугаартай ”Мазда” загварын автомашин шатаж байна гэсэн дуудлагыг 2017.02.04-ний өдрийн 23:06 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 7 албан хаагч, 2 автомашинтай;
Сэлэнгэ аймгийн Мандал сумын Баянхангайн багийн 209 тоотод иргэн Э улсын дугаартай, “Портер” загварын автомашин шатаж байна гэсэн дуудлагыг 2017.02.04-ны өдрийн 10:56 цагт /11:30 цагт/ тус тус хүлээн авсан.аймгийн Онцгой байдлын газрын Мандал суман дахь Гал түймэр унтраах, аврах 19 дүгээр ангийн 6 албан хаагч, 1 автомашинтай тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР