Улаанбаатар хотод багавтар үүлтэй. Цас орохгүй. Салхи баруун өмнөөс 5-10 м/с. 4-6 градус хүйтэн байна.
Төлөв байдал: 13-нд баруун болон төвийн аймгуудын нутгийн хойд хэсгээр, 14-16-нд нутгийн зарим газраар бага зэргийн цас орно. Салхи 13,16-нд Алтайн салбар уулс болон Арц богдын өвөр хоолойгоор, 14-15-нд ихэнх нутгаар 14-16 м/с хүртэл ширүүсч шороон болон цасан шуурга шуурна. Увс нуур болон Дархадын хотгор, Идэр, Тэс, Ерөө голын хөндий, Хүрэн бэлчир орчмоор шөнөдөө 31-36 градус, өдөртөө 20-25 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 23-28 градус, өдөртөө 9-14 градус, Монгол Алтайн нурууны өвөр хэсэг, Хангай, Хэнтийн уулархаг нутгаар шөнөдөө 17-22 градус, өдөртөө 3-8 градус, говийн бүс нутгийн өмнөд хэсгээр шөнөдөө 8-13 градус хүйтэн, өдөртөө 1-6 градус дулаан, бусад нутгаар шөнөдөө 12-17 градус хүйтэн, өдөртөө 1 градус дулаанаас 4 градус хүйтэн байна. Хугацааны эцсээр ихэнх нутгаар хүйтэрнэ.
2. Эрэн хайх, аврах ажиллагааны талаар:
Сураггүй болсон: Сэлэнгэ аймгийн Шаамар сумын Дулаанхаан багийн Дулаанхаан уулын урд энгэр гэдэг газар /сумын төвөөс 2 км-т / Улаанбаатар хотын харьяат иргэн Г /30 настай, эмэгтэй/ 2017.02.10-ны өдрийн 15:00 цагийн үед Уул руу зураг авна гэж яваад одоог болтол ирээгүй байна гэсэн дуудлагыг 2017.02.11-ний өдрийн 00:00 цагт хүлээн авч тус аймгийн Онцгой байдлын газрын 7 албан хаагч, 1 техник хэрэгсэлтэйгээр ажиллаж, тус сумын Дулаанхаан багийн Дулаанхаан уулын Урд энгэр гэдэг газраас осгож нас барсан байдалтай байсныг олж, цогцсыг цагдаагийн байгууллагад хүлээлгэн өгсөн.
3.Объектын гал түймрийн талаар:
Нийслэлийн Сүхбаатар дүүргийн 15 дугаар хороо, Дамбадаржаагийн 20 дугаар гудамжийн 24 тоотод Э-ийн байшин шатаж байна гэсэн дуудлагыг 2017.02.11-ний өдрийн 20:33 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай;
Чингэлтэй дүүргийн 16 дугаар хороо, Согоотын 69 дүгээр гудамжийн 931 тоотод иргэн Ө-ийн байшин шатаж байна гэсэн дуудлагыг 2017.02.11-ний өдрийн 14:28 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 албан хаагч, 2 автомашинтай;
Орхон аймгийн Баян-Өндөр сумын Яргуйт багийн Овоот хэсгийн 13 дугаар гудамжийн 31 тоотод амбаар шатаж байна гэсэн дуудлагыг 2017.02.11-ний өдрийн 11:20 цагт хүлээн авч тус аймгийн Онцгой байдлын газрын Гал түймэр унтраах, аврах 81 дүгээр ангийн 6 албан хаагч 1 автомашинтай;
Сэлэнгэ аймгийн Сүхбаатар сумын Суврага багийн 8 дугаар гудамжийн 2 тоотод иргэн Ү-ийн байшин шатаж байна гэсэн дуудлагыг 2017.02.11-ний өдрийн 15:13 цагт хүлээн авч тус аймгийн Онцгой байдлын газрын Гал түймэр унтраах, аврах 36 дугаар ангийн 7 албан хаагч, 2 автомашинтай;
Орхон аймгийн Баян-Өндөр сумын Цагаанчулуут багийн 47 дугаар гудамжийн 11 тоотод иргэн Б-ийн амбаар шатаж байна гэсэн дуудлагыг 2017.02.11-ний өдрийн 20:27 цагт хүлээн авч тус аймгийн аймгийн Онцгой байдлын газрын Гал түймэр унтраах, аврах 81 дүгээр ангийн 6 албан хаагч 1 автомашинтай;
Өвөрхангай аймгийн Арвайхээр сумын Эмт багийн 2 дугаар гудамжийн 27-1 тоотод иргэн С-ийн гэр шатаж байна гэсэн дуудлагыг 2017.02.12-ны өдрийн 01:47 цагт хүлээн авч тус аймгийн Онцгой байдлын газрын Гал түймэр унтраах, аврах 12 дугаар ангийн 5 албан хаагч, 1 автомашинтай тус тус ажиллаж унтраасан.
4.Техникийн холбогдолтой ослын талаар:
Дархан-Уул аймгийн Хонгор сумын 2 дугаар багийн “Хустайн даваа” гэдэг газар “Старекс” загварын автомашин, “Хова” загварын ачааны автомашины араас мөргөсөний улмаас автомашины төмөр хийцэд хүн хавчуулагдсан тухай дуудлагыг 2017.02.11-ний өдрийн 06:12 цагт хүлээн авч тус аймгийн Онцгой байдлын газрын 4 албан хаагч, 1 автомашинтай ажиллаж автомашины төмөр хийцэд хавчуулагдан нас барсан иргэн З /35 настай, эмэгтэй/, иргэн С /50 настай, эмэгтэй/ нарыг Цагдаагийн байгууллагад, гэмтсэн иргэн Г /59 настай, эрэгтэй/, иргэн Б /1 нас 9 сартай, эрэгтэй/, иргэн Э /36 настай, эрэгтэй/, иргэн Т /57 настай, эмэгтэй/, иргэн Н /59 настай, эрэгтэй/ нарыг эмнэлгийн байгуулагад тус тус хүлээлгэн өгсөн.
Нийслэлийн Чингэлтэй дүүргийн 6 дугаар хороо, Баянбүрдийн тойргийн дэргэд “Тоёота приус-20” загварын автомашин, “Хюьндай Грес” загварын автомашинтай мөргөлдсөний улмаас автомашины төмөр хийцэд хүн хавчуулагдсан тухай дуудлагыг 2017.02.11-ний өдрийн 13:06 цагт хүлээн авч Нийслэлийн Аврах ангийн 7 албан хаагч, 2 автомашинтай ажиллаж, иргэн А /31 настай, эрэгтэй/, иргэн Г /40 настай, эрэгтэй/ нарыг хавчуулагдсан байсныг гаргаж, эмнэлгийн анхан шатны тусламж үзүүлэн ГССҮТөвд хүлээлгэн өгсөн.
ГАМШГИЙН ШУУРХАЙ УДИРДЛАГЫН ГАЗАР