Улаанбаатар хотод үүлшинэ. Цас орохгүй. Салхи баруун хойноос 6-11 м/с. Хүйтэрч 10-12 градус хүйтэн байна.
Төлөв байдал: 18-нд нутгийн хойд хэсгээр, 19-нд зарим газраар, 20-нд баруун аймгуудын нутгаар цас орно. Салхи 17-нд зарим газраар, 20-нд Алтайн салбар уулсаар секундэд 12-14 метр, 18,19-нд ихэнх нутгаар 14-16 м/с хүрч шороон болон цасан шуурга шуурна. 17-нд ихэнх нутгаар, 19-20-нд нутгийн зүүн хагаст хүйтэрч, Увс нуур болон Дархадын хотгор, Идэр, Тэс, Ерөө голын хөндий, Хүрэн бэлчир орчмоор шөнөдөө 33-38 градус, өдөртөө 22-27 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 28-33 градус, өдөртөө 15-20 градус, Монгол Алтайн нурууны өвөр хэсэг, Хангай, Хэнтийн уулархаг нутгаар шөнөдөө 23-28 градус, өдөртөө 11-16 градус, говийн бүс нутгийн өмнөд хэсгээр шөнөдөө 10-15 градус, өдөртөө 3-8 градус, бусад нутгаар шөнөдөө 19-24 градус, өдөртөө 8-13 градус хүйтэн байна. 18-нд ихэнх нутгаар, 19-20-нд нутгийн баруун хагаст хүйтний эрч суларна.
2. Эрэн хайх, аврах ажиллагааны талаар:
Увс аймгийн Улаангом сумын 1 дүгээр багийн “Чандмань” гэдэг газар 2017.02.12-ны өдөр хиймэл нуурын далан сэтэрсний улмаас улсын чанартай авто замын зорчих хэсэг хаагдах, тус багийн 500 гаруй айл өрх усанд автах нөхцөл байдал үүссэн тухай мэдээллийг 2017.02.14-ний өдрийн 17:00 цагт хүлээн авч тус аймгийн Онцгой байдлын газрын 34 албан хаагч, 3 автомашин, “АЗЗА” ХХК-ийн 8 албан хаагч, 1 автомашин, Хотын хөгжил цэцэрлэгжүүлэлтийн газрын 20 хүн, 3 автомашин нийт 62 хүн, 6 автомашинтай ажиллаж усны урсгал өөрчилж, суваг татах, татсан сувгийн дагуу далан босгох ажлыг хийж ажиллаж байна.
Цас, шаварт саатсан: Архангай аймгийн Ихтамир сумын Донгой багийн “Донгойн даваа” гэдэг газар иргэн Э-ийн “Норд Бенз” загварын чиргүүлтэй ачааны автомашин өгсүүр замд хүч алдан, автозамын зорчих хэсгийг хааж зогссон тул татан гаргаж өгнө үү гэсэн дуудлагыг 2017.02.15-ны өдрийн 07:30 цагт хүлээн авч тус аймгийн Онцгой байдлын газрын Эрэн хайх, аврах салбарын 9 албан хаагч, ажиллаж тээврийн хэрэгслийн хөдөлгөөнд саад учруулж байсан автомашиныг татан гаргаж, авто замын зорчих хэсгийг чөлөөлсөн.
Дорнод аймгийн Хэрлэн сумын 1 дүгээр багийн “Ногоон нуур” гэдэг газар иргэн З-ийн УБИ улсын дугаартай 4 зорчигчтой автомашин цасанд суусан тухай дуудлагыг 2017.02.15-ний өдрийн 19:30 цагт хүлээн авч тус аймгийн Онцгой байдлын газрын Эрэн хайх аврах ангийн 6 албан хаагч ажиллаж, иргэн З /46 настай, эрэгтэй/, С /26 настай, эмэгтэй/, БНСУ-ын иргэн Ж /56 настай, эрэгтэй/, Ю /45 настай,эмэгтэй/ нарыг аварч, автомашиныг цаснаас татан гаргаж аюулгүй болгосон.
3. Объектын гал түймрийн талаар:
Нийслэлийн Сүхбаатар дүүргийн 13 дугаар хорооны иргэн М-ийн байшин шатаж байна гэсэн дуудлагыг 2017.02.15-ны өдрийн 06:28 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 14 албан хаагч.
Согинохайрхан дүүргийн 3 дугаар хороо, Бага Нарангийн 1 дүгээр гудамжийн 2-2 тоотод иргэн Ж-гийн амбаар шатаж байна гэсэн дуудлагыг 2017.02.15-ны өдрийн 20:20 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 7 албан хаагч тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР