Улаанбаатар хотод багавтар үүлтэй, цас орохгүй, салхи баруун хойноос 5-10 м/с, 9-11 градус хүйтэн байна.
Төлөв байдал: 18-нд нутгийн хойд хэсгээр, 19-нд төв, говь, зүүн аймгуудын нутгийн зарим газраар, 20-нд баруун аймгуудын ихэнх нутаг, төвийн аймгуудын нутгийн баруун хэсгээр, 21-нд төв болон говийн аймгуудын ихэнх нутгаар цас орно. Салхи 18-нд ихэнх нутгаар, 19, 20-нд Алтайн салбар уулсаар 14-16 м/с, 21-нд говь, тал, хээрийн нутгаар 12-14 м/с хүрч цасан болон шороон шуурга шуурна. Хүйтний эрч суларч Увс нуур болон Дархадын хотгор, Идэр, Тэс голын хөндийгөөр шөнөдөө 32-37 градус, өдөртөө 13-18 градус, Хөвсгөлийн уулархаг нутаг, Орхон-Сэлэнгэ, Эг, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Хүрэн бэлчир орчмоор шөнөдөө 24-29 градус, өдөртөө 10-15 градус, Монгол Алтайн нурууны өвөр хэсэг, Хангай, Хэнтэйн уулархаг нутгаар шөнөдөө 18-23 градус, өдөртөө 7-12 градус, говийн бүс нутгийн өмнөд хэсгээр шөнөдөө 10-15 градус хүйтэн, өдөртөө 0-5 градус дулаан, бусад нутгаар шөнөдөө 14-19 градус, өдөртөө 4-9 градус хүйтэн байна. 19-нд нутгийн зүүн хагаст хүйтэн байна.
2. Эрэн хайх, аврах ажиллагааны талаар:
Аврах ажиллагаа: Увс аймгийн Улаангом сумын 1 дүгээр багийн “Чандмань” гэдэг газар 2017.02.12-ны өдөр хиймэл нуурын далан сэтэрсний улмаас улсын чанартай автозамын зорчих хэсэг хаагдах, тус багийн 500 гаруй айл өрх усанд автах нөхцөл байдал үүссэн тухай мэдээллийг 2017.02.14-ний өдрийн 17:00 цагт хүлээн авч тус аймгийн Онцгой байдлын газрын 42 албан хаагч, 5 автомашин, “АЗЗА” ХХК-ийн 10 албан хаагч, 5 автомашин, орон нутгийн 2 иргэн, 1 автомашинтай, нийт 54 хүн, 12 техник хэрэгсэлтэйгээр ажиллаж 105 тн шороо буулгаж, 15 метр сэтэрсэн даланг хаасан мөн 300 метр урт далан босгосон.
3. Мал, амьтны гоц халдварт болон халдварт өвчин
Хөвсгөл аймгийн Баянзүрх сумын Тоом багийн “Самгадын-Элст хошуу” гэдэг газар иргэн Б-н нохойруу 1 үнэг дайрч хазсан тул үнэгийг устгаж, дээж авч аймгийн МЭАЦЛ-д шинжлүүлэхэд 2017.02.01-ний өдрийн хариугаар “Галзуу” өвчин болох нь тогтоогдсоныг тус сумын Засаг даргын захирамжаар цуцалсан.
4.Объектын гал түймрийн талаар:
Нийслэлийн Налайх дүүргийн 1 дүгээр хорооны “Энгэр шанд”-ын 4 дүгээр гудамжийн 1 тоотод иргэн Б-н чингэлэг шатаж байна гэсэн дуудлагыг 2017.02.16-ны өдрийн 12:38 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 7 албан хаагч;
Сонгинохайрхан дүүргийн 4 дүгээр хорооны “Их наран”-гийн 17 дугаар гудамжийн 8 тоотод иргэн Б-н байшин шатаж байна гэсэн дуудлагыг 2017.02.16-ны өдрийн 19:15 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 7 албан хаагч;
Сонгинохайрхан дүүргийн 2 дугаар хорооны “Орбит”-ын 3 дугаар гудамжийн 55 тоотод иргэн Ц-н байшин шатаж байна гэсэн дуудлагыг 2017.02.16-ны өдрийн 23:03 цагт хүлээн авч тус дүүргийн Онцгой байдлын хэлтсийн Гал түймэр унтраах 26 дугаар ангийн 7 албан хаагч, 2 техник хэрэгсэлтэйгээр ажиллаж унтраасан. Уг гал түймэрт иргэн Ц /81 настай, эрэгтэй/, Б /80 настай, эмэгтэй/ нар бага зэрэг түлэгдсэн байсныг НЯТТ-д шилжүүлэн өгсөн.
Хан-Уул дүүргийн 9 дүгээр хорооны “Центр”-ийн 43 тоотод иргэн Б-н тавиулан, ачааны автомашин шатаж байна гэсэн дуудлагыг 2017.02.16-ны өдрийн 23:59 цагт хүлээн авч тус дүүргийн Онцгой байдлын хэлтсийн Гал түймэр унтраах 30 дугаар ангийн 7 албан хаагч;
Хэнтий аймгийн Хэрлэн сумын Сариг багийн “Тэмүүжин”-гийн 48 дугаар гудамжийн 8 тоотод иргэн Л-н байшин шатаж байна гэсэн дуудлагыг 2017.02.16-ны өдрийн 09:48 цагт хүлээн авч тус аймгийн Онцгой байдлын газрын Гал түймэр унтраах, аврах 32 дугаар ангийн 7 албан хаагч;
Сүхбаатар аймгийн Баруун-Урт сумын 5 дугаар багийн “Дэнж”-ийн 6 дугаар гудамжийн 603 тоотод иргэн С-н эзэмшлийн “Porter” загварын автомашин шатаж байна гэсэн дуудлагыг 2017.02.16-ний өдрийн 11:51 цагт хүлээн авч тус аймгийн Онцгой байдлын газрын Гал түймэр унтраах, аврах 15 дугаар ангийн 7 албан хаагч;
Дорноговь аймгийн Замын-Үүд сумын Борхой багийн “Амондо”-гийн 1 дүгээр гудамжийн 26 тоотод иргэн Б-н 4 ханатай гэр шатаж байна гэсэн дуудлагыг 2017.02.16-ны өдрийн 19:28 цагт хүлээн авч тус аймгийн Онцгой байдлын газрын Гал түймэр унтраах, аврах 17 дугаар ангийн 7 албан хаагч ажиллаж унтраасан. Уг гал түймэрт иргэн Н /39 настай, эрэгтэй/, Э /35 настай, эрэгтэй/ нар түлэгдсэн байсныг гаргаж тус сумын эмнэлэгт; Д /15 настай, эмэгтэй/ өртөж нас барсан тул цогцсыг Цагдаагийн хэсгийн төлөөлөгчид тус тус шилжүүлэн өгсөн.
5. Техникийн холбогдолтой ослын талаар:
Ахуйн осол: Баянзүрх дүүргийн 22 дугаар хорооны нутаг дэвсгэрт үйл ажиллагаа явуулдаг Монгол ардын намын байрны дэргэд дулааны шугамын худагт 1 хүн нас барсан цогцос байна гэсэн дуудлагыг 2017.01.16-ны өдрийн 14:49 цагт хүлээн авч Нийслэлийн Онцгой байдлын газрын Аврах ангийн 6 албан хаагч, 1 техник хэрэгсэлтэйгээр ажиллаж нэр, хаяг тодорхойгүй эрэгтэй хүний цогцсыг гаргаж дүүргийн Цагдаагийн 1 дүгээр хэлтсийн жижүүрийн бүрэлдэхүүнд;
Сүхбаатар дүүргийн 11 дүгээр хорооны нутаг дэвсгэрт үйл ажиллагаа явуулдаг тус дүүргийн Нэгдсэн эмнэлгийн хашаанд дулааны шугамын худагт 1 хүний цогцос байна гэсэн дуудлагыг 2017.02.16-ны өдрийн 20:40 цагт хүлээн авч Нийслэлийн Онцгой байдлын газрын Аврах ангийн 6 албан хаагч, 1 техник хэрэгсэлтэйгээр ажиллаж нэр, хаяг нь тодорхойгүй эрэгтэй хүний цогцсыг гаргаж тус дүүргийн Цагдаагийн 2 дугаар хэлтсийн жижүүрийн бүрэлдэхүүнд тус тус шиллжүүлэн өгсөн.
ГАМШГИЙН ШУУРХАЙ УДИРДЛАГЫН ГАЗАР