Улаанбаатар хотод: үүлшинэ. Цас орохгүй. Салхи баруун хойноос 5-11 м/с. Хүйтэрч 9-11 градус хүйтэн байна.
Төлөв байдал: 21-нд баруун аймгуудын нутгийн зүүн хэсэг, төв болон говь, зүүн аймгуудын нутгаар, 22, 24-нд зүүн аймгуудын нутгийн зүүн хэсгээр цас орно. Салхи 21-нд говь, талын нутгаар, 22, 24-нд нутгийн зүүн хэсгээр 12-14 м/с хүрч шороон болон цасан шуурга шуурна. Увс нуур болон Дархадын хотгор, Идэр, Тэс голын хөндийгөөр шөнөдөө 31-36 градус, өдөртөө 14-19 градус, Хөвсгөл, Хэнтийн уулархаг нутаг, Орхон-Сэлэнгэ, Эг, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Хүрэн бэлчир орчмоор шөнөдөө 25-30 градус, өдөртөө 11-16 градус, Монгол Алтайн нурууны өвөр хэсэг, Хангайн уулархаг нутгаар шөнөдөө 18-23 градус, өдөртөө 7-12 градус, говийн бүс нутгийн өмнөд хэсгээр шөнөдөө 8-13 градус хүйтэн, өдөртөө 2 градус дулаанаас 3 градус хүйтэн, бусад нутгаар шөнөдөө 15-20 градус, өдөртөө 4-9 градус хүйтэн байна.
2. Эрэн хайх, аврах ажиллагааны талаар:
Ус, цас, шаварт шаатсан: Завхан аймгийн Тэс сумын Нисэг багийн “Баруун хөндий” гэдэг газар /сумын төвөөс урд зүгт 5 км-т/ иргэн В-н “УАЗ 469” загварын 2 зорчигчтой автомашин цасанд суусан тухай дуудлагыг 2017.02.20-ны өдрийн 06:15 цагт хүлээн авч тус аймгийн Онцгой байдлын газрын Гал түймэр унтраах, аврах 57 дугаар ангийн 6 албан хаагч, 1 техник хэрэгсэлтэй ажиллаж иргэн Б /71 настай, эрэгтэй/, В /38 настай, эрэгтэй/ нарыг аварч, автомашиныг цаснаас татан гаргаж аюулгүй болгосон.
3.Объектын гал түймрийн талаар:
Нийслэлийн Сонгинохайрхан дүүргийн 22 дугаар хороо, Баруун турууны задгай тоотод байшин шатаж байна гэсэн дуудлагыг 2017.02.19-ний өдрийн 12:33 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 7 албан хаагч, 1 автомашинтай ажиллаж унтраасан. Уг гал түймэрт нэр, нас тодорхойгүй эрэгтэй хүн өртөж нас барсан байсныг дүүргийн цагдаагийн 3 дугаар хэлтсийн бүрэлдэхүүнд хүлээлгэн өгсөн.
Нийслэлийн Сонгинохайрхан дүүргийн 3 дугаар хороо, Баганарангийн 13 дугаар гудамжны 5 тоотод иргэн А-н гэр шатаж байна гэсэн дуудлагыг 2017.02.19-ний өдрийн 21:42 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 7 албан хаагч;
Хөвсгөл аймгийн Тариалан сумын Мандал багийн Шивэртийн 7 дугаар гудамжны 9 тоотод иргэн М-н “Ниссан Пулсар” загварын суудлын автомашин шатаж байна гэсэн дуудлагыг 2017.02.19-ний өдрийн 16:40 цагт хүлээн авч тус аймгийн Онцгой байдлын газрын Гал түймэр унтраах, аврах 46 дугаар ангийн 9 албан хаагч;
Сэлэнгэ аймгийн Мандал сумын Ширхэнцэг багийн 2 дугаар гудамжны 88 тоотод иргэн Б-н амбаар шатаж байна гэсэн дуудлагыг 2017.02.19-ний өдрийн 17:25 цагт хүлээн авч тус аймгийн Онцгой байдлын газрын Гал түймэр унтраах, аврах 19 дүгээр ангийн 7 албан хаагч;
Хөвсгөл аймгийн Мөрөн сумын Уст багийн 14 дүгээр гудамжны 7 тоотод иргэн М-н граш, “Хонда сивик” загварын суудлын автомашин шатаж байна гэсэн дуудлагыг 2017.02.19-ний өдрийн 21:53 цагт хүлээн авч аймгийн Онцгой байдлын газрын Гал түймэр унтраах, аврах 27 дугаар ангийн 7 албан хаагч;
Сүхбаатар аймгийн Эрдэнэцагаан сумын Цагаан овоо багт, тус сумын УЦУОШТөвийн уурын зуухны байшин шатаж байна гэсэн дуудлагыг 2017.02.20-ны өдрийн 03:47 цагт хүлээн авч тус аймгийн Онцгой байдлын газрын Гал түймэр унтраах, аврах 47 дугаар ангийн 7 албан хаагч, 2 автомашинтай тус тус ажиллаж унтраасан.
ГАМШГИЙН ШУУРХАЙ УДИРДЛАГЫН ГАЗАР