Аюулт үзэгдэл, ослын нөхцөл байдлын мэдээ

Өнгөрсөн хоногт: Нийт нутгаар цаг агаар тогтуун байлаа.

Өнөөдөр: Нутгийн зүүн хэсгээр солигдмол, бусад нутгаар багавтар үүлтэй. Цас орохгүй. Салхи баруун аймгуудын нутгаар баруун өмнөөс, бусад нутгаар баруун хойноос 6-11 м/с, зүүн зүгийн нутгаар явган шуурга шуурна. Увс нуур болон Дархадын хотгор, Хүрэн бэлчир, Идэр, Тэс, Ерөө голын хөндийгөөр 12-17 градус, Монгол Алтайн нурууны өвөр хэсэг болон Хангай, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр 5-10 градус, говийн бүс нутгаар 3 градус хүйтнээс 2 градус дулаан, бусад нутгаар 1-6 градус хүйтэн  байна.

Төлөв байдал:   23, 24-нд зүүн аймгуудын нутгийн зүүн хэсгээр бага зэргийн цас орж, салхи 7-12 м/с хүрч явган шуурга шуурна. Бусад хугацаанд цас орохгүй. Ихэнх хугацаанд Увс нуур болон Дархадын хотгор, Идэр, Тэс голын хөндийгөөр шөнөдөө 28-33 градус, өдөртөө 13-18 градус, Хангай, Хөвсгөл, Хэнтэйн уулархаг нутаг, Орхон-Сэлэнгэ, Эг, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Хүрэн бэлчир орчмоор шөнөдөө 20-25 градус, өдөртөө 6-11 градус, говийн бүс нутгийн өмнөд хэсгээр шөнөдөө 8-13 градус хүйтэн, өдөртөө 0-5 градус дулаан, бусад нутгаар шөнөдөө 14-19 градус, өдөртөө 1-6 градус хүйтэн байна.

Улаанбаатар хотод багавтар үүлтэй. Цас орохгүй. Салхи баруун хойноос 5-10 м/с. 5-7 градус хүйтэн байна.

2. Эрэн хайх, аврах ажиллагааны талаар:

Аврах ажиллагаа: Баян-Өлгий аймгийн Цэнгэл сумын Бор бургас багийн төв “Хэмээлэг” гэдэг газар Ховд гол /аймгийн төвөөс баруун зүгт 110 км-т/-д А /8 настай, эмэгтэй/ гол гатлах гэж байгаад мөс цөмөрч усанд живсэн тухай дуудлагыг 2017.02.22-ны өдрийн 19:08 цагт хүлээн авч тус аймгийн Онцгой байдлын газрын 8 албан хаагч, 1 автомашин, Цагдаагийн 6 албан хаагч, 1 автомашин, орон нутгийн 5 иргэн, 1 автомашин нийт 19 хүн, 3 техник хэрэгсэлтэйгээр ажиллаж байна.

Уурхайн осол: Нийслэлийн Налайх дүүргийн 3 дугаар хороо, 57 дугаар уклонд иргэн Б-н уурхайд ковшны трос тасарч хүн дайруулсан гэсэн дуудлагыг 2017.02.23-ны өдрийн 05:40 цагт хүлээн авч ОБЕГ-ын харьяа Уул уурхайн аврах ангийн 7 албан хаагч, 1 техник хэрэгсэлтэйгээр ажиллаж иргэн Э /38 настай, эрэгтэй/-ын баруун хөлний дунд чөмөг хугарсан байсныг гаргаж анхны тусламж үзүүлэн эмнэлэгийн байгууллагад хүлээлгэн өгсөн.

 3.Газар хөдлөлтийн талаар:

Дундговь аймгийн Сайхан-Овоо сумын төвөөс хойд зүгт 33 км-т 2017.02.22-ны өдрийн 13:30:10 цагт //Ө-45073^/00^//, У-104⁰04^/00^/// 4.2 магнитудын хүчтэй газар хөдлөлт болсон тухай мэдээллийг ООГСХ-с цахим шуудангаар ирүүлсэн. Тус аймгийн Онцгой байдлын газраар дамжуулан тус сумын ЗДТГ-ын дарга Б-с тодруулахад иргэдэд чичирхийлэл мэдрэгдээгүй, хохирол учраагүй байлаа.

4.Объектын гал түймрийн талаар:

Нийслэлийн Чингэлтэй дүүргийн 19 дүгээр хороо, Доод салхитын  12 дугаар гудамжийн 248 тоотод иргэн З-н байшин  шатаж байна гэсэн дуудлагыг 2017.02.22-ны өдрийн 10:11 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 албан хаагч;

Сүхбаатар дүүргийн 17 дугаар хороо, Дамбын 80 дугаар гудамжийн 10В тоотод иргэн Д-н байшин  шатаж байна гэсэн дуудлагыг 2017.02.22-ны өдрийн 16:27 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 албан хаагч;

Завхан аймгийн Улиастай сумын Жинст  багийн МУИС-н дээд хэсгийн 2 дугаар гудамжийн 7 тоотод иргэн М-н байшин шатаж байна гэсэн дуудлагыг 2017.02.22-ны өдрийн 17:17 цагт хүлээн авч тус аймгийн Онцгой байдлын газрын Гал түймэр унтраах аврах 43 дугаар ангийн 5 албан хаагч, 2  автомашинтай;

Өвөрхангай аймгийн Арвайхээр сумын Бурхи багийн 85 дугаар гудамжийн 3 тоотод иргэн У-н байшин шатаж байна гэсэн дуудлагыг 2017.02.22-ний өдрийн 18:54 цагт хүлээн авч тус аймгийн Онцгой байдлын газрын Гал унтраах, аврах 12 дугаар ангийн 6 албан хаагч, 1 автомашинтай тус тус ажиллаж унтраасан.

                                                  ГАМШГИЙН ШУУРХАЙ УДИРДЛАГЫН ГАЗАР