Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Баруун аймгуудын нутгаар багавтар үүлтэй. Бусад нутгаар солигдмол үүлтэй. Хур тунадас орохгүй. Салхи баруун болон говийн аймгуудын нутгаар баруун өмнөөс, бусад нутгаар баруун хойноос 6-11 м/с, Алтайн салбар уулс хоорондын хөндийгөөр 15-17 м/с хүрч ширүүснэ. Хүрэн бэлчир орчмоор 1-6 градус хүйтэн, Увс нуурын хотгор болон Идэр, Тэс голын хөндийгөөр 2 градус хүйтнээс 3 градус дулаан, Дархадын хотгор болон Хангай, Хөвсгөлийн уулархаг нутаг, Ерөө голын хөндийгөөр 2-7 градус дулаан, Их нууруудын хотгор болон говийн бүс нутгийн өмнөд хэсгээр 13-18 градус, бусад нутгаар 9-14 градус дулаан байна.
Улаанбаатар хотод: Үүлшинэ, хур тунадас орохгүй, салхи баруун өмнөөс 5-10 м/с, өдөртөө 10-12 градус дулаан байна.
Төлөв байдал: 3-нд баруун аймгуудын нутгийн зарим газар, төвийн аймгуудын нутгийн хойд хэсгээр, 4-нд баруун, төв, зүүн аймгуудын нутгаар, 5-нд төв, говь болон зүүн аймгуудын нутгаар хур тунадас, нойтон цас орно. Салхи 2, 3-нд баруун болон төвийн аймгуудын нутгаар, 4, 5-нд ихэнх нутгаар түр зуур 16-18 м/с хүрч шороон болон цасан шуурга шуурна. Ихэнх хугацаанд Хүрэн бэлчир орчмоор шөнөдөө 16-21 градус, өдөртөө 0-5 градус, Увс нуурын болон Дархадын хотгор, Идэр, Тэс голын хөндийгөөр шөнөдөө 8-13 градус хүйтэн, өдөртөө 1 градус хүйтнээс 4 градус дулаан, Хангай, Хөвсгөлийн уулархаг нутаг, Ерөө голын хөндийгөөр шөнөдөө 4-9 градус хүйтэн, өдөртөө 5-10 градус дулаан, говийн бүс нутгийн өмнөд хэсгээр шөнөдөө 1 градус хүйтнээс 4 градус дулаан, өдөртөө 15-20 градус дулаан, бусад нутгаар шөнөдөө 0-5 градус хүйтэн, өдөртөө 11-16 градус дулаан байна. 4-нд нутгийн хойд хэсгээр, цаашдаа ихэнх нутгаар хүйтэрнэ.
2.Эрэн хайх, аврах ажиллагаа:
Сураггүй болсон: Өвөрхангай аймгийн Тарагт сумын Арвайн тал багийн “Усчны хоолой” гэдэг газар иргэн Д /42 настай, эмэгтэй/ 2017.03.22-ны өдрийн 16:00 цагт малдаа яваад сураггүй болсон тухай дуудлагыг 2017.03.23-ны өдрийн 10:45 цагт хүлээн авч тус аймгийн Онцгой байдлын газрын 8 албан хаагч, орон нутгийн 26 иргэн, нийт 34 хүн, 4 техник хэрэгсэлтэйгээр ажиллаж, 03.31-ний өдрийн байдлаар Арвайн тал багийн “Бүрд” гэдэг газар 10 км-ын тойрогт эрэн хайх ажиллагааг зохион байгуулсан. Эрлийн ажиллагаа үргэлжилж байна.
Аврах ажиллагаа: Увс аймгийн Өмнөговь сумын Улиастай багийн “Шүдэнгийн хөх хад” гэдэг газар /сумын төвөөс урд зүгт 34 км-т/ 7 өрхийн 6000 орчим мал цасанд боогдсон тухай дуудлагыг 2017.03.30-ны өдрийн 16:10 цагт хүлээн авч аймгийн Онцгой байдлын газрын Гал түймэр унтраах, аврах 41 дүгээр ангийн 3 албан хаагч, 1 техник хэрэгсэлтэйгээр ажиллаж, цасанд боогдсон өрх айлд хоол хүнс, өвс тэжээл, галын түлш хүргэж өгсөн.
3.Ой, хээрийн түймэр:
Төв аймгийн Жаргалант сумын Өгөөмөр багийн “Хөндлөнгийн-Эх” гэдэг газар /сумын төвөөс зүүн урд зүгт 30 км-т/ ойн түймэр гарсан тухай дуудлагыг 2017.03.30-ны өдрийн 15:40 цагт хүлээн авч тус сумын 20 иргэн, 3 техник хэрэгсэлтэйгээр ажиллаж, 2017.03.30-ны өдрийн 20:00 цагт түймрийг цурманд оруулсан, 03.31-ний өдрийн 17:55 цагт;
Сэлэнгэ аймгийн Сайхан сумын Гавшгай багийн “Хагархай толгой” гэдэг газар /сумын төвөөс зүүн урд зүгт 10 км-т/ хээрийн түймэр гарсан тухай дуудлагыг 2017.03.31-ний өдрийн 12:15 цагт хүлээн авч тус аймгийн Онцгой байдлын газрын 10 албан хаагч, 1 техник хэрэгсэлтэйгээр, орон нутгийн 4 иргэн, 1 техник хэрэгсэлтэйгээр ажиллаж 03.31-ний өдрийн 14:25 цагт тус тус унтраасан.
Төв аймгийн Баянцогт сумын Даргиат багийн “Бугант толгой” гэдэг газар /сумын төвөөс зүүн хойд зүгт 23 км-т/ ойн түймэр гарсан тухай дуудлагыг 2017.03.31-ний өдрийн 14:39 цагт хүлээн авч орон нутгийн 10 иргэн, 1 техник хэрэгсэлтэйгээр ажиллаж 03.31-ний өдрийн 19:29 цагт цурамд оруулсан. 6 га орчим талбай шатсан байна.
Булган аймгийн Сэлэнгэ сумын Тариахтай багийн “Рашаан” гэдэг газар /сумын төвөөс хойд зүгт 28 км-т/ хээрийн түймэр гарсан тухай дуудлагыг 2017.03.31-ний өдрийн 16:45 цагт хүлээн авч тус аймгийн Онцгой байдлын газрын 12 албан хаагч, 1 техник хэрэгсэлтэйгээр, орон нутгийн 17 иргэн, 3 техник хэрэгсэлтэйгээр ажиллаж байна.
4.Объектын гал түймэр:
Нийслэлийн Сонгинохайрхан дүүргийн 8 дугаар хороонд иргэн Б-гийн эзэмшлийн 54-34 УНБ улсын дугаартай суудлын автомашин шатаж байна гэсэн дуудлагыг 2017.03.31-ний өдрийн 18:14 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 6 албан хаагч, 1 техник хэрэгсэлтэйгээр;
Баянзүрх дүүргийн 28 дугаар хороонд амбаар шатаж байна гэсэн дуудлагыг 2017.03.31-ний өдрийн 20:02 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн 8 албан хаагч, 2 техник хэрэгсэлтэйгээр;
Дархан-Уул аймгийн Дархан сумын 5 дугаар багийн нутаг дэвсгэрт үйл ажиллагаа явуулдаг тус сумын Засаг даргын Тамгын газрын байрны урд хатуу хучилттай автозамын зорчих хэсэгт “Элит хөгжил” ХХК-ийн 53-51 ДАХ улсын дугаартай нийтийн тээврийн автобус шатаж байна гэсэн дуудлагыг 2017.03.31-ний өдрийн 08:42 цагт хүлээн авч тус аймгийн Онцгой байдлын газрын Гал түймэр унтраах, аврах 22 дугаар ангийн 6 албан хаагч, 1 техник хэрэгсэлтэйгээр;
Баян-Өлгий аймгийн Бугат сумын 1 дүгээр багийн “Саят толгой” гэдэг газар иргэн С-ийн эзэмшлийн 71-23 БӨТ улсын дугаартай суудлын автомашин шатаж байна гэсэн дуудлагыг 2017.03.31-ний өдрийн 10:10 цагт хүлээн авч тус аймгийн Онцгой байдлын газрын Гал түймэр унтраах, аврах 31 дүгээр ангийн 6 албан хаагч, 1 техник хэрэгсэлтэйгээр;
Дархан-Уул аймгийн Дархан сумын 15 дугаар багт амбаар шатаж байна гэсэн дуудлагыг 2017.03.31-ний өдрийн 10:35 цагт хүлээн авч тус аймгийн Онцгой байдлын газрын Гал түймэр унтраах, аврах 22 дугаар ангийн 8 албан хаагч, 2 техник хэрэгсэлтэйгээр;
Дорноговь аймгийн Замын-Үүд сумын 2 дугаар багт амбаар шатаж байна гэсэн дуудлагыг 2017.03.31-ний өдрийн 19:26 цагт хүлээн авч тус аймгийн Онцгой байдлын газрын Гал түймэр унтраах, аврах 17 дугаар ангийн 8 албан хаагч, 2 техник хэрэгсэлтэйгээр;
Хөвсгөл аймгийн Мөрөн сумын Эрчим багт байшин шатаж байна гэсэн дуудлагыг 2017.04.01-ний 02:34 цагт хүлээн авч тус аймгийн Онцгой байдлын газрын Гал түймэр унтраах, аврах 27 дугаар ангийн 6 албан хаагч, 1 техник хэрэгсэлтэйгээр тус тус ажиллаж унтраасан. Уг гал түймэрт иргэн А /30 настай, эрэгтэй/ угаартсан байсныг эсэн мэнд гаргасан.
5.Техникийн холбогдолтой осол:
Ахуйн осол: Нийслэлийн Сонгинохайрхан дүүргийн 32 дугаар хороонд 1 хүүхэд устай нүхэнд унасан тухай дуудлагыг 2017.03.31-ний өдрийн 18:22 цагт хүлээн авч нийслэлийн Онцгой байдлын газрын Аврах ангийн 8 албан хаагч, 2 техник хэрэгсэлтэйгээр ажиллаж Э /5 настай, эрэгтэй/ 3 метрын гүнтэй устай нүхэнд унаж нас барсан байсан тул цогцсыг гаргаж тус дүүргийн Цагдаагийн хэлтсийн жижүүрийн бүрэлдэхүүнд шилжүүлэн өгсөн.
ГАМШГИЙН ШУУРХАЙ УДИРДЛАГЫН ГАЗАР