Өнгөрсөн хоногт: Улаанбаатар хот болон Булган, Говь-Алтай, Дархан-Уул, Орхон, Сэлэнгэ, Төв, Хэнтий аймагт хур тунадас орсон.
Өнөөдөр: Баруун аймгуудын нутгаар үүлэрхэг, бусад нутгаар солигдмол үүлтэй. Баруун аймгуудын нутгийн зүүн хэсэг, төвийн аймгуудын нутгийн баруун хэсэг, говийн аймгуудын нутгийн зарим газар болон зүүн аймгуудын нутгийн хойд хэсгээр хур тунадас орно. Бусад нутгаар хур тунадас орохгүй. Салхи зүүн аймгуудын нутгаар баруун өмнөөс хойш эргэж, бусад нутгаар баруун хойноос 8-13 м/с баруун болон говийн аймгуудын нутгийн өмнөд хэсэг, төвийн аймгуудын нутгийн зарим газраар 15-17 м/с хүрч шороон шуурга шуурна. Алтай, Хангай, Хөвсгөлийн уулархаг нутаг, Идэр, Тэс голын хөндий, Дархадын хотгор болон Хүрэн бэлчир орчмоор 0-5 градус хүйтэн, Эхийн голын Баянбүрд орчим, Говийн бүсийн баруун хэсэг болон Дорнод Монголын тал нутгаар 6-11 градус, Говийн бүсийн зүүн хэсгээр 11-16 градус, бусад нутгаар 1-6 градус дулаан байна.
Улаанбаатар хотод: Үүлэрхэг, хур тунадас орохгүй. Салхи баруун хойноос 7-12 м/с, зарим үед түр зуур 16-18 м/с хүрч ширүүснэ. 2-4 градус дулаан байна.
Төлөв байдал: 5 дугаар сарын 5-нд нутгийн зүүн хэсгээр, 8-нд баруун болон төвийн аймгуудын нутгийн хойд хэсгээр хур тунадас, нойтон цас орно. Бусад хугацаанд хур тунадас орохгүй. Салхи 5-нд говь талын нутгаар, 8-нд зарим газраар 14-16 м/с хүрч шороон шуурга шуурна. Дулаарч Хүрэн бэлчир, Дархадын хотгор болон Алтай, Хангай, Хөвсгөл, Хэнтийн уулархаг нутгаар шөнөдөө 0-5 градус хүйтэн, өдөртөө 13-18 градус, говийн бүс нутаг, Орхон-Сэлэнгийн сав газраар шөнөдөө 6-11 градус, өдөртөө 22-27 градус дулаан, бусад нутгаар шөнөдөө 3-8 градус, өдөртөө 18-23 градус дулаан байна.
2.Эрэн хайх, аврах ажиллагаа:
Эрэн хайх, аврах ажиллагаа: Булган аймгийн Орхон сумын Халиун багийн “Ханхар тээлийн гарам” гэдэг газар 2016.10.03-ны өдөр Орхон голын усанд осолдсон О /14 настай, эрэгтэй/-ыг тус аймгийн Онцгой байдлын газар эрэн хайх ажиллагааг зохион байгуулж байгаад түр зогсоосон байсныг 2017.04.25-ны өдрөөс үргэлжлүүлсэн. Орхон аймгийн Онцгой байдлын газрын Эрэн хайх, аврах бүлгийн 3 албан хаагч, 1 техник хэрэгсэлтэйгээр ажиллаж, 05.03-ны өдрийн байдлаар цаг агаарын байдлаас шалтгаалж эрэн хайх ажиллагаа түр зогссон.
Сэлэнгэ аймгийн Сайхан сумын Номгон багийн “Хар-Усны тохой” гэдэг газар 2016.10.23-ны өдөр Орхон голын усанд осолдсон иргэн М /39 настай, эрэгтэй/-ыг тус аймгийн Онцгой байдлын газар эрэн хайх ажиллагааг зохион байгуулж байгаад түр зогсоосон байсныг 2017.04.19-ний өдрөөс үргэлжлүүлсэн. 2017.04.30-ны өдрийн 05:00 цагаас эхлүүлэн Сэлэнгэ аймгийн Онцгой байдлын газрын 4 албан хаагч, Дархан-Уул аймгийн Онцгой байдлын газрын 5 албан хаагч, Орхон аймгийн 3 албан хаагч, нийт 12 албан хаагч, 3 автомашин, 4 завьтайгаар 05.03-ны өдрийн байдлаар Сүхбаатар сумын Ган зам багийн “Өндөр-Эрэг” гэдэг газраас тус сумын Хонгор морьт багийн “Тавтын пост” гэдэг газар хүртэл 25 км газар усаар эрэн хайх ажиллагааг зохион байгуулсан.
3.Мал, амьтны гоц халдварт болон халдварт өвчин:
Архангай аймгийн Хотонт сумын Орхон багийн “Хужиртын Бунхант” гэдэг газар малчин Д-гийн 2 адуу 2017.04.29-ний өдөр галзуу өвчний шинж тэмдэгтэй өвчилсөн тул дээж авч аймгийн МЭАЦЛ-д шинжлүүлэхэд 05.01-ний өдрийн 17-83 дугаар хариугаар “Галзуу” өвчин болох нь тогтоогдсон.
4.Ой, хээрийн түймэр:
Хэнтий аймгийн Норовлин сумын Онон багийн “Ар-Бэрх“ гэдэг газар /сумын төвөөс хойд зүгт 36 км-т/ ойн түймэр гарсан тухай дуудлагыг 2017.04.28-ны өдрийн 14:37 цагт хүлээн авч тус аймгийн Онцгой байдлын газрын 12 албан хаагч, Норовлин сумын 13 иргэн, Дадал сумын 9 иргэн, нийт 34 хүн, 3 техник хэрэгсэлтэйгээр ажиллаж 04.30-ны өдрийн 19:25 цагт цурманд оруулсан. 05.03-ны өдөр хур тунадас орсон.
Хэнтий аймгийн Цэнхэрмандал сумын Согоот багийн “Ногоон нуруу” гэдэг газар /сумын төвөөс хойд зүгт 30 км-т/ ойн түймэр гарсан тухай дуудлагыг 2017.04.30-ны өдрийн 19:30 цагт хүлээн авч ОБЕГ-ын харьяа АТА-ийн 26 албан хаагч, аймгийн ОБГ-ын 38 албан хаагч, Багануур дүүргийн Онцгой байдлын хэлтсийн 12 албан хаагч, Цэнхэрмандал сумын 97 иргэн, Жаргалтхаан сумын 41 иргэн, Өмнөдэлгэр сумын 78 иргэн, нийт 292 хүн, 29 техник хэрэгсэлтэйгээр унтраахаар ажиллаж байна. 05.03-ны өдөр хур тунадас орсон.
5.Объектын гал түймэр:
Дорнод аймгийн Хэрлэн сумын “Ивээл хорооллын” ашигладаггүй хуучин байшин шатаж байна гэсэн дуудлагыг 2017.05.03-ны өдрийн 10:01 цагт хүлээн авч тус аймгийн Онцгой байдлын газрын Гал түймэр унтраах, аврах 52 дугаар ангийн 6 албан хаагч, 1 техник хэрэгсэлтэйгээр;
Дорноговь аймгийн Замын-Үүд сумын Сүлд багийн 8 дугаар хэсгийн 201 дүгээр байранд иргэн Д-гийн өрөө шатаж байна гэсэн дуудлагыг 2017.05.03-ны өдрийн 12:35 цагт хүлээн авч тус аймгийн Онцгой байдлын газрын Гал түймэр унтраах, аврах 17 дугаар ангийн 7 албан хаагч, 2 техник хэрэгсэлтэйгээр;
Өвөрхангай аймгийн Арвайхээр сумын 3 дугаар багийн 10 дугаар гудамжны хашаанд хураалттай аргал шатаж байна гэсэн дуудлагыг 2017.05.03-ны өдрийн 20:25 цагт хүлээн авч тус аймгийн Онцгой байдлын газрын Гал түймэр унтраах, аврах 12 дугаар ангийн 5 албан хаагч, 1 техник хэрэгсэлтэйгээр тус тус ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР