Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Баруун болон зүүн аймгуудын нутгаар солигдмол үүлтэй, бусад нутгаар багавтар үүлтэй. Хур тунадас орохгүй. Салхи баруун болон зүүн аймгуудын нутгаар баруунаас, бусад нутгаар баруун өмнөөс 6-11 м/с, Алтайн салбар уулс болон говийн бүс нутгийн зарим газраар 12-14 м/с хүрч ширүүсэн зөөлөн шороон шуурга шуурна. Дархадын хотгор, Хүрэн бэлчир орчим, Идэр, Тэс голын хөндий, Алтай, Хангай, Хөвсгөл, Хэнтийн уулархаг нутгаар 17-22 градус, говийн бүс нутгаар 24-29 градус, бусад нутгаар 20-25 градус дулаан байна.
Улаанбаатар хотод: Багавтар үүлтэй, хур тунадас орохгүй, салхи баруун өмнөөс 6-11 м/с, 22-24 градус дулаан байна.
Төлөв байдал: 8-нд баруун болон төвийн аймгуудын нутгийн зарим газар 9,10-нд нутгийн хойд хэсгээр, 11-нд төв болон зүүн аймгуудын нутгийн зарим газраар хур тунадас, нойтон цас орно. Салхи 8,10-нд ихэнх нутгаар, 9-нд Алтайн салбар уулс, говь талын нутгаар, 11-нд зарим газраар 14-16 м/с, зарим үед 18-20 метр хүрч шороон шуурга шуурна. Идэр, Тэс голын хөндий, Хүрэн бэлчир, Дархадын хотгор болон Хангай, Хөвсгөл, Хэнтийн уулархаг нутгаар шөнөдөө 0-5 градус хүйтэн, өдөртөө 14-19 градус, говийн бүс нутаг, Орхон-Сэлэнгийн сав газраар шөнөдөө 7-12 градус, өдөртөө 23-28 градус, бусад нутгаар шөнөдөө 3-8 градус, өдөртөө 18-23 градус дулаан байна. Хугацааны сүүлээр нутгийн хойд хэсгээр сэрүүснэ.
2.Эрэн хайх, аврах ажиллагаа:
Ус, шаварт саатсан: Увс аймгийн Улаангом сумын 8 дугаар багийн “Хар-Онгорхойн гаталган” гэдэг газар 07-50 УВА улсын дугаартай 4 зорчигч бүхий суудлын автомашин шаварт суусан тухай дуудлагыг 2017.05.06-ны өдрийн 21:25 цагт хүлээн авч тус аймгийн Онцгой байдлын газрын 7 албан хаагч, 2 автомашинтай ажиллаж мөн өдрийн 23:50 цагт автомашиныг шавраас татан гаргасан.
3.Мал, амьтны гоц халдварт болон халдварт өвчин:
Архангай аймгийн Хотонт сумын Орхон багийн “Хужиртын Бунхант” гэдэг газар малчин Д-гийн 2 адуу 2017.04.29-ний өдөр галзуу өвчний шинж тэмдэгтэй өвчилсөн тул дээж авч аймгийн МЭАЦЛ-д шинжлүүлэхэд 05.01-ний өдрийн 17-83 дугаар хариугаар “Галзуу” өвчин болох нь тогтоогдсон.
4.Ой, хээрийн түймэр:
Нийслэлийн Баянзүрх дүүргийн 11 дүгээр хороо “Богдхан” уулын “Их тэнгэрийн-Ам” “Бага тэнгэрийн-Ам”-ны заагт хээрийн түймэр гарсан тухай дуудлагыг 2017.05.06-ны өдрийн 12:53 цагт хүлээн авч нийслэлийн Онцгой байдлын газрын дарга Онцгой байлдын хурандаа Н.Уламбаяр, дэд дарга Онцгой байдлын хурандаа Д.Эрдэнэбаатар, Хан-Уул дүргийн Онцгой байдлын хэлтсийн дарга Онцгой байдлын хурандаа хурандаа Д.Даваасүрэн болон Аврах ангийн 7 албан хаагч, Баянзүрх дүүргийн Онцгой байдлын хэлтсийн Галтүймэр унтраах, аврах 63 дугаар ангийн 4 албан хаагч, Хан-уул дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 17 албан хаагч, НОБГ, Цагдаагийн ерөнхий газрын харьяа МШУТ-ийн жижүүрийн бүрэлдэхүүн, Төрийн тусгай хамгааллалтын газрын 110 албан хаагч, Богдхан-Уулын дархан цаазат газрын хамгаалалтын захиргааны 2 ажилтан, нийт 141 хүн, 6 техник хэрэгсэлтэй ажиллаж мөн өдрийн 18:55 цагт унтраан Богдхан уулын дархан цаазат газрын хамгаалалтын захиргааны байгаль хамгаалагчид хүлээлгэн өгсөн.
5.Объектын гал түймэр:
Нийслэлийн Хан-Уул дүүргийн 13 дугаар хорооны иргэн Г-гийн хашаанд 350 жимсний мод шатаж байна гэсэн дуудлагыг 2017.05.06-ны өдрийн 11:37 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 65 дугаар ангийн 6 албан хаагч, 1 техник хэрэгсэлтэйгээр;
Төв аймгийн Зуунмод сумын 5 дугаар багийн “Задгай”-д иргэн Д-гийн амбаар шатаж байна гэсэн дуудлагыг 2017.05.06-ны өдрийн 16:03 цагт хүлээн авч тус аймгийн Онцгой байдлын газрын Гал түймэр унтраах, аврах 24 дүгээр ангийн 6 албан хаагч, 1 техник хэрэгсэлтэйгээр;
Сүхбаатар аймгийн Эрдэнэцагаан сумын Алтан-Овоо багийн нутаг дэвсгэрт автозамын зорчих хэсэгт иргэн О-гийн эзэмшлийн 69-61 УНЕ улсын дугаартай суудлын автомашин шатаж байна гэсэн дуудлагыг 2017.05.07-ны өдрийн 01:20 цагт хүлээн авч тус аймгийн Онцгой байдлын газрын Гал түймэр унтраах, аврах 47 дугаар ангийн 8 албан хаагч, 2 техник хэрэгсэлтэйгээр тус тус ажиллаж унтраасан.
6.Техникийн холбогдолтой ослын талаар:
Ахуйн осол: Дархан-Уул аймгийн Дархан сум 5 дугаар багийн 20 дугаар байрны 4 давхрын тагтны төмөр хамгаалалтнаас хүн 2 гараараа бариад зүүгдсэн унах гээд байна гэсэн дуудлагыг 2017.05.07-ний өдрийн 04:59 цагт хүлээн авч тус аймгийн Онцгой байдлын газрын 6 албан хаагч, 1 техник хэрэгсэлтэйгээр ажиллаж иргэн И /26 настай, эрэгтэй/ 2 гараараа төмөр хаалтнаас бариад зүүгдсэн байсан тул эсэн мэнд буулгаж Цагдаагийн байгууллагад шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР