Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Төвийн аймгуудын нутгаар үүлэрхэг, бусад нутгаар солигдмол үүлтэй. Баруун аймгуудын зүүн хэсэг, төвийн аймгуудын зарим газраар бороо, хур тунадас орно. Салхи зүүн аймгуудын нутгаар баруун өмнөөс, бусад нутгаар баруун хойноос 6-11 м/с, зарим газраар 14-16 м/с хүрч шороон шуурга шуурна. Дархадын хотгор, Хүрэн бэлчир, Идэр, Тэс голын хөндий, Хангай, Хөвсгөл, Хэнтийн уулархаг нутгаар 13-18 градус, говийн бүс нутаг, Дорнод Дарьгангын тал нутгаар 23-28 градус, бусад нутгаар 18-23 градус дулаан байна.
Улаанбаатар хотод үүлшинэ. Бороо шивэрнэ. Салхи баруун өмнөөс баруун хойш эргэж 5-10 м/с, зарим үед 14-16 м/с хүрч шороон шуурга шуурна. 21-23 градус дулаан байна.
Төлөв байдал: 9-10-нд нутгийн хойд хэсгээр бага зэргийн хур тунадас, 11-нд нутгийн зүүн хагаст, 12-нд зүүн аймгуудын нутаг болон баруун аймгуудын баруун хэсгээр хур тунадас, нойтон цас орно. Салхи 9-нд Алтайн салбар уулс болон говь, талын нутгаар, 10-нд ихэнх нутгаар, 11-нд нутгийн зүүн хагаст, 12-нд говь, талын нутгаар 14-16 м/с, зарим үед түр зуур 18-20 метр хүрч шороон шуурга шуурна. Хугацааны эхээр нутгийн хойд хэсгээр, цаашдаа нутгийн зүүн хагаст сэрүүсч Идэр, Тэс голын хөндий, Хүрэн бэлчир, Дархадын хотгор болон Хангай, Хөвсгөл, Хэнтийн уулархаг нутгаар шөнөдөө 1-6 градус хүйтэн, өдөртөө 5-10 градус, говийн бүс нутийн өмнөд хэсгээр шөнөдөө 6-11 градус, өдөртөө 20-25 градус дулаан, бусад нутгаар шөнөдөө 2 градус хүйтнээс 3 градус дулаан, өдөртөө 10-15 градус дулаан байна.
2.Эрэн хайх, аврах ажиллагаа:
Усны осол: Сэлэнгэ аймгийн Зүүнбүрэн сумын Жаргалант багийн “Сүмийн булан” гэдэг газар /сумын төвөөс баруун зүгт 8 км-т/ Сэлэнгэ мөрний усанд иргэн Ц /43 настай, эрэгтэй/ осолдсон тухай дуудлагыг 2017.05.07-ны өдрийн 15:22 цагт хүлээн авч тус аймгийн Онцгой байдлын газрын 5 албан хаагч, 1 техник хэрэгсэлтэйгээр ажиллаж, 18:30 цагт “Бүдүүний гүүр” гэдэг газраас /анх осолдсон газраас 300 метр орчим зайд/ цогцсыг олж;
Аврах ажиллагаа: Нийслэлийн Сүхбаатар дүүргийн 19 дүгээр хороо, Баянбулагийн зусланд торхтой усанд хүн уначихлаа гэсэн дуудлагыг 2017.05.07-ны өдрийн 14:39 цагт хүлээн авч нийслэлийн Онцгой байдлын газрын 5 албан хаагч, 1 техник хэрэгсэлтэйгээр ажиллаж, иргэн Л /72 настай, эрэгтэй/ 20 тонны устай төмөр торхонд унаж нас барсан байсныг гаргаж Цагдаагийн байгууллагад тус тус хүлээлгэн өгсөн.
3.Мал, амьтны гоц халдварт болон халдварт өвчин:
Архангай аймгийн Хотонт сумын Орхон багийн “Хужиртын Бунхант” гэдэг газар малчин Д-гийн 2 адуу 2017.04.29-ний өдөр галзуу өвчний шинж тэмдэгтэй өвчилсөн тул дээж авч аймгийн МЭАЦЛ-д шинжлүүлэхэд 05.01-ний өдрийн 17-83 дугаар хариугаар “Галзуу” өвчин болох нь тогтоогдсон.
4.Ой, хээрийн түймэр:
Төв аймгийн Сэргэлэн сумын Баянбүрд багийн “Дэнгийн-Ам” гэдэг газар /сумын төвөөс зүүн урд зүгт 50 км-т/ Хоолтын даваанд хээрийн түймэр гарч байна гэсэн дуудлагыг 2017.05.07-ны өдрийн 12:20 цагт хүлээн авч тус аймгийн Онцгой байдлын газрын 5 албан хаагч, орон нутгийн 10 иргэн, нийт 15 хүн 4 техник хэрэгсэлтэйгээр ажиллаж, 14:04 цагт бүрэн унтрааж, тус сумын хэсгийн төлөөлөгчид хүлээлгэн өгсөн. /Түймэрт 1 га орчим талбай өртсөн/.
Сэлэнгэ аймгийн Ерөө сумын Бугат тосгон багийн “Гозон ” гэдэг газар /сумын төвөөс хойд зүгт 13 км-т/ ойн түймэр гарсан тухай дуудлагыг 2017.05.07-ны өдрийн 15:40 цагт хүлээн авч тус аймгийн Онцгой байдлын газрын 12 албан хаагч, орон нутгийн 30 иргэн, нийт 42 хүн, 19 техник хэрэгсэлтэйгээр ажиллаж 21:30 цагт цурамд оруулсан. /Түймэрт 1 га орчим талбай өртсөн/.
Сүхбаатар аймгийн Сүхбаатар сумын Шинэ булаг багийн “Цахилдаг” гэдэг газар /аймгийн төвөөс хойд зүгт 65 км-т/ хээрийн түймэр гарсан тухай дуудлагыг 2017.05.07-ны өдрийн 15:40 цагт хүлээн авч тус аймгийн Онцгой байдлын газрын 12 албан хаагч, орон нутгийн 18 иргэн, нийт 30 хүн, 3 техник хэрэгсэлтэйгээр ажиллаж 23:30 цагт цурамд оруулж, 05.08-ны өдрийн 06:13 цагт бүрэн унтраасан.
5.Объектын гал түймэр:
Нийслэлийн Чингэлтэй дүүргийн 19 дүгээр хороонд байшин шатаж байна гэсэн дуудлагыг 2017.05.07-ний өдрийн 11:34 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 13 албан хаагч, 3 автомашинтай;
Баянгол дүүргийн 6 дугаар хороо, 14 дүгээр байрны өргөтгөл шатаж байна гэсэн дуудлагыг 2017.05.07-ны өдрийн 16:45 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 албан хаагч, 2 автомашинтай;
Багануур дүүргийн 3 дугаар хороо, Нарийн нуурын задгайд эзэн нь тодорхойгүй малын саравч шатаж байна гэсэн дуудлагыг 2017.05.07-ны өдрийн 17:47 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн 8 албан хаагч, 2 автомашинтай;
Хөвсгөл аймгийн Тариалан сумын Мандал багийн нутагт иргэн Б-гийн хураалттай мод шатаж байна гэсэн дуудлагыг 2017.05.07-ны өдрийн 13:07 цагт хүлээн авч тус аймгийн Онцгой байдлын газрын Гал түймэр унтраах, аврах 46 дугаар ангийн 7 албан хаагч, 2 автомашин;
Мөн сумын Мандал багийн Гахайн хонхорын 2 дугаар гудамжинд иргэн Л-ийн өвсний хашаа шатаж байна гэсэн дуудлагыг 2017.05.07-ний өдрийн 15:50 цагт хүлээн авч тус аймгийн Онцгой байдлын газрын Гал түймэр унтраах, аврах 46 дугаар ангийн 7 албан хаагч, 2 автомашин;
Дархан-Уул аймгийн Дархан сумын 16 дугаар багийн нутагт иргэн П-гийн хашаа, хураалттай мод шатаж байна гэсэн дуудлагыг 2017.05.07-ны өдрийн 16:52 цагт хүлээн авч тус аймгийн Онцгой байдлын газрын Гал түймэр унтраах, аврах 22 дугаар ангийн 6 албан хаагч, 1 автомашинтай;
Өвөрхангай аймгийн Хархорин сумын Вангийн овоо багийн нутагт иргэн Б-гийн хашаа шатаж байна гэсэн дуудлагыг 2017.05.07-ны өдрийн 17:25 цагт хүлээн авч тус аймгийн Онцгой байдлын газрын Гал түймэр унтраах, аврах 45 дугаар ангийн 5 албан хаагч, 1 автомашинтай;
Сүхбаатар аймгийн Баруун-Урт сумын Дэнж багийн нутагт дэвсгэрт үйл ажиллагаа явуулдаг “Сэвүүн-Уудам тал” ХХК-ийн зуурмагны үйлдвэрийн хашаанд иргэн Г-гийн 500 боодол өвс шатаж байна гэсэн дуудлагыг 2017.05.07-ний өдрийн 20:38 цагт хүлээн авч тус аймгийн Онцгой байдлын газрын Гал түймэр унтраах, аврах 15 дугаар ангийн 14 албан хаагч, 2 автомашинтай тус тус ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР