Өнгөрсөн хоногт: Дорноговь, Дорнод, Сүхбаатар аймгийн нутгаар бороо орсон. Бусад нутгаар цаг агаар тогтуун байлаа.
Өнөөдөр: Говийн аймгуудын нутгаар солигдмол үүлтэй, бусад нутгаар үүлэрхэг. Төв болон говийн аймгуудын нутгийн зүүн хэсэг, зүүн аймгуудын ихэнх нутгаар бороо орно. Дуу цахилгаантай. Бусад нутгаар бороо орохгүй. Салхи зүүн аймгуудын нутгаар зүүн өмнөөс, бусад нутгаар баруун хойноос 6-11 м/с, төвийн аймгуудын нутгийн зарим газраар 14-16 м/с, говь болон зүүн аймгуудын нутгийн зарим газраар түр зуур 18-20 м/с хүрч ширүүснэ. Алтай, Хангай, Хөвсгөл, Хэнтийн уулархаг нутаг, Дорнод-Монголын тал нутгаар 19-24 градус, говийн бүс нутгийн өмнөд хэсгээр 28-33 градус, бусад нутгаар 22-27 градус дулаан байна.
Улаанбаатар хотод: Үүлэрхэг. Бороо орохгүй. Салхи зүүн өмнөөс баруун хойш эргэж 4-9 м/с, зарим үед 12-14 м/с хүрч ширүүснэ. 24-26 градус дулаан байна.
Төлөв байдал: 8-нд зуун аймгуудын нутаг болон төвийн аймгуудын нутгийн баруун хэсгээр, 9-нд төв болон зүүн аймгуудын нутгийн хойд хэсгээр бороо, 10-11-нд зарим газраар түр зуурын бороо орно. Дуу цахилгаантай. Борооны өмнө салхи түр зуур 18-20 м/с хүрч ширүүснэ. Ихэнх хуацаанд нутгийн хойд хэсгээр сэрүүвтэр Хангай, Хөвсгөл, Хэнтийн уулархаг нутгаар шөнөдөө 3-8 градус, өдөртөө 18-23 градус, Говийн бүс нутгаар шөнөдөө 14-19 градус, өдөртөө 27-32 градус, бусад нутгаар шөнөдөө 10-15 градус, өдөртөө 22-27 градус дулаан байна.
2.Объектын түймэр:
Хувийн өмчид гарсан: Нийслэлийн Сонгинохайрхан дүүрэг, 6 дугаар хороонд nргэн У-гийн байранд эд хогшил шатаж байна гэсэн дуудлагыг 07.06-ны өдрийн 22:05 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтай ажиллаж унтраасан.
Чингэлтэй дүүрэг, 2 дугаар хороонд дэлгүүрийн зориулалттай өргөтгөлийн байр шатаж байна гэсэн дуудлагыг 07.07-ны өдрийн 01:39 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч, 2 автомашинтай ажиллаж унтраасан.
Завхан аймгийн Улиастай сум, Богдын гол багийн нутагт гэр шатаж байна гэсэн дуудлагыг 07.06-ны өдрийн 14:02 цагт хүлээн авч тус аймгийн Онцгой байдлын газрын Гал түймэр унтраах, аврах 43 дугаар ангийн 6 алба хаагч, 2 автомашинтай ажиллаж унтраасан.
3.Ой, хээрийн түймэр:
Ойн түймэр: Дорнод аймгийн Баян-Уул сум, Үйсэн багийн “Шинстэй” гэдэг газар /сумын төвөөс хойд зүгт 35 км-т/ аянга буусны улмаас ойн түймэр гарсан тухай дуудлагыг 06.30-ны өдрийн 09:20 цагт хүлээн авч тус аймгийн Онцгой байдлын газрын 22 алба хаагч, 2 техник хэрэгсэлтэйгээр ажиллаж 06.30-ны өдрийн 14:25 цагт түймрийг цурманд оруулсан. Орон нутгийн 10 иргэн бүрэн унтраахаар ажиллаж байна.
Сэлэнгэ аймгийн Ерөө сум, Бугант багийн “Хэрийн гол” гэдэг газар /сумын төвөөс зүүн урд зүгт 120 км-т/ ойн түймэр гарсан тухай дуудлагыг 07.05-ны өдрийн 23:20 цагт хүлээн авч тус аймгийн Онцгой байдлын газрын 9 алба хаагч, орон нутгийн 6 иргэн, нийт 15 хүн, 1 техник хэрэгсэлтэйгээр унтраахаар ажиллаж байна.
Сэлэнгэ аймгийн Ерөө сум, Буурагчин багийн Марз-Уул гэдэг газар /сумын төвөөс зүүн урд зүгт 150 км-т/аянга буусны улмаас ойн түймэр гарсан тухай дуудлагыг 07.01-ний өдрийн 19:25 цагт хүлээн авч тус аймгийн Онцгой байдлын газрын 6 алба хаагч, орон нутгийн 11 иргэн, нийт 17 хүн, 2 техник хэрэгсэлтэйгээр ажиллаж 07.05-ны өдрийн 22:00 цагт цурманд оруулж, бүрэн унтраахаар ажиллаж байна.
Сэлэнгэ аймгийн Ерөө сум, Буурагчин багийн “Ат гол” гэдэг газарт /сумын төвөөс зүүн урд зүгт 200 км-т, Мандал сумын төвөөс зүүн хойд зүгт 150 км-т/ ойн түймэр гарсан тухай дуудлагыг 07.07-ны өдрийн 05:40 цагт хүлээн авч орон нутгийн 10 иргэн, 1 техник хэрэгсэлтэйгээр унтраахаар ажиллаж байна.
Сэлэнгэ аймгийн Ерөө сум, Бугант багийн “Хорийн даваа” гэдэг газар /Бугант тосгоноос урд зүгт 20 км-т/ ойн түймэр гарсан тухай дуудлагыг 07.05-ны өдрийн 23:20 цагт хүлээн авч тус аймгийн Онцгой байдлын газрын 3 алба хаагч, орон нутгийн 10 иргэн, нийт 13 хүн, 4 техник хэрэгсэлтэйгээр унтраахаар ажиллаж байна.
Хээрийн түймэр: Сүхбаатар аймгийн Сүхбаатар сум, Хулгар багийн “Цэвэр” гэдэг газар /сумын төвөөс зүүн хойд зүгт 20 км-т/ хээрийн түймэр гарсан тухай дуудлагыг 07.06-ны өдрийн 16:00 цагт хүлээн авч тус аймгийн Онцгой байдлын газрын 12 алба хаагч, орон нутгийн 33 иргэн, нийт 45 хүн, 5 техник хэрэгсэлтэйгээр ажиллаж 07.06-ны өдрийн 23:30 цагт бүрэн унтрааж, тус багийн Байгаль хамгаалагчид хүлээлгэн өгсөн.
4.Зам тээврийн осол:
Автозамын осол: Төв аймгийн Жаргалант сум, Баянбулаг багийн “Баянбулаг” гэдэг газар /сумын төвөөс зүүн зүгт 15 км-т/ 19-67 УБТ улсын дугаартай “Тоёота Приус-20” загварын суудлын автомашин онхолдож, автомашины төмөр хийцэд хүн хавчуулагдсан тухай дуудлагыг 07.06-ны өдрийн 14:16 цагт хүлээн авч Сэлэнгэ аймгийн Онцгой байдлын газрын 5 алба хаагч, 1 техник хэрэгсэлтэйгээр ажиллаж, иргэн Э /48 настай, эмэгтэй/ хавчуулагдсан байсныг гаргаж тус сумын эрүүл мэндийн төвд шилжүүлэн өгсөн.
5.Эрэн хайх, аврах ажиллагаа:
Өвөрхангай аймгийн Уянга сум, Бөөрөлжүүт багийн “Бөөрөлжүүтийн гол” гэдэг газар үйл ажиллагаа явуулдаг иргэн О-гийн эзэмшлийн “Баярс гоулд” бичил уурхайд 15 метрын гүнд нурал болж 7 иргэн шороонд дарагдсан тухай дуудлагыг 07.06-ны өдрийн 05:02 цагт хүлээн авч тус аймгийн Онцгой байдлын газрын 13 алба хаагч, 1 техник хэрэгсэлтэйгээр ажиллаж иргэн Б /36 настай, эрэгтэй/, Х /32 настай, эрэгтэй/, Г /30 настай, эрэгтэй/, Г /22 настай, эрэгтэй/ шороонд дарагдаж гэмтсэн байсныг гаргаж эмнэлгийн байгууллагад, иргэн Г /28 настай, эрэгтэй/, Б /26 настай, эмэгтэй/, Н /25 настай, эрэгтэй/ нарын цогцсыг гаргаж цагдаагийн байгууллагад тус тус шилжүүлэн өгсөн.
Усны осол /эрэн хайх, аврах/: Нийслэлийн Хан-Уул дүүрэг, 9 дүгээр хороо, Сонсголонгийн гүүрний баруун талд иргэн О-гийн эзэмшлийн 97-95 УНҮ улсын дугаартай “Ланд крузер-200” загварын 1 зорчигчтой суудлын автомашин “Туул” голын усанд суусан тухай дуудлагыг 07.06-ны өдрийн 21:27 цагт хүлээн авч НОБГ-ын харьяа Нийслэлийн Аврах ангийн 6 алба хаагч, 2 техник хэрэгсэлтэйгээр ажиллаж, иргэн О /36 настай, эрэгтэй/ голын усанд хоригдсон байсныг аварч, автомашиныг уснаас татан гаргасан.
6.Мал, амьтны гоц халдварт өвчин:
Дорнод аймгийн Цагаан-Овоо сум, Гүнцэнгэлэг багийн “Хүүхдийн-Овоо” гэдэг газар /сумын төвөөс зүүн урд зүгт 80 км-т/ малчин Б-гийн 1 үхэр мал, амьтны гоц халдварт “Шүлхий” өвчний шинж тэмдэг илэрч, өвчилсөн малаас дээж авч, УМЭАЦТЛ-д шинжлүүлэхэд 07.03-ны өдрийн 17-1405 тоот хариугаар “Шүлхий” өвчин болох нь тогтоогдсон.
ОНЦГОЙ БАЙДЛЫН ЕРӨНХИЙ ГАЗАР