Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Зүүн аймгуудын нутгаар солигдмол үүлтэй. Бусад нутгаар үүлшинэ. Баруун, төв болон зүүн аймгуудын нутгийн зарим газраар түр зуурын бороо орно. Дуу цахилгаантай. Бусад нутгаар бороо орохгүй. Салхи баруун аймгуудын нутгаар баруун өмнөөс хойш эргэж, зүүн аймгуудын нутгаар зүүн хойноос, бусад нутгаар баруун өмнөөс 6-11 м/с, зарим газраар түр зуур 16-18 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 18-23 градус, Алтайн өвөр говь болон говийн бүс нутгаар 27-32 градус, бусад нутгаар 23-28 градус дулаан байна.
Улаанбаатар хотод: Үүлшинэ, бороо орохгүй, салхи зүүн хойноос 6-11 м/с, 26-28 градус дулаан байна.
Төлөв байдал: 15-нд баруун болон зүүн аймгуудын нутгийн зарим газар, төвийн аймгуудын нутгийн хойд хэсгээр, 16-нд баруун, төв, зүүн аймгуудын нутгийн зарим газар, 17, 18-нд баруун болон төвийн аймгуудын нутгийн зарим газраар түр зуурын бороо орно. Дуу цахилгаантай. Салхи ихэнх хугацаанд 7-12 м/с, зарим үед түр зуур 18-20 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар шөнөдөө 4-9 градус, өдөртөө 18-23 градус, говийн бүс нутгийн өмнөд хэсгээр шөнөдөө 15-20 градус, өдөртөө 28-33 градус, бусад нутгаар шөнөдөө 10-15 градус, өдөртөө 23-28 градус дулаан байна.
2.Объектын түймэр:
ААН, байгууллагын өмчид гарсан: Говьсүмбэр аймгийн Сүмбэр сумын Дэнж багийн “Малчин”-ы 2 дугаар гудамжинд цахилгаан хуваарлах самбар шатаж байна гэсэн дуудлагыг 08.13-ны өдрийн 21:19 цагт хүлээн авч тус аймгийн Онцгой байдлын газрын Гал түймэр унтраах, аврах 37 дугаар ангийн 6 алба хаагч, 2 автомашинтай ажиллаж унтраасан.
3.Эрэн хайх, аврах ажиллагаа:
Өндрөөс аврах: Төв аймгийн Эрдэнэ сумын Баянчандмань багийн “Тарвагатай-Ам” гэдэг газар хадан хясаанаас иргэн Б /21 настай, эрэгтэй/ унаж гэмтсэн байна гэсэн дуудлагыг 08.13-ны өдрийн 04:58 цагт хүлээн авч нийслэлийн Налайх дүүргийн Онцгой байдлын хэлтсийн 8 алба хаагч, 2 автомашинтай ажиллаж дүүргийн Эрүүл мэндийн төвд хүргэж өгсөн.
Усны осол /эрэн хайх, аврах/: Баян-Өлгий аймгийн Бугат сумын Бугат сумын Буга багийн “Буга” гэдэг газар Баян-Өлгий аймгийн Өлгий сумын харъяат иргэн Е /35 настай, эрэгтэй/ 07.30-ны өдөр амралтанд явахаар автомашинтай гэрээсээ гараад сураггүй болсон 08.13-ны өдөр Ховд голын эргээс автомашиныг нь олсон бөгөөд Ховд голын усанд осолдсон байж болзошгүй тухай дуудлагыг 08.13-ны өдрийн 15:22 цагт хүлээн авч тус аймгийн Онцгой байдлын газрын 6 алба хаагч, 1 завь, 1 автомашинтайгаар эрэн хайх ажиллагааг зохион байгуулж 19:10 цагт осолдсон газраас зүүн зүгт 5 км-с цогцсыг олж аймгийн Цагдаагийн газрын жижүүрийн бүрэлдэхүүнд шилжүүлэн өгсөн.
ОНЦГОЙ БАЙДЛЫН ЕРӨНХИЙ ГАЗАР