Өнгөрсөн хоногт: Улаанбаатар хот болон Дархан-Уул аймагт бороо орсон. Бусад нутгаар цаг агаар тогтуун байлаа.
Өнөөдөр: Зүүн аймгуудын нутгаар үүлэрхэг. Бусад нутгаар солигдмол үүлтэй. Баруун болон төвийн аймгуудын нутгийн хойд хэсэг, зүүн аймгуудын нутгийн зүүн хэсгээр хур тунадас, нойтон цас орно. Салхи баруун хойноос 6-11 м/с, баруун болон зүүн аймгуудын нутгийн зарим газраар түр зуур 14-16 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 7-12 градус, Эхийн голын Баянбүрд болон говийн аймгуудын нутгаар 17-22 градус, бусад нутгаар 13-18 градус дулаан байна.
Улаанбаатар хотод: Багавтар үүлтэй, хур тунадас орохгүй, салхи баруун хойноос 7-12 м/с, 13-15 градус дулаан байна.
Төлөв байдал: 23-нд баруун, төв болон зүүн аймгуудын нутгийн хойд хэсгээр бага зэргийн хур тунадас, 24-нд баруун аймгуудын нутгийн ихэнх, төвийн аймгуудын нутгийн баруун хэсгээр, 25-нд ихэнх нутгаар, 26-нд төв, болон зүүн аймгуудын нутгаар хур тунадас, нойтон цас орно. Салхи 23-нд баруун аймгуудын нутгаар, 24, 25-нд ихэнх нутгаар, 26-нд говь, талын нутгаар 18-20 м/с хүрч шороон болон цасан шуурга шуурна. 24-нд нутгийн баруун хэсгээр, 25, 26-нд ихэнх нутгаар хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 6-11 градус хүйтэн, өдөртөө 1-6 градус, говийн бүс нутгийн өмнөд хэсгээр шөнөдөө 3-8 градус, өдөртөө 13-18 градус дулаан, бусад нутгаар шөнөдөө 0-5 градус хүйтэн, цочир хүйтэрнэ, өдөртөө 6-11 градус дулаан байна. Бусад хугацаанд өдөртөө дулаан байна.
2.Объектын түймэр:
ААН, байгууллагын өмчид гарсан: Сүхбаатар аймгийн Асгат сумын Дөхөм багийн “Тоост-Ухаа ” гэдэг газар /сумын төвөөс зүүн урд зүгт 20 км-т/ 9000 боодол нуруулдсан өвс шатсан тухай дуудлагыг 09.20-ны өдрийн 10:45 цагт хүлээн авч тус аймгийн Онцгой байдлын газрын 10 алба хаагч, орон нутгийн 35 иргэн, нийт 45 хүн 6 техник хэрэгсэлтэйгээр ажиллаж байна.
Нийслэлийн Багануур дүүргийн 3 дугаар хороонд “Багануур” ХК-ийн хашаанд хураасан мод шатаж байна гэсэн дуудлагыг 09.21-ний өдрийн 15:34 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн 7 алба хаагч, 2 автомашинтай ажиллаж унтраасан.
Хувийн өмчид гарсан: Архангай аймгийн Эрдэнэбулган сумын 4 дүгээр багт “Хүч” авто засварын газрын зогсоолд иргэн Т-гийн эзэмшлийн 13-79 УБК улсын дугаартай суудлын автомашин шатаж байна гэсэн дуудлагыг 09.21-ний өдрийн 16:51 цагт хүлээн авч тус аймгийн Онцгой байдлын газрын Гал Түймэр унтраах, аврах 51 дүгээр ангийн 5 алба хаагч 1 автомашинтай ажиллаж унтраасан.
3.Эрэн хайх, аврах ажиллагаа:
Эрэн хайх ажиллагаа /сураггүй болсон/: Завхан аймгийн Цэцэн-Уул сумын төвөөс Тосонцэнгэл сумын чиглэлд зорчиж явсан 38-31 УБН улсын дугаартай автомашинтай Улаанбаатар хотын Сонгинохайрхан дүүргийн харъяат иргэн Б /63 настай, эрэгтэй/ сураггүй болсон тухай дуудлагыг 09.21-ний өдрийн 20:10 цагт хүлээн авч тус аймгийн Онцгой байдлын газрын 2 алба хаагч, ар гэрийн 1 хүн, 1 автомашинтай эрэн хайх ажиллагааг зохион байгуулж 09.22-ны өдрийн 02:10 цагт Түдэвтэй сумын Ойгон багийн Түдэвтэйн гуанзнаас эсэн мэнд олсон.
Усны осол /эрэн хайх, аврах/: Хөвсгөл аймгийн Тариалан сумын Сэлэнгэ багийн “Нүхтийн үзүүр” гэдэг газар /сумын төвөөс урд зүгт 28 км-т/ иргэн С /33 настай, эрэгтэй/ Сэлэнгэ мөрөнд 2017.09.17-ны өдрийн 09 цагт осолдсон тухай дуудлагыг 2017.09.17-ны өдрийн 09:30 цагт хүлээн авч тус аймгийн Онцгой байдлын газрын 13 алба хаагч, 2 автомашинтай, Булган аймгийн Онцгой байдлын газрын 4 алба хаагч, орон нутгийн 36 иргэн 7 морь, нийт 53 хүн, 8 техник хэрэгсэлтэйгээр эрэн хайх ажиллагааг зохион байгуулж байна. 09.21-ний өдрийн байдлаар усаар Булган аймгийн Хутаг-Өндөр сумын Тээл багийн Бирвааз хүртэл 50 км-т эрэн хайх ажиллагааг зохион байгуулсан.
Сэлэнгэ аймгийн Зүүнбүрэн сумын Бэлчир багийн “Бүдүүний гүүр” гэдэг газар /сумын төвөөс баруун зүгт 5 км-т/ Улаанбаатар хотын Хан-Уул дүүргийн 3 дугаар хорооны харьяат иргэн М /32 настай, эрэгтэй/ загасчилж яваад “Орхон” голын усанд осолдсон тухай дуудлагыг 09.16-ны өдрийн 16:16 цагт хүлээн авч тус аймгийн Онцгой байдлын газрын 10 алба хаагч, АТА-ийн 8 алба хаагч, Дархан-Уул аймгийн Онцгой байдлын газрын 6 алба хаагч, Цагдаагийн газрын 2 алба хаагч, ар гэрийн 5 иргэн, нийт 31 хүн, 7 техник хэрэгсэлтэйгээр эрэн хайх ажиллагааг зохион байгуулж байна. 09.21-ний өдрийн байдлаар эрэн хайх ажиллагааг 2 бүлэгт хувааж 1 дүгээр бүлэг осолдсон газраас Сүхбаатар сумын Хонгорморьт багийн “Орхон-Сэлэнгийн бэлчир” гэдэг газар хүртэл усаар 120 км, 2 дугаар бүлэг осолдсон газраас Зүүнбүрэн сумын Мангирт багийн “Тосонгийн-Ам” гэдэг газар хүртэл усаар 60 км газар эрэн хайх ажиллагааг зохион байгуулсан.
ОНЦГОЙ БАЙДЛЫН ЕРӨНХИЙ ГАЗАР