Өнгөрсөн хоногт: Улаанбаатар хот болон Баян-Өлгий, Дорнод, Сэлэнгэ аймгийн нутгаар хур танадас орсон. Бусад нутгаар цаг агаар тогтуун байлаа.
Өнөөдөр: Баруун аймгуудын нутгаар үүлэрхэг, бусад нутгаар үүлшинэ. Баруун аймгуудын нутгийн ихэнх, төвийн аймгуудын нутгийн баруун хэсгээр хур тунадас, нойтон цас орж, зөөлөн цасан шуурга шуурна. Салхи баруун аймгуудын нутгаар баруун хойноос, бусад нутгаар баруун өмнөөс 9-14 м/с, баруун аймгуудын нутгийн зарим газраар 18-20 м/с, зарим үед 24 м/с хүрч ширүүснэ. Алтай, Хангай, Хөвсгөлийн уулархаг нутгаар хүйтэрч 1-6 градус, говийн бүс нутгаар 22-27 градус, бусад нутгаар 18-23 градус дулаан байна.
Улаанбаатар хотод: Үүлшинэ. Хур тунадас орохгүй. Салхи баруун өмнөөс 4-9 м/с, зарим үед 12-14 м/с хүрч ширүүснэ. 19-21 градус дулаан байна.
Төлөв: 25-нд баруун, төв, зүүн аймгуудын нутгаар, 26-нд төв болон зүүн аймгуудын нутгийн зарим газраар, 27-нд төвийн аймгуудын нутгийн зүүн хэсэг, зүүн аймгуудын нутгийн зарим газраар, 28-нд зүүн аймгуудын нутгийн зүүн хэсгээр хур тунадас, нойтон цас орно. Салхи 25-нд ихэнх нутгаар, 26, 27-нд говь, талын нутгаар 18-20 м/с хүрч шороон болон цасан шуурга шуурна. Хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 7-12 градус хүйтэн, өдөртөө 2 градус хүйтнээс 3 градус дулаан, говийн бүс нутгийн өмнөд хэсгээр шөнөдөө 3-8 градус, өдөртөө 12-17 градус дулаан, бусад нутгаар шөнөдөө 1-6 градус хүйтэн, өдөртөө 4-9 градус дулаан байна.
2.Объектын түймэр:
Хувийн өмчид гарсан: Дархан-Уул аймгийн 15 дугаар багийн 9 дүгээр хэсэгт гэр шатаж байна гэсэн дуудлагыг 2017.09.23-ны өдрийн 14:00 цагт хүлээн авч тус аймгийн Онцгой байдлын газрын Гал түймэр унтраах, аврах 22 дугаар ангийн 6 алба хаагч, 1 автомашинтайгаар ажиллаж унтраасан.
Сүхбаатар аймгийн Баруун-Урт сумын Хайлааст багт 2 гэр шатаж байна гэсэн дуудлагыг 09.23-ны өдрийн 14:25 цагт хүлээн авч тус аймгийн Онцгой байдлын газрын Гал түймэр унтраах, аврах 15 дугаар ангийн 5 алба хаагч, 1 автомашинтай ажиллаж унтраасан.
Дархан-Уул аймгийн Дархан сумын 3 дугаар багийн Ногоон модны гүүрний задгайд зуны байшин шатаж байна гэсэн дуудлагыг 09.23-ны өдрийн 14:35 цагт хүлээн авч тус аймгийн Онцгой байдлын газрын Гал түймэр унтраах, аврах 54 дүгээр ангийн 5 алба хаагч, 1 автомашинтай ажиллаж унтраасан. Уг гал түймрийн аюулаас 15 сая орчим төгрөгийн өмч хөрөнгийг авран хамгаалсан.
Дорнод аймгийн Булган сумын Баян-Уул багийн /аймгийн төвөөс баруун урд зүгт 20 км-т/ “Ухаа хошуу” гэдэг газарт иргэн Э-гийн 75-51 ДОА улсын дугаартай портер автомашины толгойн хэсэг шатаж байна гэсэн дуудлагыг 09.23-ны өдрийн 18:02 цагт хүлээн авч тус аймгийн Онцгой байдлын газрын Гал түймэр унтраах, аврах 52 дугаар ангийн 6 алба хаагч, 1 автомашинтай ажиллаж унтраасан.
Ховд аймгийн Ховд сумын Улаан бураа багийн “Гурван хар-Ус” гэдэг газар /сумын төвөөс хойд зүгт 50 км-т/ 17-20 ХОҮ улсын дугаартай, “Портер” загварын автомашин, нуруулдсан 15 машин өвс шатаж байна гэсэн дуудлагыг 09:23-ны өдрийн 20:53 цагт хүлээн авч тус аймгийн Онцгой байдлын газрын 9 алба хаагч, орон нутгийн 50 иргэн, нийт 59 хүн, 17 техник хэрэгсэлтэйгээр ажиллаж унтраасан. /Уг гал түймэрт 1 га орчим бэлчээрийн талбай өрсөн/.
3.Эрэн хайх, аврах ажиллагаа:
Сураггүй алга болсон: Архангай аймгийн Жаргалант сумын Баянцагаан багийн “Согоотын Эх” гэдэг газар /сумын төвөөс баруун зүгт 12 км-т/ тус сумын харьяат иргэн Х /42 настай, эмэгтэй/ 09.20-ны өдөр самар түүнэ гэж гэрээсээ гараад сураггүй алга болсон тухай дуудлагыг 09.21-ний өдрийн 23:00 цагт хүлээн авч тус аймгийн Онцгой байдлын газрын 5 алба хаагч, орон нутгийн 72 иргэн, нийт 77 хүн, 10 техник хэрэгсэлтэйгээр эрэн хайх ажиллагааг зохион байгуулж байна.
Цасанд саатсан: Баян-Өлгий аймгийн Толбо сумын Бураат багийн “Бураатын даваа” гэдэг газар /аймгийн төвөөс баруун зүгт 85 км-т/ 05-96 УНУ улсын дугаартай “Старикс” загварын 5 зорчигчтой автомашин цасанд суусан тухай дуудлагыг 09.24-ний өдрийн 00:45 цагт хүлээн авч тус аймгийн Онцгой байдлын газрын Гал түймэр унтраах, аврах 31 дүгээр ангийн 8 алба хаагч, 1 техник хэрэгсэлтэйгээр ажиллаж, 5 иргэнийг аварч, автомашиныг цаснаас татан гаргасан.
Усны осол /эрэн хайх, аврах/: Хөвсгөл аймгийн Тариалан сумын Сэлэнгэ багийн “Нүхтийн үзүүр” гэдэг газар /сумын төвөөс урд зүгт 28 км-т/ иргэн С /33 настай, эрэгтэй/ Сэлэнгэ мөрөнд 2017.09.17-ны өдрийн 09 цагт осолдсон тухай дуудлагыг 2017.09.17-ны өдрийн 09:30 цагт хүлээн авч тус аймгийн Онцгой байдлын газрын 13 алба хаагч, Булган аймгийн Онцгой байдлын газрын 4 алба хаагч, орон нутгийн 36 иргэн, нийт 53 хүн, 8 техник хэрэгсэлтэйгээр эрэн хайх ажиллагааг зохион байгуулж байна. 09.22-ны өдрийн байдлаар усаар Булган аймгийн Хутаг-Өндөр сумын Тээл багийн Бирвааз хүртэл 55 км-т эрэн хайх ажиллагааг зохион байгуулсан.
Сэлэнгэ аймгийн Зүүнбүрэн сумын Бэлчир багийн “Бүдүүний гүүр” гэдэг газар /сумын төвөөс баруун зүгт 5 км-т/ Улаанбаатар хотын Хан-Уул дүүргийн 3 дугаар хорооны харьяат иргэн М /32 настай, эрэгтэй/ загасчилж яваад “Орхон” голын усанд осолдсон тухай дуудлагыг 09.16-ны өдрийн 16:16 цагт хүлээн авч тус аймгийн Онцгой байдлын газрын 9 алба хаагч, АТА-ийн 8 алба хаагч, Дархан-Уул аймгийн Онцгой байдлын газрын 6 алба хаагч, Цагдаагийн газрын 2 алба хаагч, ар гэрийн 15 иргэн, нийт 38 хүн, 10 техник хэрэгсэлтэйгээр эрэн хайх ажиллагааг зохион байгуулж, 09.23-ны өдрийн 10:10 цагт осолдсон газраас /зүүн зүгт 20 км-т/ “Өндөр-Эрэг” гэдэг газраас цогцсыг олж цагдаагийн байгууллагад хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР