Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Ихэнх нутгаар үүлшинэ. Баруун аймгуудын нутгийн зарим газраар, төвийн аймгуудын нутгийн баруун хэсгээр хур тунадас, нойтон цас орно. Бусад нутгаар хур тунадас орохгүй. Салхи нутгийн баруун хагаст баруунаас хойш эргэж, бусад нутгаар баруун өмнөөс 6-11 м/с, Алтайн салбар уулс болон Арц Богдын өвөр хоолойгоор 14-16 м/с хүрч ширүүснэ. Алтай, Хангай, Хөвсгөл, Хэнтэйн уулархаг нутгаар сэрүүсч 2-7 градус, говийн бүс нутгийн өмнөд хэсгээр 14-19 градус, бусад нутгаар 8-13 градус дулаан байна.
Улаанбаатар хотод: Үүлшинэ. Хур тунадас орохгүй. Салхи баруун өмнөөс 6-11 м/с. 8-10 градус дулаан байна.
Төлөв байдал: 21-нд төв болон говийн аймгуудын ихэнх нутаг, зүүн аймгуудын нутгийн өмнөд хэсгээр, 22-нд нутгийн зүүн өмнөд хэсгээр, 24-нд баруун аймгуудын нутгийн баруун хэсгээр хур тунадас, нойтон цас орж, салхи 7-12 м/с, зөөлөн цасан шуурга шуурна. 21,22-нд ихэнх нутгаар сэрүүсч Алтай, Хангай, Хөвсгөл, Хэнтэйн уулархаг нутгаар шөнөдөө 11-16 градус хүйтэн, өдөртөө 3 градус дулаанаас 2 градус хүйтэн, говийн бүс нутгийн өмнөд хэсгээр шөнөдөө 3 градус дулаанаас 2 градус хүйтэн, өдөртөө 10-15 градус дулаан, бусад нутгаар шөнөдөө 5-10 градус хүйтэн, өдөртөө 4-9 градус дулаан байна. 23-нд нутгийн баруун хэсгээр, цаашдаа ихэнх нутгаар өдөртөө дулаарна.
2.Объектын түймэр:
ААН, байгууллагын өмчид гарсан: Нийслэлийн Баянзүрх дүүргийн 5 дугаар хороо, ’’Ану’’ зоогийн газар гал гарч байна гэсэн дуудлагыг 10.19-ны өдрийн 22:29 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч, 2 автомашинтай 22:38 цагт хүрэлцэн очиж, 00:17 цаг ажиллаж унтраасан.
Хувийн өмчид гарсан: Сэлэнгэ аймгийн Шаамар сумын Дэлгэрхаан багийн /аймгийн төвөөс урд зүгт 17 км-т/ хашаанд өвс шатаж байна гэсэн дуудлагыг 10.19-ний өдрийн 14:52 цагт хүлээн авч тус аймгийн Онцгой байдлын газрын Гал түймэр унтраах, аврах 36 дугаар ангийн 8 алба хаагч, 2 автомашинтай 15:10 цагт хүрэлцэн очиж, 01:30 цаг ажиллаж унтраасан.
Нийслэлийн Баянзүрх дүүргийн 27 дугаар хороонд байшин шатаж байна гэсэн дуудлагыг 10.19-ний өдрийн 21:44 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 алба хаагч, 2 автомашинтай 21:55 цагт хүрэлцэн очиж, 00:45 цаг ажиллаж унтраасан.
Сонгинохайрхан дүүргийн 22 дугаар хороонд гэр шатаж байна гэсэн дуудлагыг 14:59 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 7 алба хаагч, 2 автомашинтай 15:19 цагт хүрэлцэн очиж, 00:15 цаг ажиллаж унтраасан.
Баянзүрх дүүргийн 16 дугаар хороонд байрны зоорийн давхар дахь дэлгүүрээс утаа гарч байна гэсэн дуудлагыг 10.20-ны 05:30 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 алба хаагч, 2 автомашинтай 05:38 цагт хүрэлцэн очиж, иргэн Э-гийн “Намуун” дэлгүүрийн эд хогшил шатаж байсныг 00:05 цаг ажиллаж унтраасан.
3.Зам тээврийн осол:
Автозамын осол: Сэлэнгэ аймгийн Баянгол сумын Хараагийн 1 дүгээр багийн нутаг “Баянцаатын-Ар” гэдэг газар /сумын төвөөс урд зүгт 8 км-т/ Улаанбаатар хотоос Дархан-Уул аймгийн чиглэлд зорчиж явсан 20-41 ТӨА улсын дугаартай ’’Приус-11’’ загварын автомашин, Улаанбаатар хотоос Дархан-Уул аймгийн чиглэлд зорчиж явсан 21-27 УНТ улсын дугаартай ’’Приус-20’’ загварын автомашин, Дархан-Уул аймгаас Улаанбаатар хотын чиглэлд зорчиж явсан 09-46 УБО улсын дугаартай ’’Ниссан пикап’’ загварын автомашин хоорондоо мөргөлдөж, ’’Приус-11’’ загварын автомашины эд ангид хүн хавчуулагдсан тухай дуудлагыг 2017.10.19-ний өдрийн 20:40 цагт хүлээн авч тус аймгийн Онцгой байдлын газрын Гал түймэр унтраах аврах 40 дүгээр ангийн 6 алба хаагч, 1 автомашинтай 10.19-ний өдрийн 21:06 цагт хүрэлцэн очиж, иргэн М /38 настай, эмэгтэй/ автомашины эд ангид хавчуулагдсан байсныг 01:00 цаг ажиллаж гарган, эмнэлгийн байгууллагад шилжүүлэн өгсөн.
4.Эрэн хайх, аврах ажиллагаа:
Нурангинаас /эрэн хайх аврах/: Увс аймгийн Тариалан сумын Толь багийн “Бор хавцал” гэдэг газар /сумын төвөөс баруун хойд зүгт 70 км-т/ тус аймгийн Улаангом сумын харьяат иргэн О /41 настай, эрэгтэй/ гар аргаар алт олборлож байгаад 30 метрийн гүн цооногт унаж нас барсан тул цогцсыг гаргаж өгнө үү гэсэн дуудлагыг 10.18-ны өдрийн 21:50 цагт хүлээн авч тус аймгийн Онцгой байдлын газрын Эрэн хайх, аврах бүлгийн 6 алба хаагч, 1 автомашинтай 10.19-ний өдрийн 01:00 цагт хүрэлцэн очиж, 02:35 цаг ажиллаж, 11:35 цагт 27 метрийн гүнээс цогцсыг гаргаж, Цагдаагийн байгууллагад хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР