Өнгөрсөн хоногт: Булган, Говь-Алтай, Дархан-Уул, Завхан, Сэлэнгэ, Хөвсгөл аймгийн нутгаар цас орсон.
Өнөөдөр: Нутгийн зүүн хагаст үүлэрхэг. Төв болон зүүн аймгуудын ихэнх нутаг, говийн аймгуудын зарим газраар хур тунадас, нойтон цас орж, цасан шуурга шуурна. Бусад нутгаар багавтар үүлтэй. Хур тунадас орохгүй. Салхи нутгийн зүүн хэсгээр зүүн өмнөөс баруун хойш эргэж, бусад нутгаар баруун хойноос 9-14 м/с, говь талын нутгаар 18-20 м/с, зарим үед 24 м/с хүрч шороон шуурга шуурна. Алтай, Хангай, Хөвсгөлийн уулархаг нутгаар 4-9 градус хүйтэн, говь талын нутгаар 7-12 градус дулаан, бусад нутгаар 1 градус дулаанаас 4 градус хүйтэн байна.
Улаанбаатар хотод: Цас орж, цасан шуурга шуурна. Салхи баруун хойноос 6-11 м/с, зарим үед 14-16 м/с хүрч ширүүснэ. Хүйтэрч 3 градус хүйтэн байна.
Төлөв байдал: 28-нд төвийн нутгийн зүүн хэсэг, зүүн аймгуудын нутгийн зарим газраар цас, 29-нд баруун аймгуудын нутгийн хойд хэсгээр, 30-31-нд төв болон зүүн аймгуудын нутгийн хойд хэсгээр бага зэргийн хур тунадас орно. Салхи 28-нд говь талын нутгаар, 30-нд зарим газраар 12-14 м/с хүрч ширүүснэ. 28-нд ихэнх нутгаар хүйтэн Алтай, Хангай, Хөвсгөл, Хэнтэйн уулархаг нутгаар шөнөдөө 16-21 градус, өдөртөө 4-9 градус, говийн бүс нутгийн өмнөд хэсгээр шөнөдөө 3-8 градус хүйтэн, өдөртөө 4-9 градус дулаан, бусад нутгаар шөнөдөө 9-14 градус хүйтэн, өдөртөө 4 градус хүйтнээс 1 градус дулаан байна. 29-нд нутгийн баруун хэсгээр, цаашдаа ихэнх нутгаар өдөртөө бага зэрэг дулаарна.
2.Объектын түймэр:
ААН, байгууллагын өмчид гарсан: Нийслэлийн Баянгол дүүргийн 20 дугаар хороонд шилэн барилгын дээвэр дээр гал гарч байна гэсэн дуудлагыг 17:37 цагт хүлээн авч Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн 10 алба хаагч, 3 автомашинтай 17:42 цагт хүрэлцэн очиж, дээврийн хөөсөнцөр хучилт шатаж байсныг 00:15 цаг ажиллаж унтраасан.
Хувийн өмчид гарсан: Нийслэлийн Баянзүрх дүүргийн 20 дугаар хороонд хашаа шатаж байна гэсэн дуудлагыг 10.26-ны өдрийн 09:17 цагт хүлээн авч тус дүүргийн Гал түймэр унтраах, аврах 35 дугаар ангийн 6 алба хаагч, 1 автомашинтай 09:24 цагт хүрэлцэн очиж, 00:10 цаг ажиллаж унтраасан.
Хан-Уул дүүргийн 4 дүгээр хороонд байшин шатаж байна гэсэн дуудлагыг 10.26-ны өдрийн 12:53 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн 7 алба хаагч, 2 автомашинтай 13:06 цагт хүрэлцэн очиж, 01:30 цаг ажиллаж унтраасан.
Хан-Уул дүүргийн 15 дугаар хороонд автомашин шатаж байна гэсэн дуудлагыг 10.26-ны өдрийн 13:30 цагт хүлээн авч Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч, 2 автомашинтай 13:40 цагт хүрэлцэн очиж 01-19 УНТ улсын дугаартай ’’Мазда ТХ-5’’ загварын автомашины багаж шатаж байсныг 00:10 цаг ажиллаж унтраасан.
Чингэлтэй дүүргийн 17 дугаар хороонд амбаар шатаж байна гэсэн дуудлагыг 21:47 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 алба хаагч, 2 автомашинтай 21:38 цагт хүрэлцэн очиж 00:40 цаг ажиллаж, унтраасан.
3.Ой, хээрийн түймэр:
Ой, хээрийн түймэр: Увс аймгийн Тэс сумын Баян–Овоо баг “Үзүүр шар” гэдэг газар /сумын төвөөс баруун хойд зүгт 50 км-т, аймгийн төвөөс 165 км-т/ хээрийн түймэр гарч байна гэсэн дуудлагыг 10.26-ны өдрийн 08:30 цагт хүлээн авч тус аймгийн Онцгой байдлын газрын 12 алба хаагч, орон нутгийн 108 хүн, Хилийн цэргийн 0311 дүгээр ангийн 20 алба хаагч, нийт 140 хүн, 7 автомашин, 4 мотоцикль, 67 морьтой, хилийн 174-175 дугаар тэмдэгтийн хооронд ажиллаж байна. 10.26-ны өдрийн 23:30 цагт тус аймгийн Онцгой байдлын газрын дарга, хурандаа Б.Баттулгын ахлуулсан 5 алба хаагч, 1 автомашинтай түймрийн голомт руу явж 02:50 цагт Тэс суманд очсон.
4.Эрэн хайх, аврах ажиллагаа:
Усны осол /эрэн хайх, аврах/: Нийслэлийн Сонгинохайрхан дүүргийн 32 дугаар хороо, Шинэ техникийн захын баруун талд тогтоол усанд хүн осолдсон гэсэн дуудлагыг 10.26-ны өдрийн 13:17 цагт хүлээн авч Нийслэлийн Аврах ангийн 6 алба хаагч, 1 автомашинтай 13:45 цагт хүрэлцэн очиж иргэн Б /22 настай, эрэгтэй/-ын цогцсыг 00:15 цаг ажиллаж гарган, цагдаагийн байгууллагад хүлээлгэн өгсөн.
Бусад: Говь-Алтай аймгийн Тайшир сумын Галуут багийн ’’Хоёр-Улаан’’ гэдэг газар /аймгийн төвөөс зүүн хойд зүгт 45км-т, Тайшир сумаас баруун урд зүгт 36 км-т/ Баян-Уул сумын харьяат малчин Д /40 настай, эмэгтэй/ 17-40 ГАҮ улсын дугаартай Хонда загварын автомашинтай Тайшир сумаас аймгийн төв рүү зорчиж яваад төөрч, машин нь эвдэрч зогссон тухай дуудлагыг 10.26-ны өдрийн 14:30 цагт хүлээн авч тус аймгийн Онцгой байдлын газрын Гал түймэр унтраах аврах 59 дүгээр ангийн 4 алба хаагч, 1 автомашинтай 16:35 цагт хүрэлцэн очиж, иргэн Д /40 настай, эмэгтэй/-г 17-40 ГАҮ улсын дугаартай Хонда загварын автомашинтай нь аймгийн төвд авчирч, ар гэрт нь хүлээлгэн өгсөн.
Нийслэлийн Баянгол дүүргийн 20 дугаар хороо, ’’Хөсөг’’ -трейд ХХК баруун талд иргэн О-гийн үйлдвэрийн зориулалтаар шинээр баригдаж байгаа 2 давхар барилгын шал, таазны төмөр хийц нурж иргэн А дарагдсан тухай дуудлагыг 10.26-ны өдрийн 15:12 цагт хүлээн авч Нийслэлийн Аврах ангийн 8 алба хаагч, 2 автомашинтай 15:25 цагт хүрэлцэн очиж иргэн А /18 настай, эрэгтэй/ төмөр хийцэд хавчуулагдсан байсныг 00:15 цаг ажиллан аварч, эмнэлгийн байгууллагад хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР