Өнгөрсөн хоногт: Улаанбаатар хот болон Архангай, Булган, Говь-Алтай, Дархан-Уул, Завхан, Орхон, Өвөрхангай, Сэлэнгэ, Төв, Увс, Хөвсгөл, Хэнтий аймгийн нутагт хур тунадас орсон. Бусад нутгаар цаг агаар тогтуун байлаа.
Өнөөдөр: Ихэнх нутгаар үүлэрхэг. Төв болон зүүн аймгуудын ихэнх нутгаар хур тунадас, зарим газраар ахиухан хэмжээний цас, говийн аймгуудын нутгийн хойд хэсгээр хур тунадас, нойтон цас орж, цасан шуурга шуурна. Бусад нутгаар цас орохгүй. Салхи баруун хойноос 5-10 м/с, төв, зүүн болон говийн аймгуудын нутгийн зарим газраар 12-14 м/с хүрч ширүүснэ. Хүйтэрч Алтай, Хангай, Хөвсгөл, Хэнтийн уулархаг нутгаар 2-7 градус хүйтэн, Алтайн өвөр говь болон говийн аймгуудын нутгаар 5-10 градус дулаан, бусад нутгаар 3 градус хүйтнээс 2 градус дулаан байна.
Улаанбаатар хотод: Үүлэрхэг. Ахиухан хэмжээний цас орж, цасан шуурга шуурна. Салхи баруун хойноос 5-10 м/с, зарим үед 12-14 м/с хүрч ширүүснэ. 0-2 градус дулаан байна.
Төлөв байдал: 7-нд баруун аймгуудын нутгийн хойд, зүүн аймгуудын нутгийн зүүн хэсгээр, 8-нд баруун болон төвийн аймгуудын нутгаар, 9-нд нутгийн зүүн хагаст цас орж, цасан шуурга шуурна. Салхи 8-нд ихэнх нутгаар, 7, 9-нд говь, талын нутгаар 14-16 м/с хүрч ширүүснэ. Хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 17-22 градус, өдөртөө 4-9 градус, говийн бүс нутгийн өмнөд хэсгээр шөнөдөө 3-8 градус хүйтэн, өдөртөө 2-7 градус дулаан, бусад нутгаар шөнөдөө 9-14 градус хүйтэн, өдөртөө 3 градус хүйтнээс 2 градус дулаан байна.
2.Объектын түймэр:
ААН, байгууллагын өмчид гарсан: Завхан аймгийн Улиастай сумын Жинст багийн Явуугийн гудамжны 1 тоотод “Эрхэм-Оргил” ХХК-ийн “Оргил” худалдааны төвийн 1 дүгээр давхарт цайны газарт хөргөгч, хөлдөөгч шатаж байна гэсэн дуудлагыг 11.05-ны өдрийн 23:42 цагт хүлээн авч тус аймгийн Онцгой байдлын газрын Гал түймэр унтраах, аврах 43 дугаар ангийн 15 алба хаагч, 3 автомашинтай 23:55 цагт хүрэлцэн очиж, 00:37 цаг ажиллаж унтраасан.
Хувийн өмчид гарсан: Баянхонгор аймгийн Баянхонгор сумын Угалз багт байшин шатаж байна гэсэн дуудлагыг 11.05-ны өдрийн 17:16 цагт хүлээн авч тус аймгийн Онцгой байдлын газрын Гал түймэр унтраах, аврах 16 дугаар ангийн 7 алба хаагч, 2 автомашинтай 17:21 цагт хүрэлцэн очиж, 00:12 цаг ажиллаж унтраасан.
Орхон аймгийн Баян-Өндөр сумын Наран багийн “Ахмадын автобусны буудал” гэдэг газар автозамын зорчих хэсэгт иргэн П-гийн 28-87 ОРА улсын дугаартай “Ниссан Нөт” загварын суудлын автомашин шатаж байна гэсэн дуудлагыг 11.05-ны өдрийн 21:51 цагт хүлээн авч тус аймгийн Онцгой байдлын газрын Гал түймэр унтраах, аврах 81 дүгээр ангийн 6 алба хаагч, 1 автомашинтай 21:55 цагт хүрэлцэн очиж, 00:15 цаг ажиллаж унтраасан.
Нийслэлийн Баянгол дүүргийн 20 дугаар хороо, “Дэвших-Эрдэнэ” ХХК-ийн хашаанд асфальт халаах тогоо шатаж байна гэсэн дуудлагыг 11.05-ны өдрийн 11:31 цагт хүлээн авч тус дүүргийн Гал түймэр унтраах, аврах 18 дугаар ангийн 8 алба хаагч, 2 автомашинтай 11:42 цагт хүрэлцэн очиж, 01:20 цаг ажиллаж унтраасан.
Баянзүрх дүүргийн 23 дугаар хороонд байшин шатаж байна гэсэн дуудлагыг 11.05-ны өдрийн 10:45 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн 8 алба хаагч, 2 автомашинтай 10:55 цагт хүрэлцэн очиж, 01:20 цаг, нэмэлтээр Гал түймэр унтраах, аврах 63 дугаар ангийн 8 алба хаагч, 2 автомашинтай 11:09 цагт хүрэлцэн очиж, 00:15 цаг тус тус ажиллаж унтраасан.
Чингэлтэй дүүргийн 10 дугаар хороонд гэр шатаж байна гэсэн дуудлагыг 11.05-ны өдрийн 16:40 цагт хүлээн авч тус дүүргийн Гал түймэр унтраах, аврах 10 дугаар ангийн 8 алба хаагч, 2 автомашинтай 16:48 цагт хүрэлцэн очиж, 00:10 цаг ажиллаж унтраасан.
3.Эрэн хайх, аврах ажиллагаа:
Эрэн хайх ажиллагаа /сураггүй болсон/: Дорноговь аймгийн Замын-Үүд сумын 3 дугаар багт иргэн С /8 настай, эмэгтэй/ 11.02-ны өдрийн 13:00 цагт хичээлдээ явна гэж гэрээсээ гараад сураггүй болсон тухай дуудлагыг 11.02-ны өдрийн 21:41 цагт хүлээн авч тус сумын Онцгой байдлын хэлтсийн Гал түймэр унтраах аврах 17 дугаар ангийн 10 алба хаагч, Цагдаагийн хэлтсийн 20 алба хаагч, нийт 30 хүн, 2 автомашинтай эрэн хайх ажиллагааг өмнө шалгагдаагүй айл, өрх, байгууллагад зохион байгуулсан. Эрлийн ажиллагаа өнөөдөр үргэлжилнэ.
ОНЦГОЙ БАЙДЛЫН ЕРӨНХИЙ ГАЗАР