Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хагаст үүлшинэ, бусад нутгаар багавтар үүлтэй. Баруун аймгуудын нутгийн хойд хэсэг болон Хөвсгөлийн уулсаар бага зэргийн цас орно. Бусад нутгаар хур тунадас орохгүй. Салхи баруун өмнөөс 6-11 м/с, Алтайн салбар уулсаар 14-16 м/с. Хангай, Хөвсгөл, Хэнтэйн уулархаг нутгаар 1 градус хүйтнээс 4 градус дулаан, Алтайн өвөр говиор 14-19 градус, говийн аймгуудын нутгаар 10-15 градус, бусад нутгаар 6-11 градус дулаан байна.
Улаанбаатар хотод: Багавтар үүлтэй, цас орохгүй, салхи баруун өмнөөс 6-11 м/с, 8-10 градус дулаан байна.
Төлөв байдал: 5-нд баруун болон төвийн аймгуудын нутгаар, 6-нд ихэнх нутгаар, 7-нд баруун аймгуудын нутгийн хойд, зүүн аймгуудын нутгийн зүүн хэсгээр хур тунадас, цас орж, цасан шуурга шуурч, 8-нд зарим газраар бага зэргийн цас орно. Салхи 5-6-нд ихэнх нутгаар, 7-нд говь, талын нутгаар 12-14 м/с хүрч ширүүснэ. 5-нд нутгийн баруун хэсгээр цаашдаа ихэнх нутгаар хүйтэрч Хангай, Хөвсгөл, Хэнтэйн уулархаг нутгаар шөнөдөө 17-22 градус, өдөртөө 3-8 градус, говийн бүс нутгийн өмнөд хэсгээр шөнөдөө 2-7 градус хүйтэн, өдөртөө 2-7 градус дулаан, бусад нутгаар шөнөдөө 8-13 градус хүйтэн, өдөртөө 2 градус хүйтнээс 3 градус дулаан байна.
2.Объектын түймэр:
Хувийн өмчид гарсан: Баян-Өлгий аймгийн Бугат сумын “Цагаан чулуу” багт хашаанд хураалттай байсан өвс шатаж байна гэсэн дуудлагыг 11.03-ны өдрийн 15:10 цагт хүлээн авч тус аймгийн Онцгой байдлын газрын Гал түймэр унтраах, аврах 31 дүгээр ангийн 7 алба хаагч, 2 автомашинтай 15:15 цагт хүрэлцэн очиж 00:45 цаг ажиллаж унтраасан.
Дорнод аймгийн Хэрлэн (Сүмбэр) сумын 10 дугаар багт байшин шатаж байна гэсэн дуудлагыг 11.03-ны өдрийн 15:53 цагт хүлээн авч тус аймгийн Онцгой байдлын газрын Гал түймэр унтраах аврах 52 дугаар ангийн 6 алба хаагч, 1 автомашинтай 15:57 цагт хүрэлцэн очиж 00:13 цаг ажиллаж унтраасан.
Нийслэлийн Баянзүрх дүүргийн 27 дугаар хороонд байшин шатаж байна гэсэн дуудлагыг 11.03-ны өдрийн 19:29 цагт хүлээн авч Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 8 алба хаагч, 2 автомашинтай 19:43 цагт хүрэлцэн очиж 00:59 цаг ажиллаж унтраасан.
3.Зам тээврийн осол:
Автозамын осол: Хөвсгөл аймгийн Бүрэнтогтох сумын Бүрэнхаан багийн ”Бага хөтөлийн-Ам” гэдэг газар /сумын төвөөс хойд зүгт 26 км/ 13-70 УБЕ улсын дугаартай нүүрс ачсан ачааны автомашин 11.03-ны өдрийн 19:00 цагийн орчим онхолдож 3 хүн автомашины төмөр эд ангид хавчуулагдсан байна гэсэн дуудлагыг 11.03-ны өдрийн 21:40 цагт хүлээн авч тус аймгийн Онцгой байдлын газрын 10 алба хаагч, 1 автомашинтай, орон нутгийн 8 иргэн, 1 автомашинтай 23:30 цагт цагт хүрэлцэн очиж 01:11 цаг ажиллаж иргэн Э /53 настай, эрэгтэй/-г эсэн мэнд гаргаж сумын хүн эмнэлэгт, автомашины төмөр эд ангид хавчуулагдан нас барсан иргэн Н /47 настай, эрэгтэй/, Б /46 настай, эрэгтэй/ нарын цогцсыг гаргаж сумын Цагдаагийн хэсгийн төлөөлөгчид тус тус шилжүүлэн өгсөн.
Нийслэлийн Баянзүрх дүүргийн 1 дүгээр хороонд авто замын зорчих хэсэгт “Тэнүүн-Огоо” ХХК-ийн 75-43 УБҮ улсын дугаартай нийтийн тээврийн автобус 1 хүн мөргөж, автобусны төмөр хийцэд хавчуулагдсан байна гэсэн дуудлагыг 11.03-ны өдрийн 11:29 цагт хүлээн авч Нийслэлийн Аврах ангийн 7 алба хаагч, 2 автомашинтай 11:43 цагт хүрэлцэн очиж 00:08 цаг ажиллаж иргэн У /37 настай, эрэгтэй/-г эсэн мэнд гаргаж НЯТТТ-д шилжүүлэн өгсөн.
4.Эрэн хайх, аврах ажиллагаа:
Эрэн хайх ажиллагаа /сураггүй болсон/: Дорноговь аймгийн Замын-Үүд сумын 3 дугаар багт иргэн С /8 настай, эмэгтэй/ 11.02-ны өдрийн 13:00 цагт хичээлдээ явна гэж гэрээсээ гараад сураггүй болсон тухай дуудлагыг 11.02-ны өдрийн 21:41 цагт хүлээн авч тус сумын Онцгой байдлын хэлтсийн Гал түймэр унтраах, аврах 17 дугаар ангийн 8 алба хаагч, Цагдаагийн хэлтсийн 28 алба хаагч, ЕБСургуулийн 40 ажилтан, орон нутгийн 35 иргэн, ар гэрийн 5 хүн, нийт 116 хүн, 16 автомашинтай эрэн хайх ажиллагааг 11.02-ны өдрийн 17:50 цагаас зохион байгуулж, 11.03-ны өдрийн 02:30 цагт эрлийн ажиллагааг түр зогсоож, 09:10 цагт дахин эхлүүлсэн. 11.03-ны өдрийн байдлаар Онцгой байдлын хэлтсийн 22 алба хаагч, 2 автомашинтай, Цагдаагийн хэлтсийн 14 алба хаагч, 14 автомашинтай, орон нутгийн 154 иргэн 12 автомашинтайгаар эрэн хайх ажиллагааг зохион байгуулж сумын төвийн бүх газрыг үзэж дуусгасан бөгөөд олдоогүй тул 15 бүлэгт хуваагдан сумын төвөөс хойд зүгт “Шаргын-Овоо” гэдэг газар хүртэл 30 км газарт эрэн хайх ажиллагааг зохион байгуулсан боловч үр дүнд хүрээгүй байна. Эрэн хайх ажиллагаа үргэлжилж байна.
Бусад: Нийслэлийн Баянзүрх дүүргийн 8 дугаар хороонд дулааны шугамын худагт хүн унасан тухай дуудлагыг 11.03-ны өдрийн 19:30 цагт хүлээн авч Нийслэлийн Аврах ангийн 7 алба хаагч, 2 автомашинтай 19:57 цагт хүрэлцэн очиж 00:10 цаг ажиллаж иргэн С /62 настай, эрэгтэй/-г эсэн мэнд гаргасан.
ОНЦГОЙ БАЙДЛЫН ЕРӨНХИЙ ГАЗАР