1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Баруун болон төвийн аймгуудын нутгаар үүлшинэ. Бусад нутгаар багавтар үүлтэй. Хангай, Хөвсгөлийн уулсаар цас бударна. Бусад нутгаар цас орохгүй. Салхи баруун аймгуудын нутгаар баруун өмнөөс, бусад нутгаар баруун хойноос 6-11 м/с. Увс нуурын хотгор, Завхан голын эх, Идэр, Тэс голын хөндийгөөр 20-25 градус, Их нууруудын болон Дархадын хотгор, Хараа, Ерөө, Туул, Тэрэлж голын хөндий, Хүрэн бэлчир орчимоор 14-19 градус, Эхийн голын Баянбүрд болон говийн бүс нутгийн өмнөд хэсгээр 1-6 градус, бусад нутгаар 8-13 градус хүйтэн байна.
Улаанбаатар хотод: Үүлшинэ. Цас орохгүй. Салхи баруун хойноос 5-10 м/с. 11-13 градус хүйтэн байна.
Төлөв байдал: 21-22-нд төв болон зүүн аймгуудын нутгийн зарим газраар, 23-нд баруун болон төвийн аймгуудын нутгийн хойд хэсгээр, 24-нд баруун аймгуудын нутгийн баруун хэсэг, зүүн аймгуудын нутгийн зүүн хэсгээр бага зэргийн цас орж, зөөлөн цасан шуурга шуурна. Салхи 7-12 м/с, 22-нд говь, тал хээрийн нутгаар 14-16 м/с хүрч ширүүснэ. Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө 35-40 градус, өдөртөө 20-25 градус, Хүрэн бэлчир, Хараа, Ерөө, Туул, Тэрэлж, Хэрлэн, Онон, Улз хөндийгөөр шөнөдөө 26-31 градус, өдөртөө 15-20 градус, говийн бүс нутгийн өмнөд хэсгээр шөнөдөө 15-20 градус, өдөртөө 2-7 градус, бусад нутгаар шөнөдөө 20-25 градус, өдөртөө 9-14 градус хүйтэн байна. Хугацааны сүүлчээр ихэнх нутгаар өдөртөө дулаарна.
2.Объектын түймэр:
ААН, байгууллагын өмчид гарсан: Сэлэнгэ аймгийн Мандал сумын Хэрх баг, сумын төвөөс урд зүгт 30 км-т үхрийн аж ахуйн уурын зуухны дээвэр шатаж байна гэсэн дуудлагыг 02.20-ны өдрийн 00:18 цагт хүлээн авч тус аймгийн Онцгой байдлын хэлтсийн Гал түймэр унтраах, аврах 19 дүгээр ангийн 6 алба хаагч, 2 автомашинтайгаар 01:52 цагт очиж, 30 минут ажиллаж унтраасан.
Хувийн өмчид гарсан: Дорнод аймгийн Хэрлэн (Сүмбэр) сумын 1 дүгээр баг, “Давст” гэдэг газар /аймгийн төвөөс зүүн хойд зүгт 36 км-т/ малын саравч, хураалттай өвс шатаж байна гэсэн дуудлагыг 02.19-ний өдрийн 14:34 цагт хүлээн авч тус аймгийн Онцгой байдлын газрын Эрэн хайх, аврах ангийн 12 алба хаагч, 1 автомашинтайгаар 15:30 цагт очиж, 06 цаг ажиллаж унтраасан. Уг гал түймэрт малын саравч, 400 орчим боодол өвс шатсан.
Нийслэлийн Сонгинохайрхан дүүргийн 20 дугаар хороонд орон сууцанд эд хогшил шатаж байна гэсэн дуудлагыг 02.19-ний өдрийн 22:45 цагт хүлээн авч тус дүүргийн Онцгой байдлын газрын Гал түймэр унтраах, аврах 26 дугаар ангийн 6 алба хаагч, 1 автомашинтайгаар 22:56 цагт очиж, 30 минут ажиллаж унтраасан. Уг гал түймэрт иргэн А /37 настай, эмэгтэй/ угаартсан байсныг гаргаж, НЯТТТ-ийн эмчид хүлээлгэн өгсөн.
Сонгинохайрхан дүүргийн 28 дугаар хороонд байшин шатаж байна гэсэн дуудлагыг 02.20-ны өдрийн 01:56 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 8 алба хаагч, 2 автомашинтайгаар 02:10 цагт очиж, 01 цаг 20 минут ажиллаж унтраасан.
ОНЦГОЙ БАЙДЛЫН ЕРӨНХИЙ ГАЗАР