1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн хойд хэсгээр үүлшинэ. Баруун аймгуудын нутгийн хойд хэсэг болон Хөвсгөлийн уулсаар бага зэргийн хур тунадас орно. Бусад нутгаар солигдмол үүлтэй. Хур тунадас орохгүй. Салхи баруун өмнөөс 6-11 м/с, Алтайн уулархаг нутгаар 26-28 м/с, төв, говь зүүн аймгуудын нутгийн зарим газраар секундэд 14-16 метр хүрч шороон шуурга шуурна. Увс нуур болон Дархадын хотгор Завхан голын эх, Идэр, Тэс голын хөндийгөөр 4-9 градус, говийн бүс нутгаар 18-23 градус, бусад нутгаар 15-20 градус дулаан байна.
Улаанбаатар хотод: Үүлшинэ. Хур тунадас орохгүй. Салхи баруун өмнөөс 5-10 м/с, зарим үед 14-16 м/с хүрч шороон шуурга шуурна. 17-19 градус дулаан байна.
Төлөв байдал: 01-нд баруун, төв, зүүн аймгуудын нутаг, говийн аймгуудын нутгийн хойд хэсгээр, 2-нд говь болон зүүн аймгуудын нутгийн зүүн хэсэг, 3-нд баруун, төв болон говийн аймгуудын нутгийн зарим газраар, 4-нд ихэнх нутгаар хур тунадас, нойтон цас орно. Салхи 1, 4-нд ихэнх нутгаар 18-20 м/с, зарим үед 24 м/с, 2-нд говь, талын нутгаар, 3-нд Алтайн салбар уулс болон Арц Богдын өвөр хоолойгоор 14-16 м/с хүртэл ширүүсч цасан болон шороон шуурга шуурна. Хугацааны эхээр нутгийн хойд хэсгээр, цаашдаа ихэнх нутгаар хүйтэрч Увс нуур болон Дархадын хотгор, Идэр, Тэс голын хөндийгөөр шөнөдөө 16-21 градус, өдөртөө 4-9 градус, Хангай, Хөвсгөл, Хэнтийн уулархаг нутаг, Завхан голын эх, Хүрэн бэлчир, Ерөө, Тэрэлж, Хэрлэн, Онон, Улз, Халх голын хөндий, Орхон-Сэлэнгийн сав газраар шөнөдөө 10-15 градус хүйтэн, өдөртөө 3 градус хүйтнээс 2 градус дулаан, говийн бүс нутгийн өмнөд хэсгээр шөнөдөө 0-5 градус, өдөртөө 8-13 градус дулаан, бусад нутгаар шөнөдөө 6-11 градус хүйтэн, өдөртөө 1-6 градус дулаан байна.
2.Объектын түймэр:
Хувийн өмчид гарсан: Дархан-Уул аймгийн Дархан сумын 5 дугаар багт цайны газрын өргөтгөл шатаж байна гэсэн дуудлагыг 03.30-ны өдрийн 09:06 цагт хүлээн авч тус аймгийн Онцгой байдлын газрын Гал түймэр унтраах, аврах 54 дүгээр ангийн 5 алба хаагч, 1 автомашинтайгаар 2,5 км зам туулан 09:10 цагт очиж, 10 минут ажиллаж унтраасан.
Нийслэийн Баянгол дүүргийн 1 дүгээр хороонд унтлагын өрөөнд гал гарч байна гэсэн дуудлагыг 03.30-ны 10:18 цагт хүлээн авч Нийслэлийн Онцгой байдлын газрын Гал түймэр унтраах, аврах 10 дугаар ангийн 6 алба хаагч, 1 автомашинтайгаар 6 км замыг туулан, 13:36 цагт очиж, 25 минут ажиллаж унтраасан. Нэмэлт дуудлагаар тус ангийн 2 албан хаагч, 1 автомашинтайгаар ажилласан. Уг гал түймрийн утаажилтын бүсээс нийт 62 иргэнийг гаргаж, 9 иргэнд анхны тусламж үзүүлж, эмнэлгийн байгууллагад өгсөн.
Баянзүрх дүүргийн 14 дүгээр хороонд байшин шатаж байна гэсэн дуудлагыг 03.30-ны өдрийн 15:22 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 алба хаагч, 2 автомашинтайгаар 5 км замыг туулан 15:35 цагт очиж, 20 минут ажиллаж унтраасан.
3.Байгаль цаг агаарын аюулт үзэгдэл:
Газар хөдлөлт: Говь-Алтай аймгийн Чандмань сумын Өлзий булаг багийн “Алаг хайрхан” гэдэг газар /сумын төвөөс баруун хойд зүгт 19 км-т/, /Ө 45036/00///, У 97077/00/// 03.31-ний өдрийн 00:05 цагт 4,4 магнитудын хүчтэй газар хөдлөлт болсон тухай мэдээллийг 03.15-ны өдрийн 00:22 цагт ООГХ-ээс утсаар мэдээлсэн. Тус сумын Засаг даргын орлогчоос 03.31-ний өдрийн 00:40, 01:45, 02:17 цагуудад тодруулахад “Иргэдэд газар хөдлөлтийн чичирхийлэл 30 секунд орчим хугацаанд мэдрэгдсэн, одоогоор учирсан хохирол байхгүй, өглөө ажлын хэсэг томилогдоно” гэж мэдээлсэн.
4.Эрэн хайх, аврах ажиллагаа:
Бусад: Орхон аймгийн Баян-Өндөр сумын Хүрэнбулаг багт дулааны шугамын хоолойд цогцос байна гэсэн дуудлагыг 03.30-ны өдрийн 16:42 цагт хүлээн авч тус аймгийн Онцгой байдлын газрын 5 алба хаагч, 1 техник хэрэгсэлтэйгээр ажиллаж, Согоот багийн оршин суугч Б /33 настай, эрэгтэй/-ийн цогцсыг гаргаж, цагдаагийн байгууллагад хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР