1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Говийн аймгуудын нутгаар багавтар үүлтэй, бусад нутгаар үүлэрхэг. Баруун болон төвийн аймгуудын нутгийн хойд хэсгээр бага зэргийн хур тунадас орно. Бусад нутгаар хур тунадас орохгүй. Салхи баруунаас 7-12 м/с, Алтайн салбар уулсаар 14-16 м/с хүрч зөөлөн шороон шуурна шуурна. Увс нуур болон Дархадын хотгор, Хангай, Хөвсгөл, Хэнтийн уулархаг нутаг, Идэр, Тэс, Халх голын хөндийгөөр 7-12 градус, Алтайн өвөр говь болон говийн аймгуудын нутгаар 17-22 градус, бусад нутгаар 10-15 градус дулаан байна.
Улаанбаатар хотод: Үүлшинэ. Хур тунадас орохгүй. Салхи баруун өмнөөс 7-12 м/с. 12-14 градус дулаан байна.
Төлөв байдал: 9-нд ихэнх нутгаар,10-нд төвийн аймгуудын нутгийн зүүн хэсэг, зүүн аймгуудын нутгийн зарим газар, 11-нд баруун аймгуудын ихэнх нутаг, төвийн аймгуудын нутгийн хойд хэсэг, 12-нд төв, говь, зүүн аймгуудын ихэнх нутгаар хур тунадас, нойтон цас орно. Салхи 10-нд баруун аймгуудын нутгийн зарим газраар 12-14 м/с, 9, 12-нд ихэнх нутгаар,11-нд баруун болон төвийн аймгуудын нутгийн зарим газраар 14-16 м/с хүрч цасан болон шороон шуурга шуурна. Ихэнх хугацаанд Дархадын хотгор, Идэр, Тэс голын хөндий, шөнөдөө 6-11 градус хүйтэн, өдөртөө 3-8 градус, Увс нуурын хотгор, Завхан голын эх, Хүрэн бэлчир орчим, Хангай, Хөвсгөл, Хэнтийн уулархаг нутгаар шөнөдөө 3-8 градус, өдөртөө 0-5 градус хүйтэн, говийн бүс нутгийн өмнөд хэсгээр шөнөдөө 0-5 градус, өдөртөө 9-14 градус дулаан, бусад нутгаар шөнөдөө 0-5 градус хүйтэн, өдөртөө 1-6 градус дулаан байна.
2.Объектын түймэр:
ААН, байгууллагын өмчид гарсан: Нийслэлийн Баянзүрх дүүргийн 1 дүгээр хороонд 26 дугаар хороо, “Дүнжингарав” худалдааны төвийн хашаанд чингэлэг шатаж байна гэсэн дуудлагыг 03.07-ны өдрийн 13:37 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 6 алба хаагч, 1 автомашинтайгаар 5 км замыг туулан 13:48 цагт очиж, 5 минут ажиллаж унтраасан.
Хувийн өмчид гарсан: Нийслэлийн Баянзүрх дүүргийн 28 дугаар хороонд байшин шатаж байна гэсэн дуудлагыг 04.07-ны өдрийн 14:34 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн 8 алба хаагч, 2 автомашинтайгаар 4.5 км замыг туулан 14:42 цагт очиж, 5 минут ажиллаж унтраасан.
Сонгинохайрхан дүүргийн 19 дүгээр хороонд тагтан дээр эд хогшил шатаж байна гэсэн дуудлагыг 04.07-ны өдрийн 17:18 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 10 алба хаагч, 3 автомашинтайгаар 2 км замыг туулан 17:22 цагт очиж 25 минут ажиллаж унтраасан. Уг гал түймрийн утаажилтын бүсээс иргэн Д /31 настай, эмэгтэй/, А /3 настай, эмэгтэй/, Г /1 настай, эрэгтэй/ нарыг гаргаж, эмнэлгийн байгууллагад хүлээлгэн өгсөн.
Сүхбаатар дүүргийн 17 дугаар хороонд байшин шатаж байна гэсэн дуудлагыг 04.07-ны өдрийн 20:21 цагт хүлээн авч тус дүүргийн Онцгой байдлын газрын Гал түймэр унтраах, аврах 34 дүгээр ангийн 8 алба хаагч, 2 автомашинтайгаар 0.5 км замыг туулан 20:23 цагт очиж,10 минут ажиллаж унтраасан.
3.Ой, хээрийн түймэр:
Ойн түймэр: Хөвсгөл аймгийн Чандмань-Өндөр сумын Улаан-Асга багийн “Модтын өргөн шанааны-Их” гэдэг газар /сумын төвөөс хойд зүгт 60 км-т/ их утаа гарч байна ойн түймэр гарсан байж болзошгүй тухай мэдээллийг 04.07-ны өдрийн 19:40 цагт хүлээн авч орон нутгийн 10 иргэн, 1 техник хэрэгсэлтэйгээр 19:30 цагт явсан тухай тус сумын Засаг дарга аймгийн Онцгой байдлын газарт мэдээлсэн.
4.Эрэн хайх, аврах ажиллагаа:
Эрэн хайх ажиллагаа /сураггүй болсон/: Булган аймгийн Булган сумын 1 дүгээр багт иргэн Н-ийн хүү Э / 11 настай, эрэгтэй/ 04.06-ны өдрийн 10:00 цагт гэрээсээ гарч яваад одоо болтол байхгүй байгаа тухай дуудлагыг 04.07-ны өдрийн 01:25 цагт хүлээн авч тус аймгийн Онцгой байдлын 6 алба хаагч, 1 автомашинтай, цагдаагийн 5 алба хаагч, 1 автомашинтай, ар гэрийн 1 хүн, нийт 12 хүн, 2 техник хэрэгсэлтэйгээр 04.07-ны өдрийн 11:22 цагаас эхлэн эрэн хайх ажиллагааг зохион байгуулж, 17:55 цагт тус сумын шинэ хорооны айлд байсныг олж, ар гэрийнхэнд нь хүлээлгэн өгсөн.
5.Мэдээлэл:
Үйл ажиллагааны талаар: Төв аймгийн Дэлгэрхаан сумын Тарган багийн нутаг /сумын төвөөс зүүн урд зүгт 27 км-т/ 04.04-ний өдөр хүчтэй цасан болон шороон шуурга шуурсаны улмаас 27 өрхийн хоттой мал цасанд дарагдсан тухай дуудлагыг 04.05-ны өдрийн 15:20 цагт хүлээн авч тус аймгийн Онцгой байдлын газрын 10 алба хаагч, орон нутгийн 42 хүн, нийт 52 хүн, 6 автомашинтайгаар ажиллаж, 04.07-ны өдрийн 15:35 цагийн байдлаар 109 бод, 1517 бог, нийт 1626 мал, нийт 2690 толгой мал цасанд дарагдаж хорогдсоныг гаргасан.
ОНЦГОЙ БАЙДЛЫН ЕРӨНХИЙ ГАЗАР