1.Цаг агаарын талаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Нутгийн баруун хэсгээр үүлшинэ. Бусад нутгаар багавтар үүлтэй. Бороо орохгүй. Салхи баруун өмнөөс 6-11 м/с. Дархадын хотгор, Алтай, Хангай, Хөвсгөл, Хэнтийн уулархаг нутгаар 15-20 градус, Алтайн өвөр говь болон Их нууруудын хотгор, Орхон-Сэлэнгийн сав газраар 22-27 градус, бусад нутгаар 18-23 градус дулаан байна.
Улаанбаатар хотод: Багавтар үүлтэй. Бороо орохгүй. Салхи баруун өмнөөс 6-11 м/с. 20-22 градус дулаан байна.
Төлөв байдал: 25-нд зүүн аймгуудын нутгийн хойд хэсгээр, 26-нд баруун аймгуудын нутгийн баруун хэсгээр, 27-нд Хангай, Хөвсгөлийн уулархаг нутаг, Орхон-Сэлэнгийн саваар бороо, 28-нд төвийн аймгуудын нутгийн зарим газар, зүүн аймгуудын нутгийн баруун хэсгээр хур тунадас орно. Салхи 26-нд Алтайн салбар уулс болон Арц Богдын өвөр хоолойгоор, 27-нд зарим газраар, 28-нд ихэнх нутгаар 14-16 м/с хүрч шороон шуурга шуурна. Ихэнх хугацаанд Дархадын хотгор, Завхан голын эх, Хүрэн бэлчир, Идэр, Тэс голын хөндий, Хангай, Хөвсгөл, Хэнтийн уулархаг нутгаар шөнөдөө 1 градус хүйтнээс 4 градус дулаан, өдөртөө 15-20 градус, Их нууруудын хотгор, Орхон-Сэлэнгийн сав газар болон говийн бүс нутгийн өмнөд хэсгээр шөнөдөө 8-13 градус, өдөртөө 25-30 градус, бусад нутгаар шөнөдөө 4-9 градус, өдөртөө 20-25 градус дулаан байна. 27, 28-нд нутгийн хойд хэсгээр бага зэрэг сэрүүснэ.
2.Объектын түймэр:
Хувийн өмчид гарсан: Хэнтий аймгийн Бор-Өндөр сумын Бумбат багт түлээний амбаар, хашаа шатаж байна гэсэн дуудлагыг 04.23-ны өдрийн 14:17 цагт хүлээн авч тус аймгийн Онцгой байдлын газрын Бор-Өндөр суман дахь Гал түймэр унтраах аврах 49 дүгээр ангийн 7 алба хаагч, 1 автомашинтайгаар 4 км зам туулж 14:20 цагт очиж, 18 минут ажиллаж унтраасан.
Нийслэлийн Баянзүрх дүүргийн 11 дүгээр хороонд байшин, түлээний мод шатаж байна гэсэн дуудлагыг 04:23-ны өдрийн 15:25 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 6 алба хаагч, 1 автомашинтайгаар 20 км зам туулан 15:49 цагт очиж, 01 цаг ажиллаж унтраасан.
3.Ой, хээрийн түймэр:
Ойн түймэр: Булган аймгийн Тэшиг сумын Далан багийн “Ногоон толгой” гэдэг газар /сумын төвөөс баруун хойд зүгт 40 км -т/ ойн түймэр гарсан тухай дуудлагыг 04.22-ны өдрийн 21:45 цагт хүлээн авч тус аймгийн Онцгой байдлын газрын 12 алба хаагч, орон нутгийн 22 иргэн, нийт 34 хүн, 3 техник хэрэгсэлтэйгээр ажиллаж, 04:22-ны өдрийн 22:00 цагт цурманд оруулсан. /7 орчим га талбай шатсан/.
Хөвсгөл аймгийн Тариалан сумын Ар тархи багийн “Хоёр-Эхт” гэдэг газар /сумын төвөөс зүүн зүгт 70 км-т/ ойн түймэр гарсан тухай дуулагыг 04.23-ны өдрийн 22:02 цагт хүлээн авч тус суман дахь Гал түймэр унтраах, аврах 46 дугаарр ангийн 12 алба хаагч, орон нутгийн 15 иргэн, нийт 27 хүн, 3 техник хэрэгсэлтэйгээр ажиллаж, 23:40 цагт цурамд оруулсан. /нийт 4 га орчим талбай шатсан/.
Хөвсгөл аймгийн Эрдэнэбулган сумын Зэрлэг багийн “Горхины-Эх, Ухантын даваа” гэдэг газар /сумын төвөөс зүүн хойд зүгт 60 км-т/ ойн түймэр гарсан тухай дуудлагыг 04.15-ны өдрийн 20:13 цагт хүлээн авч 04.20-ны өдрийн байдлаар тус аймгийн Онцгой байдлын газрын 37 алба хаагч, Орхон аймгийн Онцгой байдлын газрын 15 алба хаагч, Булган аймгийн Онцгой байдлын газрын 12 алба хаагч, Эрдэнэбулган сумын 76 иргэн, Цагаан-Үүр сумын 40 иргэн, нийт 180 хүн, 14 автомашин, 8 мотоцикль, 35 морьтой ажиллаж, 04.20-ны өдрийн 15:41 цагт түймрийг цурманд оруулж, бүрэн унтраахаар ажиллаж байна. Түймэрт ойролцоогоор 5800 га талбай өртсөн.
Хээрийн түймэр: Хэнтий аймгийн Норовлин сумын Онон багийн “Эмгэнтийн-Адаг” гэдэг газар /сумын төвөөс зүүн хойд зүгт 40 км-т/ хээрийн түймэр гарсан тухай дуудлагыг 04.23-ны өдрийн 15:56 цагт хүлээн авч Дорнод аймгийн Баян-Уул суман дахь Гал түймэр унтраах, аврах 53 дугаар ангийн 12 алба хаагч, орон нутгийн 17 иргэн, Баян-Уул сумын 16 иргэн, нийт 45 хүн, 5 техник хэрэгсэлтэйгээр ажиллаж, 19:15 цагт цурманд оруулсан. /900 орчим га талбай шатсан/.
4.Мэдээлэл:
Гамшиг, аюулт үзэгдэл, ослын талаар: Архангай аймгийн Түвшрүүлэх сумын Хөх сум багийн Цохиот гэдэг газар /сумын төвөөс зүүн зүгт 12 км-т/ 2 гэр, эд хогшлын хамт 04.23-ны 09:00 цагийн үед бүрэн шатсан тухай мэдээллийг 04:23-ны өдрийн 10:55 цагт хүлээн авсан. Орон нутгийн 12 хүн, 1 техник хэрэгсэлтэйгээр ажилласан тухай тус сумын ЗДТГ-ын газрын даргыг орлон гүйцэтгэгч Б.Ганцоож аймгийн Онцгой байдлын газарт мэдээлсэн.
Өмнөговь аймгийн Цогтцэций сум (Тавантолгой)-ын Билгэх багийн Баянбулаг гэдэг газар /сумын төвөөс баруун хойд зүгт 22 км-т/ иргэн А-гийн эзэмшлийн “Тоёото камер” загварын суудлын автомашин шатаж байна гэсэн мэдээллийг 04.23-ны өдрийн 17:42 цагт хүлээн авч тус суман дахь Гал түймэр унтраах, аврах 44 дүгээр ангийн захирагчийн үүргийг түр орлон гүйцэтгэгч, дэслэгч Б.Будсүрэн газар дээр нь очиж үзлэг хийсэн тухай аймгийн Онцгой байдлын газраас мэдээлсэн.
ОНЦГОЙ БАЙДЛЫН ЕРӨНХИЙ ГАЗАР