Онцгой байдлын ерөнхий газрын харьяа Уул уурхай аврах ангиас “Уурхай, уулын үйлдвэрлэлийн Хөдөлмөрийн аюулгүй байдал эрүүл ахуйн шаардлагыг хангуулахад тулгамдаж буй асуудал” сургалт, хэлэлцүүлгийг 05 дугаар сарын 10-11-ний өдрүүдэд Нийслэлийн иргэдийг гамшгаас хамгаалах сургалтын төвд зохион байгуулах гэж байна.
Тус хэлэлцүүлэг нь уул уурхайн салбарын хэмжээнд уурхай, уулын үйлдвэрлэл эрхэлж буй аж ахуйн нэгжийн үйл ажиллагааг хариуцлагатай тогтвортой хөгжүүлэхэд хөдөлмөрийн аюулгүй байдал эрүүл ахуйн талаар тулгамдаж буй асуудал, тэдгээрийг хэрхэн шийдвэрлэх арга замыг тодорхойлох, харилцан туршлага солилцох, тохиолдож болзошгүй аюулт үзэгдэл, технологиийн холбогдолтой ослын тоо үзүүлэлтийг бууруулах зорилготой юм.
Хэлэлцүүлэгт УУХҮЯ, ОБЕГ, Аврах тусгай анги, МХЕГ, Нийслэлийн аврах анги 105, Нийслэлийн иргэдийг гамшгаас хамгаалах сургалтын төв, Уурхай, уулын үйлдвэрлэлийн ХАБЭА хариуцсан ажилтан, уулын инженерүүдийн нийт 80 орчим алба хаагч оролцоно гэж Онцгой байдлын ерөнхий газраас мэдээллээ.