Баян-Өлгий, Увс аймгийн Онцгой байдлын газрын алба хаагчид харилцан туршлага солилцох, байгууллагуудын хамтын ажиллагааг сайжруулах зорилгоор нөхөрсөг уулзалтыг Баян-Өлгий аймагт зохион байгууллаа.
Уулзалтаар Увс аймгийн Онцгой байдлын газрын алба хаагчид Баян-Өлгий аймгийн Онцгой байдлын газрын болон бие бүрэлдэхүүний өдөр тутмын үйл ажиллагаатай танилцаж, харилцан туршлага судалсан юм.
Энэ үеэр Баян-Өлгий аймгийн Онцгой байдлын газрын дарга, хурандаа С.Пүрэвсамдан, Увс аймгийн Онцгой байдлын газрын дарга, хурандаа Б.Баттулга нар цаашид хамтран ажиллах талаар харилцан ажиллагааны төлөвлөгөөнд гарын үсэг зурлаа.
Арга хэмжээний хүрээнд алба хаагчдын танин мэдэхүйн мэдлэгийг дээшлүүлэх, Казах үндэстний түүх, аймгийн онцлогийг харуулсан үзмэртэй танилцуулах зорилгоор аймгийн музейг үзүүлж сонирхуулахын зэрэгцээ гар бөмбөгийн нөхөрсөг тэмцээн зохион байгуулсан юм гэж Баян-Өлгий аймгийн Онцгой байдлын газраас мэдээллээ.