Ховд аймагт зохион байгуулагдаж байгаа “Говийн чоно-2018” гамшгийн хор уршгийг арилгах олон улсын сургалт, дадлага сургуулийн хүрээнд Монгол, Америкийн аврагчид нурангиас эрэн хайх, аврах ажиллагааны хамтарсан үзүүлэх дадлага сургуулийг зохион байгуулахаар бэлтгэл ажлыг ханган ажиллаж байна.
Бэлтгэл ажлын хүрээнд өнөөдөр газар хөдлөлтийн улмаас үүссэн нурангид нэрвэгдэгчийг эрэн хайх, аврах ажиллагааны дадлага сургуулийг хийлээ.
Дадлага сургуульд АНУ-ын Аляскийн үндэсний гвардын нуранги дахь эрэн хайх, аврах ажиллагааны мэргэжилтэн Вес Фэрэйсон, ОБЕГ-ын Аврах тусгай анги, Эрэлч нохойн алба, нийслэлийн Онцгой байдлын газар, Завхан, Говь-Алтай, Баян-Өлгий, Ховд аймгийн эрэн хайх, аврах салбарын нийт 26 аврагч хамрагдаж, харилцан туршлага солилцлоо гэж Онцгой байдлын ерөнхий газраас мэдээллээ.
